فكري قبل اي خطوه تخطينها ؟

[بنفسجيه1]

مـــــــــــا شـــــــــــاء الله موضوعج قـــــــمـــــــــه

شلون اخلي زوجي يصرف مثلاا بالسوق شلون اقوله ممكن ادخل ولا شلون و شلون اخليه يطلعني من البيت يعني مطتعم واسوقه

وشلون اخليه يحبني ششلون اعطيه فكره عني بدون ما اتكلماول اسبوع واذا نزلت لخالتي شسوي اسلم ولا بس اقعد واشرب شاي

فيديني جزاج الله خير

اي نسيت انا مو طويله شلون اخليه يقتنع فيني امي تقول حتى تكرمين الحمام لا تقطين الكعب لين يقتنع فيج بعدين كيفج .... فخايفه انا حيل قصيره

 

[Kensington]

يسلم لسانك ماقصرتي كفيتي ووفيتي

 

[استبرق الكندري]

حبيبتي تسلمين يا الغاليه .. اول شيء قوليلي شنو شخصيتج زوجج . طريقته بالكلام اسلوبه معاج .. وشنو موضوع الصرف بالاسوقه .. ؟ ​

شوفي يا عمري موضوع المطاعم والسوق .. والطلعه والوناسه قوليله يخصصلج ايام بطريقه حلوه مهذبه يعني ​

( عمري حياتي شرايك نطلع نغير جوو ودي اتعشى معاك .. ) اذا قالج مشقول وتعبان عادي يا عمري لا تتضايقين قوليله سلامتك يا قلبي بعدوينك تبي اسويلك مساج تبي شيء قولي شنو فيك .. ​

طبعا اهو راح يستانس وقول بينه وبين نفسه مرتي خايفه علي تستاهل الطلعه والروحه .. دايما لي حبيتي تطلبين منه شغله بدي الكلمه الطيبه الحلوه خليها اساس اي حوار بينج وبينه ... واذا من النوع الى كله بيزي قوليله احدد الايام والبطلع خلج مفرفشه ولا تفكرين تنقدين عليه باي شيء خلج مستانسه حتى لو شفتي شيء ضايقج اجليه بالبيت .. قوليله عمري انا تضايقت من شغله يوم كنا بره بس والله ما حبيت اعكر مزاجي ومزاجك راح تكبرين بعينه ... ​

اما موضوع القصر عندي وعندج خير عادي ياعمري خلج طبيعيه ما فيها شيء لبسي وكشخي وخلج فرفوره على قولتهم ودلعي عليه .. مومعقوله داشه بالكعب الحمام تكرمين مستحيل يعني ... لول ضحكتيني على الكعب بالحمام ... ​

الحب تبينه يحبج ... يكون بالموده - الاحترام - التضحيه - الثقه اهم شي وهي اساس العلاقه الزوجيه ؟ الحب تقدرين تاخذين ماي عيونه ان تعاملتي معاه من قلبج بكل حب وحترام احترمي رفعي فوق بحبج وخليج ست الستات شيخة الحريم ... نقاشج خلي ذكي لا تضايقينه بامور تعكر مزاجه واذا في شيء وايد مضايقه منه سويله قهوه و عصير وترسي العصير ثلج يسرسح ورخي الاعصاب .. وانتي وياه قوليله عمري في موضوع ابي اناقشك في ممكن اذا عندك وقت بقولج امري وابتدي تناقشي لا ترفعين صوتج خلج نثيه هاديه ناعمه بتعاملج معاه
جهزيله فوطته لما ياخذ شاور اهدومه الداخليه ... يبي يطلع اخذي العطر ورشيله حطي بخور وبخري وقوليله ابخرك من العين يما ريلي اهبل صاير .. ياربي اخاف احد ياخذك مني يا حلو انت وشوفي جربي لو مره وحده ورديلي خبر ​

