فلــكر منتدي كويتيات حياكم الله يا المصورات ورونا صوركم وخلونا نتعلم مع بعض التصور

[DooNy]

يعطيج العافيه خوش صوره



بس ممكن أعرف المكان ؟

مشكوره الله يعافيج

لندن (ريجنت بارك)

 

[انــثــى]

ما شاء الله بنات بدعتوو اللقطات و الصور رووعهــ
يحليلكمــ تونسوونــ =)

لي باكــ ان شاء الله

 

[Maneena Manaana]

miss_lavender

لقطاات روعة..
توفقتي بصورة القمر.. ماشاء الله محاوله جدا حلوة

فروحة.. الله يخليها لكم ماشاء الله تشووق (شكلها شيطاااانه ههههههه) بالنسبه للصورة لقطة حلوة وألوان منعشة ونظرة روعة.. بس بوجهة نظري الخلفية شوي تشتت النظر.. الصورة صايرة خبة..غير جذي ماعليها كلاام
موفقة


DooNy

لاند سكيب في غاية الروعة..
صورتج الاولى شوي فيها ميلان ..و لو مجربة تنزلين شوية بالكامرة بحيث اتطلعين النخل أكثر من جذي وتقللين من السما (مجرد راي)

المنظر الثاني واايد حلو.. بس جربي قصي نص البحيرة وشوفي شلون تطلع الصورة


beauty

كامرة الموبايل تظلم الصور.. بس بالنسبة للصورة الاولى, لو واقفة عالدري اللي صوب الشجرة بحيث يدخل جذع الشجرة بالكادر وبنفس الوقت تطلع المظلة كاامله

ناطرين ابدااعاتج بالكامرة اليدييده


pineapple

الصورة طلعت عندي أول ماشفت الموضوع .. لما ييت بعلق .. للأسف ماكو صورة.. عموما... تصوير الموبايلات مايتقاارن مع الكامرات.. الأحمر كان شوي over ولو مغيره مكان الكرسي لأن الخلفية كلش ما خدمت العمل.. بس ككرسي ايشوق..ثانكس


بنت عبدالغني شربت

يممي يممم عليكم بالعاافية (كوكي.. كيكه..والا شنو بالضبط لوول بلااغة شف؟؟)

الخلفية وااايد حلوة.. جنها لوحة رسم.. ولاايقة مع الكوكي,, بس لو نازله شوي بالكامرة.. على مستوى الكوكي بحيث خاشة القنفة اللي بجهة اليسار بالكوكي .. لأن الأبجورة فوق الكوكي مباشرة أحس تشتت النظر .. وجربي قصي انعكاس المفرش وشوفي شلون اتصير الصورة..


T5TOo5a

حساافة صغار عاد شكلهم خووش لقطات..
نصييحة.. داايما سيفي صورج برا الكمبيوتر.. سواء على هارد درايف او ميموري ستيك او حتى على سي دي عشان ما تحسفين لما يصير شي بالكمبيوتر

ناطرين صور يدييدة



طوق البنفسج
حساافة صورتج مو طاالعة


بنات.. دااايما لما تصورون.. صوروا أكثر من لقطة بأكثر من زاوية ولما تنزلونهم عالكمبيوتر تقدرون اتقصوون على كيفكم

 

[DooNy]

DooNy

لاند سكيب في غاية الروعة..
صورتج الاولى شوي فيها ميلان ..و لو مجربة تنزلين شوية بالكامرة بحيث اتطلعين النخل أكثر من جذي وتقللين من السما (مجرد راي)

المنظر الثاني واايد حلو.. بس جربي قصي نص البحيرة وشوفي شلون تطلع الصورة

ونستينييييييييي مشكوره :tek:

تصدقين مالاحظت الميلان الا منج ماشاءالله عليج دقيقه :ggdw:

ودي اتعلم فوتوشوب علشان ألعب بالصور انا أصور وأنزل ما أسوي عليهم تعديلات اللهم وحده حاولت وحسيت إني فاشله فيها ودي أحطها وتعلقين عليها

 

[DooNy]

هذي الصورة وناطره رايج



عذروني على مسح التوقيع للخصوصية

 

[Maneena Manaana]

هلاا دوني..

بالنسبة للفوتوشوب.. أحسن طريقة اتعلمين فيها.. انج تحطين صورة من تصويرج واتجربين عليها كلللل الخياارات... ومع الاستمرار بتعلمين شوي شوي

وشوفي موضوع جاي حليب اللي مثبت.. بعد التصوير وقبل العرض (ماذكر العنوان بالضبط بس شي جذي) ماقصرت..حاطة الشرح خطوة بخطوة بالصور..دروس خفيفة وسهلة..

