فكرتي بهدية حق عيد الأم ؟؟

[NoWay2know]

السلام عليكم

شلونكم بنات؟

في أحد منكم فكرت الحين بهدية حق أمها بمناسبة عيد الأم؟؟ وشنو أفكاركم؟ وشنو قررتوو تشترون؟ يعني طبيعة الهدية شنو ؟ عبارة عن شي تحبه أو انتي تحبين تهدينها هالشي؟

وسؤال؟ انتي متعودة تشترين حق أمج كل سنة بهالمناسبة؟​

 

[Raveena]

انا و خواتي كل سنة نشتري لها هدية

مرة شرينا لها طقم ماركة جفنشي ( جنطة - بوك - علاقة موبايل ) و السنة اللي فاتت شرينا لها طقم ذهب ابيض موديل شوبارد (تراجي - خاتم - سلسلة ) هالسنة مادري شنو نشتري

 

[مرت ريلي]

والله مادري بس بخاطري أحجزلهم مكان اهيا وابوي
يعني مثل الهلتون بس اخذ لهم مع برايفت pool

 

[MyLittleBerry]

انا ماحتفل بهالاعياد

وامي


كل جم شهر اعطيها هديه

 

[.. مـــلاكـ ..]

انا ماحتفل بهالاعياد

وامي


كل جم شهر اعطيها هديه

مي تووو نفس الشي

 

[oM_iLZeez]

متى عيد الام ؟

 

[!! الواصليّـــــة !!]

نرجع ونقول !

الأعياد هذي اعياد نصارى !! مو أعياد مسلمين !!

يعني امي قدامي 24 ساعم وما أذكرها الا بهاليوم وهالساعه بالذات !!

كافي يامن انت مسلمه !!!

كونـــــــــــــــــــــي عزيــــــــــــــــــــزه بدينك !

الله يحفظ لنا امهاتنا ..

 

[ام عفاف الكويت]

انا اهدي امي ب 1 -4 لانه يوم ميلادها لازم الذهب ماعرف غير الذهب
السنه اللى طافت بقمه
اللى قبلها مضاعد
هالسنه ابي ايب لها هديتين وحده من بنتي لانه اول سنه لها معانا بتهدي امي خاتم ومقمش
وانا بشتري لها القلاده اللى داخلها مصحف
واتفقنا مع الذهب بس لما ينزل الذهب يدق علينا ونشتري

 

[om deaj]

صبحكم الله بالخير

انا عن نفسي اشتريلها من يوم ما اشتغلت والوالد ماقصر معاه دايم في بالي وكل ماجاتني هدية او صوغة او اشتريت شي اذكرها

 

[NoWay2know]

انا و خواتي كل سنة نشتري لها هدية

مرة شرينا لها طقم ماركة جفنشي ( جنطة - بوك - علاقة موبايل ) و السنة اللي فاتت شرينا لها طقم ذهب ابيض موديل شوبارد (تراجي - خاتم - سلسلة ) هالسنة مادري شنو نشتري

الله يخليها لكم/، حلوه الهدايا مفيدة وتدوم

 

[القلوب الساهية]

متعودة كل سنة اشتريلها

بس هالسنة مادري شنو بشتريلها

بشوف افكاركم

 

[pretty sarona]

يعني شفرق عيد الام عن عيد الحب !! ولا ليش أم يعني عادي ,, انا الحمدلله على طول إذا لقيت شي حلو حق امي اخذه لها , مو ملزومة بيوم معين حطولنا اياه الغرب !!!

 

[زيـنـه]

اهديها في رمضان و العيدين

و احيانا نتشارك بهدية عيد ميلادها :gathering:

بس عيد الام مو زود نذكره :0bee2e8d89:

هذا غير النقصات بين وقت و الثاني

و الافكار وايده (جنطه - خاتم الماس - ملفع ماركه ..) :jbdwjbd:

 

[غزالة كويتية]

انا ماأأيد هالأعياد وراي من راي الواصلية فعلا ليش مانعتز بدينا وبعدين الوالد تستاهل انج تهدينها بكل وقت موبيوم معين وبالنسبة لي انا امي متوفية من ثمان سنين بس اذا كانت المادة اوكي احاول اشتري حق ام زوجي اي شي احس ان خاطرها فيه حقها او حق البيت لأنها بمكان الوالد الله يرحمها

 

[katko0ota]

ana 3an nafsy kel ma sheft shay 3ejbny laha a5tha laha ehya wel waled

mara safra o mara shaleeh ya3ny 3ala 7asab

bs eb hal yoom bethaaaat netyama3 7awalenha o nyeeb cake chethy ( el qa9d mo shar6 eb hal yoom(

o thats it

 

[.]

ودي ايب لها نقال ..

المقصد مو الاحتفال باعياد النصار الحلو اني اخصص يوم لامي مو شرط اعطيها 21-3..

عادي قبلها او بعدها..

 

[^وجد قلبي^]

اممممم انا مادري متي عيد الام

بس عادي اشتريلها موبايل او خاتم او طقم ذهب

 

[NoWay2know]

نرجع ونقول !

الأعياد هذي اعياد نصارى !! مو أعياد مسلمين !!

يعني امي قدامي 24 ساعم وما أذكرها الا بهاليوم وهالساعه بالذات !!

كافي يامن انت مسلمه !!!

كونـــــــــــــــــــــي عزيــــــــــــــــــــزه بدينك !

الله يحفظ لنا امهاتنا ..

ممكن دليل يثبت انه حرام عيد الأم ؟؟؟؟؟؟؟؟؟؟؟؟؟؟؟؟؟



(عشان أقتنع)

 

[أفرض هيبتي]

ماااااااااااااااادري مافكرت لليحن.....!

 

[NoWay2know]

بنات، عيد الأم مناسبة حلوه نعبر فيها، وهم غير هالمناسبة، احنا ما قلنا بس هاليوم اشتري هدية وخلاص من سنة لسنه


ومن وجهة نظري كل يوم اسمه عيد الأم