صبــااح الخيــر ,,
تقبل الله طااعتكم ,,
وعيدكــم مبــارك ,,
مدخل ,,
الزهر لا بطى عليه الما يبس
ولاسقاه الوسم شفت الأرض روض
مثلها مثل المحب ليا أنغمس
فالجفيه لا وصال وفي غموض
شوق قلبي شوق مديون أندبس
عشموه الشعب بسقاط القروض
حدته دنياه والحض النحس
يوم ماله لا رصيد ولا حضوض
الله على عين هلت دمعها الصافي
من معضلات الضروف الي تلاطمها
الغالي الي عليه الشوق لهافي
هد الضلوع الحنايا يوم صادمها
خليت كل العذارى لجله أخلافي
ولبيت كل الحلوم الي تحلمها
ومن برد الايام صدري كنه ألحافي
أضمها فيه يوم الناس تحرمها
وعن هرجت الناس صدري سترها الضافي
أنا من الي سدوده مايعلمها
جازيتني بالخيانه ليه ياكافي
وش جاك مني ؟ أبي تبرير!! بفهمها
خيانت الحب والأحساس تنعافي
شرع المحبه ودستوره مجرمها
وأنت تحداني وحد أسيوفك إرهافي
حتى فياض الغلا يازين تردمها
أخر سيوف الجفا من تحت الأنجافي
عيني بعينك وأقول الله يسلمها
خليتني فوق رمضى صدتك حافي
يكويني الشوق وأتحمل تألمها
فلارخصتني ,, والله أنك مرخص سنافي
تعرف مع الوقت ! والدنيا تعلمها
مخرج ,,
أكبر خطأ يرتكبه المرء قي نفسه .. يحب له إنســاان ويخفــي محبته !!
أكبر خطأ يرتكبه المرء قي نفسه .. يحب له إنســاان ويخفــي محبته !!
