فناتق بو100فلس.. بالشرح والصور ومتجدد بعد

[رفرف]

حياكم الله بنات ناطرة صوركم

 

[ضحى الكويت]

يعطيج العافيه رفرف على هالموضوع الزين جنج تدرين محل بو 100 الكل يحبه وانا معاكم بعد بس مشكلتى ما اعرف احطكم صور اشلون ولى يعافيكم علمونى اشلون ؟

 

[طم طم]

روعه الموضوع والصور

رفرف

يعطيج ألف عافية خيتوووو

 

[رفرف]

حياكم الله ياحلوات ..

واللي تبي تحط صورها حياكم روحو التمط المتقدم وضيفوهم بالمرفقات ..
(هذا اقصى شرح اقدر اشرحه خبركم أبلة حاسوب فاشلة)

 

[الفنانه79]

امبييييييه رفرف انا كنت احب بو 100 الحين لا صرت مدمنه

المهم ان اعيالي افضحوني امس عندنا بنت خالتي وانا شاريه من الدببه اللي كنتي شاريتهم وخشيتهم حق القرقيعان المهم جان ايي ولدي يركض جدام بنت خالتي يما العاب بو 100 طاحواا ملوت القرقيعان فشلني وفظحني هههههههههههه

وكل مارحت بو100 اشوف زحممممممممممه اقول والله يمكن نصكم بنات المنتدى ههههههههه لا ويدورون عدل عدل مو على الماشي اتحسين خبره

وماشفتي الرول الخشب الصغار اللي تفردين فيهم العجينه او التوست اشحلووووهم خذيت منهم حق ارمضان قلت احسن من الكبار جان حق توست او اي شي اصغير

يبيله بعد الحين بو100 هههههههه

 

[رقي]

تسلمون
خوش ارانب حق القرقيعان

 

[hessa82]

رفرف بسالج عن الحديده اللي على شكل حرف S شابفتها من بو 100 حديثا؟؟ محتاجتها ضروري

 

[زيـنـه]

رفروفه ... وقف الموضوع .. الظاهر بو 100 فلس استنزف فلوسكم

 

[رفرف]

حياكم الله بنات ...

زينه ..
بعد شنحط ؟؟ خلص كل شي دوركم الحين

 

[ضحى الكويت]

رفرف اشلونج شخبارج عساج بخير

الله يحلاات الصور اللى تحطينها ماشاء الله عليج عينى عليج بارده الله يهداج ما خليتى شى ما حطيتيه الحين انا قاعده افكر شنو احط تعبت ماكو البنات مو مقصرين وانتى بعد

 

[رفرف]

حصة حبيبتي سوري توني اشوف سؤالج والله ماعرفها !!

 

[ام سويره]

السلام عليكم

استاثمتو فينا

صرنا ادمان على بو 100 :eh_s(9):

اليوم شريت سياره (يعني باركولي):eh_s(3): اقول حق زوجي (اول مكان بروحله سوق بو100)
يطالعني منصدم

يالله شوفو شنو شريت اليوم

عجبني شكل النرد هذا اللي لونه اسود قلت بحطه بسيارتي :eh_s(6):
سليبر يونس ومريح
دلاغات شفافه اسود بيج


هذا تاج حق بنتي والله والله نفسه بالظبببببببببببط بكليرز يبعونه بدينارين وشي
حلو باللبس :eh_s(9):



شريت شي حددددددددده عجبني (مثل النوته كبيره بس ينحط فيها الكروت والبطاقات او صور شخصيه صغيره) بس هذا سعره 500 فلس
وشريت دفتر كبير حق الخرابيط
وشريط كلينكسات مالت عيد الميلاد
وشريط زنوبه تكرمون
ونوته صغيره



وشريت 3 انواع من الاكياس النايلون احجام مختلفه
وشريت مثل قارب صغير حق بنتي بس يبيله تفخ (سعره750فلس)
وشريت قلمين



وشريت حق خدامتي تراجي وشباصات واكسسوارات ودفتر حق المكاتيب واقلام ونعال بس عطيتها قبل لا اصورهم نسيييييييت

هذا كله من طيور الجنه
ومنزلين سلال حق القرقيعان تهبببببببببببل لايطوفكم

يالله مع السلامه

 

[*سكون*]

اليوم غيرت اتجاهي ورحت بو 50

تصدقون وايد شغلات نشتريها من بو 100 حصلتها عند بو 50 هههههه
بس طبعا مو كل شي

شوفوا الصورة : دفاتر براتز نوته كبيرة / باند عجيب عليه فصوص وايد عجبني / ستيكرز خذيت يمكن 50 حبة حق المدرسه يعني وايد أوفر لي من بو 100
وخواتم نااااعمة شارية منهم من قبل بـ 100 بس اليوم لقيتهم عند ولد عمه بو 50 ههههههههه وعااااااشت لنا الكويت
وسلامتكم

 

[*سكون*]

أم سويره ألف مبروك على السيارة أنا بعد شريت سياره

الله يعطيج خيرها ويكافيج شرها .. وعليكم بالعافيه الأغراض وانصحج تدمنين بعد على بو 50 ههههههههه

 

[ام سويره]

اهلين سكون بعد قلبي

انتي من صجج في بو 50؟

امبييييييييه ويني عنه من زمان

وين صاير؟
لالالالالا خلاص بو 100 صار غاااااااالي مانبيه

عالبركه سيارتج انشالله :eh_s(9):

قوليلي شنو شريتي حق السياره؟
انا مو مصدقه شريت سياره زوجي كان موراضي طلعت عيوني من الحنه :eh_s(3):
ابي اشتري معطر حق سيارتي ومظلات حق الجام وابي نجمه شوارفسكي اللي هابين فيها
احصلهم عند بو50؟ :eh_s(3):

 

[*سكون*]

ما شريت للحين أي شي حق سيارتي وبو 50 في بالديرة وفي بخيطان صوب ايام زمان

 

[ام سويره]

اشرايج نتواعد باجر ونشتري اغراض حق السياره :eh_s(9):

لا لا لا حبيبتي ابي شرح مفصل ... وين صاير بخيطان بالظبط؟ شنو اسم السوق؟ عشان مااضيع اذا بغيت اروح :eh_s(3):

 

[*سكون*]

يبيلها السيارة نكشخها هههههههه

الله يسلمج شفتي مجمع الدبوس يمه محل أيام زمان هناك يقع بو 50 هههههههه

 

[ام سويره]

حلوووووووووو
انا باجر عندهم اذا الله احيانا !!

مشكوووووووره حبيبتي وانشالله تعم الفايده على الجميع من سوق بو 50

 

[رفرف]

هههه عاشو ربع بو100 وبو 50 ...

انا كنت شارية صابون ببل والوان ودفاتر تلوين وستيكرز حق بنتي من بو50 بس بعيد علي بالديرة مادل لازم احد يوديني ...
اعتبرهم فلوس البنزين لي الديرة