فقدت حلمي الرابع يارب رحمتك يابنات حابه افضفض ...

[شباصـه فرنسيــه]

ربي يعوضــكِ

 

[عشوقة الأنيمي]

والله الصراحة أنا ما أعرف بهالشغلات بس أمي تقول لا تفرحين بالشي إلا إذا صار وتم ..
والله يوفقج ويرزقج الذرية الصالحة ..

 

[جديده 1]

نصيحتي الأولى .. اقرأي توقيعج .. لانه عطى ناس وايد دفعه معنويه منهم انا

ثاني شي التزمي بالصلاه و اكثري الاستغفار و الصدقه ..

ثالث شي ..
اذا دمج سالب لازم تاخذين ابره للبيبي اللي ياي .. و سوي تحليل اجسام مضاده و تحليل للغدد بشكل عام ..
و انتوا فحصتوا فحص الزواج ولالا ؟؟ يمكن في مشكله وراثيه فيكم خاصه ان كنتم اقارب ..

 

[حبوبه الكويت]

الله يعووووضج يااارب
ويصبرج ويفرج همج يارب

 

[هب العطر]

يمكن فيج عين


او فيج القرينه , اللي تقتل الاجنه ,


عسى الله يشافيج و يبرد قلبج حبيبتي


اقري البقره على زيت زيتوون و ادهني جسمج


اذا حملتي لا تقولين لاحد و لا حتى لامج و اكلي عشان تمتنين و ما يبين حمالج


و يوميا تقرين البقره و مريم و يوسف و الاخلاص و المعوذتين و الجن و الكافرون


رفيجتي مثلج تقريبا و الله , وسوت اللي قلت لج عليه و كاهي عندها بيبي يهبل ما شاء الله ربي يخليه لها


اللي فيج مو مرض , انتي فيج سبب


ترا العين حق


و هذا انا قلت لج

 

[أعشقه]

الله يرزقك يارب ويفتح عليك من اوسع ابوابه

 

[عشق المطر]

نصيحتي الأولى .. اقرأي توقيعج .. لانه عطى ناس وايد دفعه معنويه منهم انا

ثاني شي التزمي بالصلاه و اكثري الاستغفار و الصدقه ..

ثالث شي ..
اذا دمج سالب لازم تاخذين ابره للبيبي اللي ياي .. و سوي تحليل اجسام مضاده و تحليل للغدد بشكل عام ..
و انتوا فحصتوا فحص الزواج ولالا ؟؟ يمكن في مشكله وراثيه فيكم خاصه ان كنتم اقارب ..

مشكوره حبيبتي وكل البنات الله يعطيكم الف عافية ويجزاكم خير على ردودكم وان شاء الله فتره وتعدي وربي يفرجها علي وعالجميع
والبنات الي سئلو عن فصيلة دمي انا o+ يعني افظل الفصائل وسويت كل التحاليل حتى للكرومسومات وكلها سليمه وزوجي بعد ماعنده مشاكل الأطباء يعتقدو انها مشكلة في الجينات وهذا المرض الي في عيالي غالبآ يكون وراثي بين الأقارب وانا وزوجي ماتمدنا صلة قرابه ابد وهذا الي محيريني والي تقول قرينه الله يبعدني عنها بس انا كلمت شيخ وقالي انها مومعي يجوز عين العين حق مثل ماقالت وحده من الأخوات بس ايماني بربي اكبر من اي شيء وهو بيده كل شيء وقادر يصرف كل بلاء عني واذا اراد لي اني احمل واشوف ضناي بشوفه رغم كل شيء
انا حامده ربي وشاكرته وماجزعت من رحمته بس بحد ذاته الموضوع يألم شفتهم قدامي يموتون احسها صعبه علي ولما اشوف كل الي حولي يحملون ويولدون وربي مااحسدهم بس اقول سبحان الي رزقهم وربي موحسد ولاغيره انا مااطلع شيء لغيري انا اتمنى اشوف ولدانا اجيبه مني ولي مايهمني اولادالناس بس يبي لي وقت انسى ويمكن نسياني بيكون على يدطفل ربي يرزقني اياه
تصدقو يابنات اتذكر منظر طفلي وهو نازل بدورة المياه وابكي حيل والوم نفسي اني قمت من عالسريرانا ماكنت ادري انه بينزل مني ماكنت احس بشيء ولاالم بجد تألمت حيل وموقادره انسى منظرطفلي الي ولدته بشهر الثامن وانا طالعه من المستشفى وسلموه لابوه وهوشايله على يده لحظته ماكنت ابكي ولاكان فيني اي مشاعربلعكس كنت اضحك واسولف احس اني هذاك اليوم انولدت من جديدلأني عانيت في ولادته حيل مادريت انه ضحكي ولاشعوري من تاثير الصدمه وبعديوم من الحدث تذكرته وبيكت مثل المجنونه نفس هالمره والمره الأولى والثانيه والثالثه
الله يعين اشكركم من كل قلبي على مواساتكم لي ولاتنسوني من الدعاء وان شاء الله ربي يعطيكم بمثل ماتدعون ويعطيكم الي تبون