خالتج انا كاتبه بالصفحه الاولي نزلي وقعدي معاها وشاركيها بالكلام لكن اعيد ورد وقول بحدود ما تقولين الى يصير عندج كلش وسوي انتي الجاي او سويلها قهوه تركيه اذا تحب ... لعبي معاها جنجفه ترى الحريم يستانسون اذا ما تحب جذي سوي الى اهيا تحبه شنو اهيا الامور الي تستانس منها وتجذبها حاولي انج تسوينها وصدقيني ما فيها تنزيل بالنفس ولا فيها كرامه بالعكس كسبيها تكسبين ريلج ..... واهو الاساس طبعاا واهيا اكيد من امه بتقوله ترى مرتك يت وقعدت وستانسا وشوفي اهو بيصعد والضحكه شاقه حلجه .. وبقولج ها اليوم مع الوالده شعندج والله حبيت اغير جو خو اهيا حسبت امي هذي الغاليه عاد حلوة اللبن قولي جذي ؟ ​

والفكره الى تبينها ياخذها عنج من غير الكلام بفعالاج دايما كوني انتي اميره بفعالج والحركات الطيبه .. الكلام اللي تبين تقطينه حسبيله احساب واهو ريلج اكيد انتي تعرفين شنو سلبياته واجابياته ​

وان شاء اكون كفيت ووفيت ​

بنات اللى تبي فكره تبي شي تكتبلي شوي عن ريلها سلبياته ايجابياته نقاط ضعفه ... ​

وشكر كل البنات الى مرو بصفحتي والردود تسلمون وما قصرتو يا غاليات ​

 

[استبرق الكندري]

بنــــــــــــــــــــــات نبــــــــــــــــــي مشــــــــــاركـــــــــــــات ....

 

[طموحه بزياده]

يعطيج العافيه


ويييع ماحب حياة الحموله ماكو راحه ولا خصوصيه ويييع يارب ابي حموله حدهم شويه بس ام وبنات صغار حيل هههههههه او اني اكون بشقه بروحي

 

[أم ميميتو]

كلامج كله صح انا من يوم تزوجت وقلت بيني وبين نفسي الي ما ارضاه على امي مارح ارضاه على خالتي ومثل ما اعامل امي بعامل خالتي الحمدلله قدرت اسوي هالشي كسبت حب خالتي وعمي لي حتى اخوان زوجي كسبت محبتهم وصرت لهم الاخت الي ما يابتها امهم لان زوجي ما عنده خوات ولما طلعنا بشقه بروحنا انا و زوجي اهله كلهم زعلو كانا بنسافر و حتى لما حملت و يبت ولدي حبيبي من ورا تصرفاتي حببتهم بولدي و تعلقو فيه وايد لدرجة ان خالتي اذا يوم ما وديتلها ولدي تضايق و ما تقدر تنام بليل و عمي اكثر منها و بداية زوجنا وايد كان في مشاكل بين زوجي و اهله و كان يزعل منهم و يضل فتره ما يكلمهم ومع هذا انا ما ادخل ولا اتغير عليهم احيانل كان ما يقعد معاهم ة يضل بالغرفه بس انا اطلع و اقعد معاهم و اخليه غصب يراضيهم وهذا الي حببهم فيني ان كل ما زوجي يبعد عنهم شوي اقربه منهم اكثر و دايما يقولون ياريت تزوجتيه من زمان عشان تعقلينه لان محد يقدر عليه لان وايد عنيد الحمدلله اني قدرت اكسبهم و اكون لهم بنت مو جنه*

 

[بنفسجيه1]

تســــــــــــــلميـــــــــــــــــــن :eh_s(7):

تكــــــــــــــــفين لــــــــــــاـــــــ توقفين من هالنصايح
:yaaaaaarb:

تسلم ايدينج و الله موضوع مميز يعطيج العااافيه

وياليت تعطيني ايميلج بضيفيج والله عجبني اسلوبج ونصايحج الله يجزاج خير ويسعدج ياارب

 

[سكوتي بذوقي]

نصائح حلوه انا ام زوجي في الكويت

لما أروح مانساها آخذ لها هديه

وإذا جات عندي أحطها بعيوني

وام زوجي طيبه الحمد لله ماتدخل بشي ولا أنا أحب أتدخل بخصوصياتهم

موضوعك حلو اختي كملي

الله يسعدك ويوفقك يارب

 

[دلع الدواسر]

موضوعج يهبل بس يارييت اتساعديني بمشكلتي
مابي اقولها هنيه اب بالخاص ممكن

 

[استبرق الكندري]

مشكورين على المرور يا حبيباتي .....