نرجع للصورة...كتعديل حلو.. النويز مع اللون حسسنا انها صورة قديمة..
الشجرة اللي بالنص تحت مالها لزمة.. قصيها وبينقص معاها التوقيع مرة وحده.. وجربي بعد قصي الصورة من بداية العمارة اللي عاليمين بحيث ايروح السطح والشارع.. وشوفي شلون تطلع معاج

ساعات اكو صور لما تخلينهم بلونهم الطبيعي أحلى.. تخيلت صورتج بلون السما الأزرق العاكس عالنهر والسيارات الملونه.. جنها تطلع خووش لوحة

عالعموم كبداية .. تعديل موفق

وننطر راي خبيرات الفوتوشوب..

 

[DooNy]

هلاا دوني..

بالنسبة للفوتوشوب.. أحسن طريقة اتعلمين فيها.. انج تحطين صورة من تصويرج واتجربين عليها كلللل الخياارات... ومع الاستمرار بتعلمين شوي شوي

وشوفي موضوع جاي حليب اللي مثبت.. بعد التصوير وقبل العرض (ماذكر العنوان بالضبط بس شي جذي) ماقصرت..حاطة الشرح خطوة بخطوة بالصور..دروس خفيفة وسهلة..

نرجع للصورة...كتعديل حلو.. النويز مع اللون حسسنا انها صورة قديمة..
الشجرة اللي بالنص تحت مالها لزمة.. قصيها وبينقص معاها التوقيع مرة وحده.. وجربي بعد قصي الصورة من بداية العمارة اللي عاليمين بحيث ايروح السطح والشارع.. وشوفي شلون تطلع معاج

ساعات اكو صور لما تخلينهم بلونهم الطبيعي أحلى.. تخيلت صورتج بلون السما الأزرق العاكس عالنهر والسيارات الملونه.. جنها تطلع خووش لوحة

عالعموم كبداية .. تعديل موفق

وننطر راي خبيرات الفوتوشوب..

اي ان شاءالله ناويه أتعلم دام ما ورانا سفره هالصيف

ان شاءالله أقرى موضوعها جاي وحليب مواضيعها حلوه :ggdw:

الصوره الأصلية ألوانها مو حلوه الجو ماكان صافي والديره نفسها مغبره وعتيجه فحسيت تحتاج هالشي
وصح الشجرة طالعة غلط بس برايي العمارة على اليسار الي طالع ربعها هم غلط

مشكوره على التشجيع حسستيني بقيمة صوري مع ان نادر ما أعرضهم

بس عندي صوره كلمة روعة اشوية عليها حيل تعبت فيها ان شاءالله انزلها بشوقكم :dddds:

 

[beauty]

beauty

كامرة الموبايل تظلم الصور.. بس بالنسبة للصورة الاولى, لو واقفة عالدري اللي صوب الشجرة بحيث يدخل جذع الشجرة بالكادر وبنفس الوقت تطلع المظلة كاامله

ناطرين ابدااعاتج بالكامرة اليدييده

ان شاء الله بعد اسبوع بروح الشاليه وبطبق نصيحتج واعرض لكم الصوره

ومشكووره حبيبتي ع النصيحه ... تعليقج ع صوري اسعدني ​

 

[ام سويرة]

تسلم ايدينكم كلكم
انا اموووووووووووت بالتصوير
بس
حدي
حدي
حدي
فاشله فيه ما اعرف اصور افشل
الموهييييييييييييييييييييييييم
لا تكسلون خنشوف ابداعاتكم وصج صج كاميرة الموبايل تظلم الصور

 

[DooNy]

جنكم ما تبون الصوره :eh_s(10):

صدقوني ابتعجبكم :dddds:

 

[Maneena Manaana]

هههههههههه دوني.. مادري ليش احسها صورة مضحكة

يلا يلا خنشوفها

 

[DooNy]

لا بالعكس مو مضحكة
ثواني وأحطها

 

[DooNy]

تفضلوا

 

[dnyay_mll]

صورة الافنيوز تهبـل وايـد حلوه ماشاءالله عليـج
الله يعطيـج العافيـه

 

[pineapple]

تفضلوا

حلووووووووووووووه هادية الالوان والزاوية اوكي

 

[pineapple]

البحر المقابل للبيوت في منطقة ابو الحصانيه








:eh_s(8): :eh_s(8): :eh_s(8):

 

[toot^o^mishmish]

للرف والاستفااااااااااده حده خوش موضوع

 

[toot^o^mishmish]

وهذي مشاركتي ان شاء الله تعجبكم ...
هذا مدخل مطعم فريج صويلح

 

[%عسولة الحلوة%]

عجيبه الصور


تسلم ايدينكم

 

[بنت عبدالغني شربت]

خووووووووووش صور