 

[غايتي جنتي101]

اقري سوره البقره اربعين يوووم

اعتقد معاج مس يسقط الاجنه

وللله يسهل عليج يارب

 

[ياغفور اغفر لي]

قولي بس
قدر الله وماشا فعل وابشري بالعوض اختي

 

[غدووو العنزي]

الله يعووضك يارب يشفعولك يوم القياامه لا تضيقين ياقلبي

 

[بسيمه]

بجـيتينــــي والله

الله يصبرج ويعينج ويمسح على قلبج

بقولج عن صديقتي ثلاثة من أطفالها توفو بعمر ثلاث وأربع سنين مع إن ما فيهم شي لما جابتهم كبرو جدام عينها وتعودت عليهم وربتهم وتعلقت فيهم بس مرضو بمرض مو معروف وعانت بعلاجهم الله يرحم حالها , أذكر لما جيتها بالعزا تقول تعودت عليه أشيله أناغيه ألعب معاه الله يصبرني على فراقه ( هذا أخر واحد توفى ).

وإنتي قولي الحمد الله إنه ما كبر جدام عينج ولا شفتيه كبير وأصبري وأقري سورة البقرة دائما وأكثري من الإستغفار , وإدعي الله وأطلبيه ولحي فطلبج , خاصة وإحنا في الأيام المباركة

وبالنسبة إنج حاسة إنج السبب لما قمتي من على السرير , فلا تفكرين إن إحنا مخيرين في حياتنا نقوم ونعمل ونسوي كل شي بإرادتنا ... لاء وألف لاء إحنا يا إختي مسييييرييين كل أمورنا الله مقدرها وكاتبها لنا مالنا يد فيها , والخيره فيما أختاره الله , أتمنى إنج تطوين الصفحه الحزينه هذي من حياتج , وتبتدين من اليوم صفحة جديده كلها تفائل وخلي أملج بالله كبيييييير , إحسني الظن بالله وصدقيني بيحققلج إلي تبين إن شاء الله :yaaaaaarb:

اللهم صل وسلم على نبينا محمد وعلى أله وصحبه أجمعين

 

[عشق المطر]

بجـيتينــــي والله

الله يصبرج ويعينج ويمسح على قلبج

بقولج عن صديقتي ثلاثة من أطفالها توفو بعمر ثلاث وأربع سنين مع إن ما فيهم شي لما جابتهم كبرو جدام عينها وتعودت عليهم وربتهم وتعلقت فيهم بس مرضو بمرض مو معروف وعانت بعلاجهم الله يرحم حالها , أذكر لما جيتها بالعزا تقول تعودت عليه أشيله أناغيه ألعب معاه الله يصبرني على فراقه ( هذا أخر واحد توفى ).

