فكرتو او بعد؟؟؟

[om_nasser]

السلام عليكم
بنات شنو فكرتو هدايا حق عيد الام ؟
صج ان امبجر بس شنسوي الحين التنزيلات عشان نشتري؟
يلله بنات كل وحده اتقولنا شنو امفكره او شاريه؟

 

[اعييز]

مشاركة: فكرتو او بعد؟؟؟

سؤال ملقوف .. إنتي ماتشترين هدية حق الوالدة إلا بهاليوم ؟

ويسمى يوم وليس عيد لأن احنا المسلمين عندنا عيدين الفطر والاضحى ماخبري فيه ثالث

ولو فيه اجر جان قالنا عنه رسولنا حبيبنا عليه الصلاة والسلام ومابخل علينا !!!!

انتي شرايج؟

 

[om_nasser]

مشاركة: فكرتو او بعد؟؟؟

صح كلامج انا اعطي امي هديه في اي وقت بس هم اعطيها في عيد الام
بس ما ادري

 

[noony_online]

مشاركة: فكرتو او بعد؟؟؟

والله احنا ما فكرنا ننطر ليما نكتشف اهيا شنو محتاجه

 

[الفرحه]

مشاركة: فكرتو او بعد؟؟؟

انا بقول لكم اشسوينا حق امي السنه الي طافت


شرينه صندوق اصغير وحطينه في غش ..

طبعا احنا ست بنات وتحاططنه افلوس حق امي كل وحده الي تبي اتحطه<----- قلنه امي تشتري الي ابخاطرها احسن

ولوتنه كل عشره ابشريطه وحطيناهم بالصندوق

كان شكلهم وااااااااااايد حلو

غلفنا الصندوق بورق السولفان

طبعا وحده من خواتي سوت لها كيكه على صورتها

واااااااايد استانست <<< ------ الله يحفظها لنا ويخليها

بس هل السنه ما ادري خواتي اشبفكرون فيييييييييييييه

بنات حتى لو عندكم افكار سويتوها من قبل عطونه

ونتبادل الخبرات :d

 

[كويتية أمورة]

مشاركة: فكرتو او بعد؟؟؟

والله انا امي ماترضى لانه بدعه والهدايا بأي وقت تقدرون تهادونها ترى حرام بنات بدعه
ومافيها اجر بهاليوم خلوها قبل ولا عقب

 

[*الحالمه*]

مشاركة: فكرتو او بعد؟؟؟

بناااااات لو تدرون ليش هالعيد على قولتهم ابتدعوه

جااان ما فكرتو تقلدونه

لانه و بكل بساطه بالغرب ماكو ذيج الصله بالاهل

يعني من يصير عمر الولد و الينت 18 خلاص تطلع من البيت

و ما يشوفون بعض الا بالأعياد

و احنا و لله الحمد علاقتنا بأهلنا و خصوصا امهاتنا ماكو احسن منها

فليش نقلد !!

و بعدين بالامانه انتو ما تشترون للوالده الا بهاليوم ؟

خلكم من هالبدع و صدقوني احنا بنكون بالف خير

____________

ام ناصر

اتمنى ما تزعلين مني بس هالشي ماله داعي غير انه حرام

و امج متى ما بغيتي اشتري لها هديه

اصلا انتي بنفسج اذا شفتي شي حلو او شميتي عطر حلو

على طول تطري عليج الوالده و تشترينه لها ..عدل كلامي ^_^

اتمنى محد يزعل مني ترى احنا خوات

 

[om_nasser]

مشاركة: فكرتو او بعد؟؟؟

كلامكم صح
بس هم ما ادري

 

[om_nasser]

مشاركة: فكرتو او بعد؟؟؟

والله انا قلت بوديلها ورد +يا كا كاو او كيكه ما ادري
بس الهديه الاساسيه مو عارفع شنو؟
طبعا غير افلوس
ننتظر مشاركاتكم

 

[نشـــامي]

مشاركة: فكرتو او بعد؟؟؟

احنا مايدور بالعايله هالعيد كلش نعطي امي هديه بعيد اضحيه او الفطر او اذا كان عندنا مناسبه حفله او استقبال وودنا امي تكشخ شرينالها هديه

او عيد الام موناقصين ذنوب احنا

 

[شهدQ]

مشاركة: فكرتو او بعد؟؟؟

لا انا اعطيها هدايا دايما بس بعيد الام لا حررام مايجوز

يعني مانتذكرها الا بهالعيد مثل اصحاب العيد الاوربين

لا حبيبتي اي فلس بجيبي وامي مشتهيه شي معين على طووووووول اشتريه لها الله يخليها لنا ويحفظها

 

[همسات ليالي]

مشاركة: فكرتو او بعد؟؟؟

انا احب اعطي هدايا بس مو بعيد الام لانه حرام وما ابي التزم بهالعيد واهو اساسا بدعه

فاذا رحت السوق وشفت شغله اعجبتي لامي ما اقصر هذه حلوه اللبن مثل ماانا كاتبه اسمها بنقالي

 

[المرفأ~~]

مشاركة: فكرتو او بعد؟؟؟

ام ناصر وعليكم السلام..

ومثل اغلب البنات..ما اعطي امي هديه باليوم اللي يقولون عنه لو شنو..
وامي اصلا ماترضى ولاتقبل هديه باليوم هذا
ولها الحق..

اللهم ارنا الحق حقا وارزقنا اتباعه وارنا الباطل باطل وجنبنا فعله
واذا عندج شك لحد هالوقت ان يوم الام حرام
دقي على اي شيخ دين حتى لو صغير بالعمر وراح يفيدج..

وبعدين عيد الاضحى والفطر ينقال عنهم عيد غيرهم لااا
والله يهدينا ويهدي المسلمين

 

[jolie_q8]

مشاركة: فكرتو او بعد؟؟؟

تم النقل

 

[امة الله2]

مشاركة: فكرتو او بعد؟؟؟

ام ناصر وعليكم السلام..

ومثل اغلب البنات..ما اعطي امي هديه باليوم اللي يقولون عنه لو شنو..
وامي اصلا ماترضى ولاتقبل هديه باليوم هذا
ولها الحق..

اللهم ارنا الحق حقا وارزقنا اتباعه وارنا الباطل باطل وجنبنا فعله
واذا عندج شك لحد هالوقت ان يوم الام حرام
دقي على اي شيخ دين حتى لو صغير بالعمر وراح يفيدج..

وبعدين عيد الاضحى والفطر ينقال عنهم عيد غيرهم لااا
والله يهدينا ويهدي المسلمين

البنات كفو ووفو وما قصارو

وجزاكم الله خير جميعا