فكرتي ناجحة ولا !

[HeSsaa]

السلام عليكم ..


*






*






*




خواتي كويتيات بغيت اخذ رايكم بشغله ..

انا ودي اقدم دورة مكياج على ايدي ..

تهقووون فكرة ناجحه ومطلوبه ولا فااشلة و ماعليها طلب !!

ومشكووورين واااااايد وااااااااايد ..​

 

[dalal]

وعليكم السلام والرحمه

شوفي حبيبتي انا اشوف فكرة الدورات وايد ناجحه ... لأنه في وايد حابين يتعلمون ..

مع انه مشالله البنات الحين اغلبهم يعرفون يحطون..بس هم في فئه كبيره على قدها يعني يدوب خطة الكحل تظبطها نفسي اهئ اهئ

بس الوحده لازم تبدي باهلها ومعارفها ولازم يعرفون شلون اصلا طريقة ميكبها...

يعني انا مو معقوله اروح اخذ دوره عند وحده وانا مو شايفه شلون ميكبها صاير نفس ذوقي ولا غير... متمكنه ولا مو زوود..

هاذي الشغله الاولى الي اهيه خبرة وممارسة الوحده ... وفي صور حق ميك ابها وشغلها

ولمن الوحده تتأكد من هالنقطه الاساسيه تالي عاد تبدي تفكر بالسعر والمكان و غيره من امور...


ولحد يحبطج اذا انتي صج عندج الرغبه انج اتعلمين وحاسه انج متمكنه...

وتذكري المقوله الي تقول( من اراد استطاع)... يعني الشغله يبيلها دراسة وترتيب امور وتظبيط ومحاولات...

وعسى الله يوفقج ويسهل عليج مشرووعج .. :ggdw:

 

[HeSsaa]

وعليكم السلام والرحمه

شوفي حبيبتي انا اشوف فكرة الدورات وايد ناجحه ... لأنه في وايد حابين يتعلمون ..

مع انه مشالله البنات الحين اغلبهم يعرفون يحطون..بس هم في فئه كبيره على قدها يعني يدوب خطة الكحل تظبطها نفسي اهئ اهئ

بس الوحده لازم تبدي باهلها ومعارفها ولازم يعرفون شلون اصلا طريقة ميكبها...

يعني انا مو معقوله اروح اخذ دوره عند وحده وانا مو شايفه شلون ميكبها صاير نفس ذوقي ولا غير... متمكنه ولا مو زوود..

هاذي الشغله الاولى الي اهيه خبرة وممارسة الوحده ... وفي صور حق ميك ابها وشغلها

ولمن الوحده تتأكد من هالنقطه الاساسيه تالي عاد تبدي تفكر بالسعر والمكان و غيره من امور...


ولحد يحبطج اذا انتي صج عندج الرغبه انج اتعلمين وحاسه انج متمكنه...

وتذكري المقوله الي تقول( من اراد استطاع)... يعني الشغله يبيلها دراسة وترتيب امور وتظبيط ومحاولات...

وعسى الله يوفقج ويسهل عليج مشرووعج .. :ggdw:

بعد عمري كلج ذووق ماااقصرتي عالرد الطيب ..

انا احط ميكاب من سنه والحمدلله عندي زبايني وماخذه شهادة وفوق هذا وايد بنات من المنتدى ايووني :eh_s(6):.. مابي ادش بالتفاصيل عشان لاينحذف الموضوع.. ان شاء الله باجر انضم لعضوية التاجرات واقدر اخذ و اعطي بالكلام على راحتي .. واشكرج مره ثاااانيه وثالثة و رابعه والف مره ​

 

[dalal]

ولووو يا حصووون حياج الله أنا من مؤيدين المشاريع الكويتيه هع ههع

خلاص عيل حجزيلي كرسي عندج...

 

[HeSsaa]

ولووو يا حصووون حياج الله أنا من مؤيدين المشاريع الكويتيه هع ههع

خلاص عيل حجزيلي كرسي عندج...

ان شاء الله حبيبتي من عيوني تامرين امر,,

على طاري (( حصووون )) ذكرتيني بوحده اعرفها نفس نكج اسمها دلال هم تناديني حصووون لـوووووووول

الله يذكرها بالخير ..




وينكم باقي البنات شرااايكم بمشروعي !​

 

[HeSsaa]

بنااااات !! ويـــــــنكم @@

 

[daisy]

انا معااج و أشعج عليه و توكلي على الله :ggdw:

الله يوفقج ان شاء الله

بس لا تنسين تحطيلنا صور مكياجك

 

[dalal]

ان شاء الله حبيبتي من عيوني تامرين امر,,

على طاري (( حصووون )) ذكرتيني بوحده اعرفها نفس نكج اسمها دلال هم تناديني حصووون لـوووووووول

الله يذكرها بالخير ..