وإنتي قولي الحمد الله إنه ما كبر جدام عينج ولا شفتيه كبير وأصبري وأقري سورة البقرة دائما وأكثري من الإستغفار , وإدعي الله وأطلبيه ولحي فطلبج , خاصة وإحنا في الأيام المباركة

وبالنسبة إنج حاسة إنج السبب لما قمتي من على السرير , فلا تفكرين إن إحنا مخيرين في حياتنا نقوم ونعمل ونسوي كل شي بإرادتنا ... لاء وألف لاء إحنا يا إختي مسييييرييين كل أمورنا الله مقدرها وكاتبها لنا مالنا يد فيها , والخيره فيما أختاره الله , أتمنى إنج تطوين الصفحه الحزينه هذي من حياتج , وتبتدين من اليوم صفحة جديده كلها تفائل وخلي أملج بالله كبيييييير , إحسني الظن بالله وصدقيني بيحققلج إلي تبين إن شاء الله :yaaaaaarb:

اللهم صل وسلم على نبينا محمد وعلى أله وصحبه أجمعين

مشكوره ياقلبي وماقصرتي وان شاءالله بحاول اطوي هالصفحه بس يبي لي شوية وقت استردنفسي وانسى..الله يعطيك الف عافية

 

[القصيدة]

السلام عليكم و رحمة الله و بركاته

الله يعوضك و يرزقك الذرية الصالحة و يفرج همك و جميع المسلمين :eh_s(17):​

 

[tofa7a34]

الله يعوضك يارب ويرزقك بالذرية الصالحه​

 

[ريحانة الجبل]

حبيبتي عسى الله يعوضك خير ، والخير فيما اختاره الله شنو تسوين انا اقولك
1) اهتمي بنفسك انتي في نفاس يعنى دفي نفسك واشربي الاشياء الحارة مثل شاي زعتر ، دارسين ، هيل وابتعدي عن البارد والبرودة
2) ديري بالك من الاكتئاب فالمعروف ان الهرمونات يصير فيها لخبطة في فترة النفاس وهذا يسبب الاكتئاب عند البعض اشغلي نفسك بالقراءة و المشاركة في منتدانا
3) لما تتطهرين اقرئي سورة البقرة يوميا قبل لا تنامين لاتتكاسلين فاختي سوتها بغرض العلاج والحمدلله اللي وفقها لذلك وعسى الله يوفقك انتي بعد
4) هذا اللي يصير لك ما اعتقد ما له سبب طبي لازم تروحين للطبيب وما تسكتين على نفسك روحي انتي وزوجك فالله سبحانه وتعالي ما خلق الا وخلق له الدواء
5) عليك بصلاة قيام الليل بعد الطهارة فلها مفعول السحر وكثرة الاستغفار ودفع الصدقات
6) ولما تحملين ان شاء الله المرة الجاية تحطين ايدك على بطنك وتقولين هذا الدعاء ( بسم الله الذي لا يضر مع اسمه شي في الارض ولا في السماء وهو السميع العليم ) ثلاثا مراتب بعد صلاة الفجر وبعد صلاة المغرب
لازم تفهمين ان الله سبحانه وتعالي له حكمه في ما حدث لك ، ودائما يقول اطباء النساء والولادة ان الجنين اللي يجهض فهو ضعيف يعني راح يتعبك في الدنيا ، لذلك خليه يكون لك شفيع في الاخرة احسن
وان شاء ادعيلك وانا في الحرم وعند جبل عرفة ان يرزقك بما تشتهين قادر يا كريم
​

 

[احساااااس انثى]

الله يعوضك حبيبتي يمكن خيره الخيره فيما اختارها الله
.......حبيبتي يمكن فيه مشكله عشان كذا تسقطين او عييين حاولي تدورين السبب
واذا حملتي مره ثانيه ادعي الله انه يثبته وكثري الاستغفار....اسأل الله ان يرزقك الحمل السليم المعافى
وتبشرينا قريب يالغلالاآ

 

[حروف الأمل]

حبيبتي انتي والله اني اكثر وحدة حاسة فيك الله يرزقنا جميعا يارب

وربي ماعمري حسيت بفرحة الحمل وانا داخلة على السبع سنوات آآآآآه

لكن شوفي ياقلبي انا دائما كنت أقرأ عن الاستغفار لكن اجلس فترة بسيطة استغفر وأتجاهل وهذا بليس اعوذ بالله منه