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^​

 

[استبرق الكندري]

سمعنا وايد بنات يشتكون من الريال اللى ما يعرف البيت وكله هياته وطلعات وروحات .. وما يهتم بالمسكينه اللي ناطرته ويمكن بعد مسويتله جوووو ولابسه وكاشخه ؟

ويمكن ما تكون مسكينه تكون سجينه ناطرته تبي تعطيه موشح من الكلام المعفن والحجي الوصخ والاسلوب اللي جنه اسلوب طقاقه ؟ وتبي تنكد علي ام عيشته ؟

طبعا مو كل البنات مساكين ولا كل البنات سجاجين ؟ في الشين والزين ؟

----------- اليوم نبي نلاقي حلول حق المسكينه اللي زوجها كله مطنشها ومعطيها طاف ولا جنه شايف مراه جدام يطلع وروح ويرجع وهذي الفقيره ناطره واخر شيء تنام بكشختها ودمعتها ع خدهااااااا

( حبيبتي المسكينه ) ؟ جربتي مره ما تنطرين وتكشخين وتحطين راسج وتنامين ..
وتتركينه وتخلينه يقول اشفيها هذي تغيرت لا تقولين ما اقدر زوجي لا تقدرين ؟ انا ما اقولج لا تهتمين في ولا طنشي لا .. قللي من هذا الاهتمام . اتصالج وفري حاولي انج تكلمين اي احد بالتليفون شوفي مجله دشي بالنت ..المهم لهي نفسج ...

حبيبتي في بعض الريايل مو كلهم البعض يا عمري يحبون المراه اللي تتغلى وما تقط نفسها وايد يحبون المراه اللي لها هيبتها .... فانتي حاولي انج تخفين شوي وحاولي انج تعطينه اسلوب كيفك شسوي امممم ما ادري ... بفكر عاد بقول شصار وياها هذي ليش جذي قامت تتعامل معاي قبل جم يوم ميته علي .. ولو قالج هالحجي قوليله لا انا مو متغيره ولا شي انت اللي متغير فتشوفني اني متغيره يعني اسلوب اللي اهو تكفه الله يخليك وينك ليش وليش لا خفي وخلج ثقيله لا تصيرين ريشه ... ولنا بقيه مع المسكينه المقلوبه على نفسها وعمرها ....


ني اللحين حق السجينه ) اكتشفت وايد في بنات تحب اطلع عضلاتها على زوجها تبي تصير اندرتيقا تبي تصير النمر المقنع .. بس ياعمري هيهات هيهات - الريال اللي يشوف عنده مصارعه بالبيت وكله نافره ومكشره بويها ومعطيته اسلوب الطقاقات ... عادي يعوفها وحط عليها *100 وحده و مو لازم زواج وانتو تدرون ... اكتشفت اكثر الخيااناات الزوجيه اللي صايره ان الريال عايف عمره من اللي بالبيت عنده نسر مو مراه تاكل اكل الريال - ليش - اشحقه - منو - ليش خشيت علي - ليش ما قلتلي - متاخر اكيد كنت هناك - امك - اختك - يدك - خشمك - ضرسك - يعني ابو النقد .... فهذا الحبيب يشوفها جذي يقولها خلج بافلامج وما عنده مشكله يحط اللي بحطه عليهااااااااااا ... فيا عمري وحبيبتي خلج من اسلوب الهمج وخلج راعية اسلوب راقي خلي ينصدم منج وهذا النوعيه من الريايل بسرعه تقدرين تاخذين قلبه اللي ينفرون من البيت من اسلوبج هذول يتعدلون ان تعدلتي لانه اهو ما غلط اللى من سوالف اليباب والعرس اللى تسوينه بالبيت ...