وينكم باقي البنات شرااايكم بمشروعي !​

اخااااف هاذي انا !! لوووووووووووول

انتي امبلا مو حصون ؟؟ عرفتج ابيـــــه!! :dddds::dddds:

كاك اتغشمر بس احنا لازم كل حصه اندلعها حصون

البنات الحين بسابع نومه واللي بالدوام نطري عليهم تالي الليل يطلعونلج :ada: ...

 

[Fashion Brands]

انا من رايي دام انج حابه الشغله دخلي و توكلي على الله
شي حلو و زين
حتى لو تبدين برفيجاتج او اهلج
وبعدين يصيرلج زباين انشالله
بس شي مفيد ... و ينفعج
تفتكين من الصالونات و تلطيخهم اللي ما ايي على مزاجج
انا اعرف وحده تزوجت من فتره
و حطتلها صاحبة الصالون بالفندق و ما عجبها المكياج كلش
قامت غسلت ويهها و كانت الساعه 9 بالليل
و حطت مكياجها بروحها
و طلعت مشالله اتينن
عشان جذي انا معاج و أأيدج

 

[إنسانه بكل حالاتي]

توكلي على الله وابدي والله يوفقج

 

[HeSsaa]

بعد عمري يابنات والله هذا العشم فيكم ..

وااايد وااايد شجعتوووني .. مااااااااتقصرووون حبايبي ..

 

[TuTTi^FruTTi]

والله خووش فكره يعني انا اعرف احط بس مو عدل ومفكره اخذ دوره فيمكن نصيبي اخذ عندج لوووول

مووفقه انشالله

 

[[..كـــــرك..]]

اذا تعرفين عدل عدل


وتعرفين لكل الوجوه وتعدلينها

الله يوفقج وانا اول وحده بقدم عليها ^_^

 

[فراشه]

حلوه الفكره بس علميهم مكياج ناعم ملينا من الخبه الي تجكر

 

[baby johnson]

معاااااااج 100000%
بالعكسسسسس شي حلووو
الله يوفقجججج
وانا من الحيين اقووووولج
ابي حجزييلي مكاان واذا صججج بلشتي المشرووووع
دزيلي رساله عالخاااااص وانا اكلم صدييقاتي والي اعرفهم
بس بقوولج ملاحظه حبيبتي
اتوقع البنات الي بيون ياخذون عندج دوره يبون شي يخليهم يثقون فيج ثقة عميا
خل يشوفون عندج شهاده من الجوثن مثلا او ميك اب فور ايفر
كدليل انج فناااااانة
والله يوفقج

 

[HeSsaa]

حياااااااااااااكم الله يا بناااات .. نورتوووني بردودكم ...

و عشانكم انضميت لعضوية سيدات الاعمال ..

تابعوووني بقسم كويتيات مول على شان ابلغكم عن وقت الدورة اليايه باذن الله ..

 

[dalal]

الله يوفقج يا حصووون ...

كنت قاعده ادور موضوعج بشوف شصار عليج واستانست يوم لقيت موضوعج الي بقسم المكياج روعه مشالله :eh_s(9):

 

[sara al3soola]

حبيبتي الفكره وايد ناجحه

بس لمن تسوين الدوره دوريلج مكان حلو وزين ترا احنا بنات الكويت خوافات وايد يعني الاهالي مايخلون بناتهم ياخذون دوره عندج بالبيت مثلا او بمكان مو معروف انتبهي حق هالشغله حبيبتي وبالعكس فكره حيل حلوه والله يوفقج

 

[HeSsaa]

الله يوفقج يا حصووون ...

كنت قاعده ادور موضوعج بشوف شصار عليج واستانست يوم لقيت موضوعج الي بقسم المكياج روعه مشالله :eh_s(9):

ههههههه حبيبتي مشكوووره عيونج الحلوه ،،، بس للاسف التصوير ظالم المكياج و الرسمات

بحاااول اصور صور ثااانيه وواضحه اكثر عشان تشوفون شغلي عددددل

حيااااااااج يا قلبي ،،،​

 

[HeSsaa]

حبيبتي الفكره وايد ناجحه

بس لمن تسوين الدوره دوريلج مكان حلو وزين ترا احنا بنات الكويت خوافات وايد يعني الاهالي مايخلون بناتهم ياخذون دوره عندج بالبيت مثلا او بمكان مو معروف انتبهي حق هالشغله حبيبتي وبالعكس فكره حيل حلوه والله يوفقج

مشكوووره حبيبتي عالملاحظه الحلوه ،، و يعطييج العافيه​