واليوم قرأت موضوع عن الاستغفار وقررت يوميا ان شاء الله أقل شي 100 مرة ( أستغفر الله واتوب اليه )

وشوفي الله سبحانه وتعالى وش يقول (( وَمَا كَانَ اللّهُ مُعَذِّبَهُمْ وَهُمْ يَسْتَغْفِرُونَ ))

حطي إيدك بإيدي وخلينا نواصل ونستغفر وانتبهي لايوسوس لك ابليس وتتركين الاستغفااااار

شوفي انا لي متزوجة ضعف سنين زواجك لكن مااقول الا الحمدلله على كل حال

يجي أوقات وأتألم شي طبيعي لكن أرجع وأتفائل بالخير لأن كل مؤمن مبتلى والله مع الصابرين

لاأوصيك بالإستغفار من هاللحظة

أستغفر الله وأتوب إليه (( 100 مرة وانتي جالسة الحين اليوم وكل يوووم

 

[ملح على الجرح]

الله يعوضك ويرزقك بالذريه الصالحه المعافاه عا جلا غير أجل أنه ولي ذلك والقادر عليه
نصيحه لا تيئسي ونصيحه أكثري من الا ستغفار وربي حماتي كانت تحمل خارج الرحم وتسقط بس با الاخير كانت تستغفر وربي رقها بالحمل
وحماتي الثانيه صار لها 16سنه ماتحمل وأستمرت علئ الا ستغفار وربي رزقها ببنوته ماشاءالله أنتي أكثري من الا ستغفار وأقري سوره البقره وأقري أيات تثبيت الحمل وربي يعوضك بالذريه الصالحه المعافاه عاجلا غير أجل

 

[عشق المطر]

حبيبتي عسى الله يعوضك خير ، والخير فيما اختاره الله شنو تسوين انا اقولك

1) اهتمي بنفسك انتي في نفاس يعنى دفي نفسك واشربي الاشياء الحارة مثل شاي زعتر ، دارسين ، هيل وابتعدي عن البارد والبرودة
2) ديري بالك من الاكتئاب فالمعروف ان الهرمونات يصير فيها لخبطة في فترة النفاس وهذا يسبب الاكتئاب عند البعض اشغلي نفسك بالقراءة و المشاركة في منتدانا
3) لما تتطهرين اقرئي سورة البقرة يوميا قبل لا تنامين لاتتكاسلين فاختي سوتها بغرض العلاج والحمدلله اللي وفقها لذلك وعسى الله يوفقك انتي بعد
4) هذا اللي يصير لك ما اعتقد ما له سبب طبي لازم تروحين للطبيب وما تسكتين على نفسك روحي انتي وزوجك فالله سبحانه وتعالي ما خلق الا وخلق له الدواء
5) عليك بصلاة قيام الليل بعد الطهارة فلها مفعول السحر وكثرة الاستغفار ودفع الصدقات
6) ولما تحملين ان شاء الله المرة الجاية تحطين ايدك على بطنك وتقولين هذا الدعاء ( بسم الله الذي لا يضر مع اسمه شي في الارض ولا في السماء وهو السميع العليم ) ثلاثا مراتب بعد صلاة الفجر وبعد صلاة المغرب
لازم تفهمين ان الله سبحانه وتعالي له حكمه في ما حدث لك ، ودائما يقول اطباء النساء والولادة ان الجنين اللي يجهض فهو ضعيف يعني راح يتعبك في الدنيا ، لذلك خليه يكون لك شفيع في الاخرة احسن
وان شاء ادعيلك وانا في الحرم وعند جبل عرفة ان يرزقك بما تشتهين قادر يا كريم ​

الله يعطيك الف عافية والحمدالله على كل حال والبنات مشكورين وماقصرتو والله يجزاكم خير ويرزق كل محرومه بذرية الصالحه قولو آمين

 

[" ام حمود "]

الله يعووضج ياارب ويرزقج بالذريه الصالحة ..
مالج غير الصلاة والدعاء بعد عمرريء