فلوس عيالج لج ولا حقه

[الحبيبه الدبيبه]

فلوسهم لهم بحسابهم بنحط ال1000 بيديهم ونوديهم البنك يدخلونه بحسابهم
واللي يبونه اشتري لهم وكمل مشوار حياتنا معاهم
ليش يصرفونها المهم يعرفون ان شيخهم عايدهم ب1000 دينار والحين بالبنك محفوظين
الحمدلله على نعمه العقل

 

[Miss Invisible]

مو حلو الاهل يتغافلون اليهال وياخذونهم على قد عقلهم
عطوهم فلوسهم
انا ابوي بيحطهم بحسابي

 

[Marymary]

قلبي ابيض انا استخدم الايفون من جذي هالبدليات انا اقصد الي بتسااافر اهيه وريلها برووحهم بدون عيالها وبتصرف فلووس عيالها منك وتستانس فيهماهيه وريلها بدون عيالها

لكن الي بتسافر مع عيالهاااا كبارر وتحت كبار خط ومصاريف عيالهاا من مأكل ومشرب ولعب وتذكرتهم من منحتهم اوكي ممكن مع ان انا شخصيا ماحب اسافر واسفر بنتي وتذكرتها ولعبها بفلووس المنحة افضل ان بفلوسي
بس لو عندي يهال رضع اصغار سنه واقل واسفرهم واهمه ما ياكلون اكلنا ولا يشربون الي نشربه واخذ فلوسهم ما ينفع لان الياهل بهالسن ما يفهم فحرام اخد فلووسه على بون بسفره اخشله ايا ليما يكبر

فلوووس تعويضات الغزوو ابوي خشللي اياهم لما كبرت والصراحة بعد ما كبرت وايد استفدت منهم سافرت وي اختي
وغيره *

 

[الابلة الحلوة]

رد : فلوس عيالج لج ولا حقه

ترا ما اعتقد انه فيها شي اذا خذينا منهم دام محتاجين

يعني ريلي عليه قسط باقيله الف و شوي

والشقة فيها خرابات ويبيلها وحدات راعي الشقة مو راضي يعدل السنترال

يعني محد ترا بياخذها طمع ( اللي طمعان حسابه عند ربه )

فا ريلي محتاج الف زيادة علشان يوفي التزامات اساسية

وعندنا بنتين

قلت انا الفي و الف البنت الثانية احطهم وديعة

لي انا وبناتي للمستقبل

بس ترا ريلي خذا الف مو دلع

سيارته كل يوم خرابات

غير الفتاوي اللي طلعت قصدهم عن الابو اللي خذا الوفات عياله وصرفهم على وناسة

مو على شي زين

يعني رفيجتي خذو الوفهم ( مجموعهم 10 الاف ) علشان لي شرو بيت حق عياله

يعني همن ترا اللي ساكنين بايجار ترا بامس الحاجة

احنا بنفج قرض ريلي علشان نقدر انوفي التزاماتنا عدل و بناتنا على ويه مدارس يعني لهم طلبات ماتشيلها الف وحدة


واذا عال 50 حكوومة ( ليش الحكومة تعطيناياها دلع يعني أكيد بحاجتها )

للاسف اشوف الموضوع وايد افتريتو فيه واهوا تراا بالنسبة للمقتدر لا ياخذ من عياله

بس اللي محتاج شلوووون

وحاجته مردها حق عياله مو له بروحه

الحمدلله احنا مو مقصرين ولا راح انقصر لي فجينا قروضنا

واذا ليش خذينا القرض

ابسط شي سيارة منو اللي يقدر ياخذها كاش واهوا ماكمل 30 سنة الا اللي ولد فلوس ولا عندهم خير

بس اللي قاعد عالوظيفة لا والله يبي احد يساعده

وعلى سالفة لازم انردهم

اهيا راح تنرد لهم

يا العاب يا لاب توب يا سفرات يا ماركات يا ..يا .. ياا

جكي و خيطي

فاا شوي شوي بردودكم

 

[غزلان الكويت]

رد : فلوس عيالج لج ولا حقه

حطوهم بحساب عيالكم وبكره بيححتلجونهم ولاتخلون الفلوس يابنات تسوي مشاكل مع ازوجكم كل شي بالتفاهمم يصير

 

[ᆻŠ вªĺŌÓŃă]

رد : فلوس عيالج لج ولا حقه

انا اقووول الموضوع يتقفل واايد احسن وكل واحد حر بنفسه ومو احنا اللي نحاسب خلق الله دعوا الخلق للخالق لج ولا له ماتسوا علينا هالفرحه .

 

[منوة القلب]

اي والله ليته يتقفل الموضوع كل واحد طرح رايه ومتمسك ومقتنع فيه 100% ماله داعي نسفه بعض ونقلل من قيمة بعض

 

[انات قلب]

رد : فلوس عيالج لج ولا حقه

امبييييييييييييي والله قرريت العنوان وحدددددددددددددددددددددي انقهررررررررررت ماله شغل الحديث انت وماللك لابيك روحوا شوفوا بجريدة الوطن شنو قالو الشيوخ حراااااااااااام ياخذونهم الابهات من عيالهم لانه هذا حقهم تخيلي روحج مكانهم والله حرااااام على فكرة انا مو متزوجه

 

[ĎєνiL.ĞιRL]

الحمدالله ان الله معطيني ام وابو ما يحطون عينهم على فلوسي ..

ويعطوني دبلات الي ابيه ..

اكيد المنحه من حق العيال و مو من حق الام والابو ..

واول ما تنزل , امي وابوي بيحطونها بحسابي وبحساب كل واحد من اخواني ..


=)

 

[فـراوله]

رد : فلوس عيالج لج ولا حقه




ألف ولدي بحسابه ان شاءالله

أشيلها له ونزيد له من عندنا عشان لي كبر أكيد عنده احتياجات


وبالفعل في أمهااات و آبـااااااء صج محتاجين ألوووف عيالهم للحاجه القصووى مو للدلع



والله إنه سمعت من رفيجاتي إنه في رياجيل بيأخذون ألوف عيالهم ويروحون المغرب

وسوريا


وواحد قال حق زوجته عطيني ألفج ولا أوديج بيت أهلج


صج بعض الرياجيل ما يفكرون الا بأنفسهم ووناستهم