بنت عبدالغني شربت
ياسلام على الموضوع الخطير.. احب الشطه انا
ميخالف تحمليني.. راح امسكهم صوره صوره.. بس والله بهدف الافاده والتعلم
وان شالله كلنا نصير مصورات أد الدونيا ....
صورة -1-
صوره حلوه وتوقيت حلو.. والانعكاسات حسستنا بهدوء المكان
بس ممكن تتفادين الشغلات البسيطه اللي ممكن تزعج المشاهد شوي..
نفس الشغله اللي تحت sn3a اتوقع صخره او تقصينها بالفوتوشوب او اي برنامج ثاني
وطبعاً مع مراعات حجم الصوره يعني ما تخترب قياسات الصوره واحنا نقص شي كبير
لا غالبا نستخدم القص لشغلات بسيطه..
ماادري شنو الاعدادات اللي استخدمتيها.. ياليت مع كل صورة نحط الاعدادات علشان نستفيد اكثر
لان لو استخدمتي F-number رقم كبير.. مع شتر بطيء وترايبود او تثبيت الكاميرا .. راح تطلع عندنا
عواميد الاضاءه واي اضاءه اخرى صغيره على شكل نجوم.. ماادري اذا لاحظتي هالطريقه بالصور الليليه من قبل ولالا
صورة -2-
احس يبيلها شي تضيفينه للصوره.. موضوع الماي هذا بروحه موكافي.. مجرد رأي
صورة -3-
وايد حلوه فكرة الاضاءه اللي ورا اللي طالعه out of focus
عطت جو للصوره.. بس الفوكس على الدونت شوي يبيله ضبط اكثر
صورة -4-
حطي بالج لا تدخلين وايد شغلات بالصوره وتصير الصوره فيها شغلات تشتت النظر
يعني ممكن تاخذينها من زاويه ثانيه تطلعين بعدد اقل من العناصر اللي بالصوره..
صورة -5-
هاذي مشالله شي موطبيعي! تنحت عندها مده اتمقل فيها
مشالله مشالله .. تصويرها عجيب.. ماجنه بالكويت
يعني اختيار الزاويه مع لون السما والزرع اللي تحت شملتيه بالصوره
مع سحر الصور الليليه .. لا جد شي جدا راقي
صورة -6-
حلو.. حبيت شلون الخلفيه طالعه غامجه قريبه الى السواد
تجنبي قص اطراف العنصر او العناصر اللي تصورينها.. يعني نفس ريولهم تحت
** استفسار بسيط بس احس جودة الصور شوي ناقصه مادري يمكن مع التصغير
شنو البرنامج اللي تستخدمينه لتصغير الصور؟
وبس قواج الله على هالمشاركة القيمه.. وان شالله قاعده افكر بموضوع خطير اكتبه بالقسم بالايام اليايه
بس اشوف تفاعل اكثر بالقسم وان شالله يصير
