فلانة بنت ابوها .. كل الشيوخ اخطبوها 

[((نبض الغلا))]

*
*
قوة عضوات شلونكم ؟؟ اول طلة لي بالقسم ،،
*
ذيك المرة كنت اطالع *لقاء مع الباحثة في التراث : غنيمة الفهد . وكانت تتكلم عن الاهازيج اللي الام تغنيهم لطفلها في السابق ،، بعضهم يونسون حدهم ،، احس حلو تدلعين بنوتج او ولدج وتغنين لهم عشان يآكلون او ينامون وخاصة الاهازيج اللي فيها مدح للطفل نفسه ،،
*
*فطرت علي فكرة الموضوع ؛ يعني سؤالي *؛:
*تغنين لطفلج اهازيج تشجيعية حلوة ؟؟
مثل شنو ؟؟
*وهل امج او جدتج كانوا يغنون لج اول ؟؟
وتذكرينهم ؟؟
*
*
*،.،.،.،.،.،.،.،،.،.،.،.،,.

انا اذكر جدتي فديتها كانت لما تشوفني تغني لي : فلانة بنت ابوها *كل الشيوخ اخطبوها اللي يسوق الدرهم واللي يقول لابوها ......
*>> الله يحفظها ماجاني لونص شيخ 

 

[• الْـڪَـونّتيسَـہٌ «]

مرحبآآ ،

ايي حلوه الاهازيييج , احس تونسس اليهاآل

حتى بعض اليهال يضحكوون ويبتسموون لمآ تغنيلـهم مع انهم مايفهمون شي لووؤل

اي ماماتي كانت تغنيلي =)

مشكوره حبيبتي ع الموضوع

 

[asoula al-3soul]

يسلمووو
انا ما اتذكر كانوا يغنوا لي ​

 

[Hello_kitty]

يا حلوها غنيمه الفهد اذكر بحلقه تقول قبل يغنون اذا الياهل طويل

حينه غينه حينه غينه لي وقف طق السقف<<<<<<حبيت هالأغنيه

وفي اغنيه عزيزان وهوه ما يشرب القهوه<<<وانتي تحطين اي اسم تبينه

 

[توته شيطونه]

بدوري بدوري لبس بذله صوفي

الله أكبر عواشه تكبر وتروح مكه تلبس ثوب الاخضر

 

[noo7a]

انا لمن اسبح ولدي ولا ابدله كل شي يطلع مني
لووول
االف اغاني من مخي لاصارت ولا استوت

 

[امواج الكويت]

فلانه من تمر تراجيها الحمر عزل بوحلاوه وبسط بو تمر

 

[um_yoyo]

الزينه بنت ابوها عشره تخاطبوها واحد يوقل للثاني انا عبد لابوها


اغنيه بنتي المشهور هههه



خضوه خضوه يالباشا اسخيلتنا منحاشه يبوها يالرياييل حلبتها ترس الطاسه

ههههه هالاغنيه كل اعيالي يهزون نفسهم حيل عليها



يسوفي رايح البر ايب العيش الاحمر و يحطه بالصواني على ييت خوالي خوالي يادلالي

اغنيه يوسف المفضله و اهوه بيبي


و طبعا و وقت النوم تأليف ماله اول من تالي

يوسف عين و علي عين و الزينه بين الضلعين

 

[ام رينـاد]

انا اقول لبنتي رنوده

دوها يا دوها
والكعبه بنوها
بير زمزم شربوها
ومدينه زاروها
بابا سافر مكه
واشترى لي كيكه
والكيكه داخل صندوق
والصندوق يبي مفتاح
والمفتاح عند الحداد
والحداد يبي فلوس
والفلوس عند النونو
والنونو يبي حليب
والحليب عند البقره
والبقره تبي حشيش
والحشيش فوق الجبل
والجبل يبي مطره
والمطره داخل سحابه
والسحابه عندك يا رب

​

 

[((نبض الغلا))]

نورتوا 

والله يخليلكم عيالكم وتغنون لعيالهم ان شاء الله

صاجين بعض المراات نألف اغاني من راسنا وتطلع تهبل بوقتها بعدين ننساها 

 

[حمرة الورد]

هههه وناسه طبعا انا االف من عندي مرات خوش موضوع يسلمو

 

[om-3azo-83z]

ههههههههههه قبل ما كنت اتعامل اغاني و خرابيط ما آكل الا لما تقولي امي انها حامل فبنت و تقولي كل يوم فس القصه (ليلى و الذيب) خخخخخ وحيده ما عندي خوات بس صبين

 

[((نبض الغلا))]

نورتوا

 

[.،:"$الـعـوبــــة$":،.]

بامانه عيالي قبل انومهم على لااا اله الاااا الله ومحمد رسووول الله وعلى وسوم او دودي بسم الله ،،

بس بنتي الاخيره محطمتني وهي سمره ،،

فطلعت لها اغنيه وصار الكل يغنيها لها ،،

نونو احلى تمره بنتي قلبي السمره ،،

ولي بكره وانا اعيد فيها لين تنام خخخخخخخخخخخخخخخخخخ !​

 

[ملكه نفسي]

ماما زمنها غيه غيه بعد شويه


تقولون مصريه عادي بس شسوي تعودو عليها ههههههه

 

[وتين قلبـي]

موووضووع حده عجيييب تسلم اللي كاتبته واللي ردوو عليها

الاهازيج حلو تددل الطفل تعطيه نوع من الثقه بالنفس يستااانس
انا عندي بيبي توه صغنن 4شهوور من الحيين صووتي يبح وانا اغنيله كلشي يطري علي لما اشووفه يطالعني اتحطم


عندي ولد اخوووي احبه حييييل كنت دااايم اغنيله
لو عجزوو وشاابو والله مثلك ماجابو
ويستااانس حييل
والكل حفظها

الله يحفظ عيالنا ويجعلهم صالحين ومصلحين*

 

[فاقده حنان ابوه]

لا اله الا لله محمد رسول لله لا اله الا لله غلويه يحفظها لله هذا وقت النوم

وقت الاكل ايباد جدامها اطالع وتاكل

وقت المساحل غلويه حلوه غلويه شاطره الحنها اصيرلها عرقوز

 

[shak!shoka]

اممم ماما زمنها قايه قايه ههههههه


و طبعا التألييييييف يلعب دور البطوله
اشوا انه صغير ما يفهم شقول جان مات من الضحك
خرابيط الي جدامي أألف عليه مع لحن ع الماشي

والحياه حلوه

 

[مألوفة]

انا اغني حق ولدي. اغنيته المفضلة حمود احمداني بالسوق لقاني ودشداشه بيضة واخمطه خميطة طبعا اخمطك خميطة من تاليفي مو داشة بالاغنية كلش خخخخخخخخ

 

[طيبة83]

ياللالي ياللالي فلانه فلان قبالللللي

و

هذي فلانه يلوها وكل المال عطوها طالعه من بيت ابوها بستعشر حبشيه!