فما الحل؟

[jen2n]

هاي بنات شخباركم
يمكن موضوعي ما يستاهل ان احطه بموضوع بس ودي لو يكون عكدي طررق للرد على المستفزين من الناس

سالفتي يا بنات اني طالبه بالجامعه عندي بريك ‏ ساعات وما عندي شي اسويه إير اني اراجع دروسي

فبعض المرات ايب كتبي حق مواد تكون عندي الاثنين والاربعا فاييب هم معاي الاحد والثلاثا وفي بنيه واي دايما تراقبني وشنو ايب معاي من كتب يعني قاعدة لي على الوخده كل ما اييب ورقه والا كتب هذا حق شنو ولي

وتقول لي انتي تبطين جبدي ترا ليش تيبين معاج كتب الاثنين والاربعا

والمشكله ما اعرف ارد عليها واذا قلت بدرس منهم بتقول عني ام قليب لان دايما اييبهم معا

فشنو ‏
اسوي ‏
مع ‏
هالنوعيه ‏
من ‏
الناس ‏
اللي ‏
تدخل ‏
بكل ‏
شي ‏
ودي ‏
ارد ‏
بطريقه ‏
ذربه ‏
بس ‏
اشلون ‏
وسوري ‏
على ‏
البدليات ‏
لاني ‏
شابكه ‏
من ‏
التيلفون

 

[^noonaa^]

الله يعينج وياااكرهم هالنوعه يدخلون بكل شي

طنشيهاا

 

[منيرة خالد]

الله يعينج الناس بس صارت تراقب بعض وتكسر بمجاديفها



انتي اذا قالت لج ليش ؟؟ ردي عليها انج ما تقدرين تدرسين في البيت ما عندج وقت يا نايمه يا تشوفين التلفزيون


وانج حتى وانتي تدرسين بالجامعه هم مو فاهمه شي >> والله يحفظج من العين

 

[كتكوته بحرينية]

رد : فما الحل؟

هلا اختي
حبيبيتي في وايد ناس جذي
يحبون يتدخلون في امور ماتعنيهم
وفي نفس الوقت احنا مانقدر نلومهم ولا نمتعض تصرفهم لأنهم يمكن يبون لنا الخير لكن ماعندهم أسلوب في توصيل مغزى كلامهم
وانتي عشان ماتقسين عليها في الرد أو تجرحينها
خبريها انج ملتزمه بدراستج وعندج وقت ماتحبين تضيعينه في أمور مالها معني ولا فايده ،، وبدال ما أجل دراستي للبيت الاحسن اني ادرس واخلص ،، وأستغل وقتي بالبيت لأشيا تفيدني يعني أطلع أزور أهلي ، أتسوق، أقعد مع بيتنا ، أمارس هواياتي..
وذكريها ان بني ادم محاسب على كل دقيقه يقضيها في شي مايفيده في الدنيا والاخره
وحاولي تنصحينها عشان تستغل وقتها بشي مفيد وحلو
وفي نفس الوقت عليج بذكر الرحمن والتحصن من العين
الله يوفقج اختي
والله يسهل امورج

 

[Tom ♥ Jerry]

رد : فما الحل؟

.


قوليلها لانه عندي فراغ وايد بين المحاظرات
شنو تبيني اسوي .. ؟
و بس سكتيها

 

[blue diamond]

أختاري مادة اهيا مو معاج فيها وقولي لها الدكتور طالب منج بحث وانتي متأخره فيه من جذي تبين تسوينه لانه ماكو وقت كللش

 

[كراميلا مرة]

قولي لها انتي اللي بتشيلينهم بدالي او انا بتقول انتي قولي لي خلاص كيفي

 

[ORKDI]

قولي انتي عندج وقت بالبيت تدرسين بس انا ما عندي وقت

يا حظج

 

[عضوة ذهبية]

رد : فما الحل؟

حبيبتي النوعية هذي من الناس كثر ماتعطينها على جوها راح تتمدى وتبدا تسالج عن اشياء خاصة يعني عن حياتج برة الجامعة علشان جذي انتي صديها من اول شي يعني كل ماتسألج عن شغلة لاتبردين جبدها بالاجابة خلي اجاباتج مختصرة (( اي ، لا ، مادري ، ماعرف ، يمكن ) وبتجذي بتمل ،،، والله يوفقج حبوبة وعقبال التخرج

 

[استاهل الصيت]

رد : فما الحل؟





الله يعينك اختي ويصبرك

انا كذا وحده معااي بس تطلع فيني اذا جيت اكلم على زوجي في الجامعه او تقعد تسالني بس انا ماعطيها وجه

ودي لك

 

[عتيبيه رزه]

رد : فما الحل؟

ذكرتيني بوحده معاي بالدوام
تغث الواحد غث يعني لو مستأذنه الصبح وييت اول ما ادخل اشعندج مستأذنه مرات اطنشها ومرات اقول لها يعني ليش الواحد يستأذن ومرات اقول لها ليش انا اسإلج هالسؤال وحتى اذا خذيت طبيه نفس الشي ولا اكثر شي احقرها اطنشها والحين ما اتجرأ تسألني
انتي جذيه سوي فيها

 

[fri2010]

رد : فما الحل؟

الله يعينج عندنا وعندج خير بس مثل ما قالو البنات قولي ما عندي وقت بالبيت عشان ادرس

 

[ياليل مااطولك]

قولي انتي عندج وقت بالبيت تدرسين بس انا ما عندي وقت

يا حظج

هههههههههههههههههههههههههه خايفة من العين عادي تقول اجيب كتبي عشان اناقش بعض الدروس مع زميلاتي اشياء كثيرة ما فهمتها وتخلص القصة بدل يا حظج هههههههههههههههههههههه

 

[الرشوف]

قوليلها مضايقينج الكتب

ولا مخليتج تشيلينهم؟

من باب الغشمرة
وقوليلها ترى دايم تسأليني

وبعدين قوليلها انج تقضين وقت فراغج فيهم

 

[صعب غلاها]

وييييييع ياكرهي حق هالنوعيه من الاوادم
قولي لها على ضحك علامهم معينينج برج مراقبه حقي

 

[ايام وردية]

رد : فما الحل؟

الله يعينك

 

[ما تخيلتك حبيبي]

رد : فما الحل؟

قوولي لهااا اصلاا اناا ما ادري عن كتبي في البيت .. كل يووم اخذ نفسس الكتب معااي واناا ما ادري عنهم إلا في الجاامعه

هع ..

وبث ..