حلولج * غيري من اسلوبج * خلي اسلوبج حوار ونقاش مو صراخ * نبرة صوتج حاولي انج تبدلينها * حاولي انج تسويله اجواء هاديه بالبيت نومي العيال مبجر وخلي البيت هادي وشغلي فلم وسوي نفيش وحطي بسكوت وشبس وستمتعي معاه وياريت يكون فلم رومانسي وعيشووو اللحظات الحلوه * حاولي انج تكسبينه بشغلات صغيره جهزيله ملابسه * بخري البيت ع طول لا تخلينه يدش يشم ريحة الطباخ * طبختي ركضي اخذي شاور وتعطري وتكلوني * خلي يشم ريحتج كله حلوه * حاولي انج بعض المرات تكشخين مو لازم كشخة الطلعه لا لبس حلو مرتب لقنز مع بدي او بلوزه حلوه فلات بريولج صبغي اظافر ريلج وايدج سوي شعرج حبيتي شوية حمره وكحله مو مشكله او بس حمره يعني خلج مرتبه جدامه ومولازم يومي لا سويله بالاسبوع مرتين ثلاث ان لج خلق * ياه من الدوام جهزيله الحمام الماي الدافي ودشي فركي ظهره ودلعي وقوليله الكلام الحلو تعاملي معاه انه اهو الامير * اعيالج ماله داعي الحنه والرنه ابوك يه خلاص ما ابي اسمع لويه بالبيت ونجره وصراخ الريال راد يرتاح * خلج مدبره ذكيه بتصرفاتج ..... قعدي معاه تناقشي شسويت ياعمري اليوم شصار ما صار بهدوء وكلام طيب ... وان شاء الله باذن الله بتشوفين شيء عمرج ما شفتي وانا ترى هالحجي ما اقوله من عندي لاني شفت تجارب بنات وايد طبقوها والله انه ريايلهم ما يطلعون من البيت ...

بنات الموضوع يبيله صبر والصبر حلو عند رب العالمين وع طول ادعيله

والله انا لما يطلع زوجي على طول اقوله الله يجعلك بكل خطوه سعاده وسلامه وخليك لي ووفقك يارب الله يعطيك على قد نيتك الله يسهلك امورك ويفتحه عليك من اوسع ابوابه والله يطلع من البيت متفائل ومستانس ولا يتصل علي ويقعد يسولف معاي ليش لاني عطيته دافع ... بنات الريال يحب امور وايد وسهله مو صعبه بس حاولي انج تغيرين الزواج انتي من بيئه واهو من بيئه فلازم توحدون علاقتكم ووتنازلون عشان تعيشون مع بعض والسفينه تمشي وبالاخير تبين رضا ربج عليج ...

 

[شذى الحب]

موضوع حلو ومفيد خصوصا الاهل الزوج والخيانات الله يسعدنا يارب

 

[استبرق الكندري]

ياريت الكل يستفيد ... ونفيد بعض .. ​

 

[*lavandula*]

مجهود تشكرين عليه
يعطيش العافيه

 

[فدوووو]

مشكورة

 

[استبرق الكندري]

مجهود تشكرين عليه
يعطيش العافيه

الله يعافيج يا عمري

 

[استبرق الكندري]

مشكورة

العفووووووووووو ... :rerrerek:

 

[** باربي **]

لي عودة

 

[** باربي **]

بس صدقيني مرات يكون الريال اهله هيلق واهو اهلق
يعني مثل ما يقولون ذيل الجلب عوي عمرة ما يتعدل
يعني لو تسويلهم كل الي قلتيه ما يستحون ولا يبين الا عبالهم مساحل له

صدقيني الكره من الله والمحبة من الله
والحمولة والزوج لو شوي بس يخافون الله ما تشوفين هالمشاكل
صح في حريم نسرات
بس في منهم استنسروا من معاملة الريال وخياس اهله وشخصيته المهزوزة الي بيفردها بس على زوجتع
فتضطر انه اتعلم على شريعه الغاب مثلهم عشان تاخذ حقها تالي يقولون مو زينة
صدقيني الاغلب الحسد والحرة والحقد من اهل الزوج
ولا بنت الناس تحتر وتحسدهم على شنو بالعكس متزوجة ولدهم وداخله عليهم غريبه بروحها
تبيهم اهل لها تبي تكسبهم
بس اذا اهل الريل مو اوادم ويطلع بعد ولدهم ناتج تربيتهم
فلا لوم على الزوجة
اللوم عليهم وعلى ولدهم الي ماتعلم شنو رجولة وشنو المرة ولا علموة عالدين ..