فناتق بو100فلس.. بالشرح والصور ومتجدد بعد

[bambena]

ايام زمان اي صوب رفرف بخيطان ؟؟

الموضوع يهبل الله يخليلج بنياتج ويخليج لهم

 

[rzaan77]

صج الموضوع وايد يشوق انا بعد ما استغنى عنه طيور الجنه الى بحولى وايد حلو مشكوره حبيبتى على الموضوع

 

[زلابيا]

لقيت هالألعاب بعد عند بو 100 وحدي استانست عليهم لأن ماشاءالله لبلاسيتك مالهم قوي مو اي شي

خمطت منهم لأني استفيد منهم حق دروسي

 

[أم جوري]

ما شاء الله ما خليتي شي ........
أخاف عندش محل وتسويله دعاية ...

يعطيش العافية يا الغالية ..

فعلا موضوع حلو ... :eh_s(9):

 

[رفرف]

حياكم الله بنات ...

بامبي
والله اسفة مادله أيام زمان ولا ادل ايييييييييي شي بخيطان ..
الله يعافي الوالد يقشنا ويودينا رحلة جماعية في ربوع خيطان ...


وترقبو الصور الجديدة

 

[زيـنـه]

رفرف يخلي لج بنياتج .. اسم الله عليج اغلب اللي صورتيه عندي قصيتي ويهي ما اقدر احط اللي عندي

 

[^^دموع الكويت^^]

ماشاءالله خوووووووووووووش موضوع


عاد عندي اشكثر اشياء من بو 100


يبيله اصورهم واحطهم :eh_s(3):


يعطيج العافية رفروفة وعسى الله يخلي بناتج ويحفظهم من كل شر​

 

[نفيشه]

يالله رفرف الصور بليززززز

 

[hessa82]

بناات مره حطيتوا صوره علاقه جناااط على حرف S من ستييل اليوم رحت المعلم حولي قالولي انها خالصه مادري وين تتوقعوون احصلها؟؟

 

[عنابه]

الله يعطيج العافيه رفرف ويخليلج بناتج

فعلا فناتق ^_^

 

[Raveena]

يوم الاربعاء رحت بو 100 اللي بجمع بهبهاني بشرق بس ما مداني افتر على كل المحلات بس دخلت محل واحد و تعبت لاني كنت شارية اغراض و ماقدر اشيل


هذيل الاغراض اللي شريتهم

الصورة رقم 1 ( دبابيس دباسة )

الصورة رقم 2 (الرسومات اللي تعبينهم بالتراب الملون مادري شنو يسمونهم

الصورة رقم 3 (أقلام هايلات فسفوري - علبة االوان خشبية - صمغ بلمعة على شكل جل )

الصورة رقم 4 (مقص - مسطرة على اشكال - الوان خشبية - قصة الديك و الثغلب - القلم السحري اللي تكلمو عنه البنات بالمنتدى - كلينكس صغير للجنطة )

 

[رفرف]

رافينا شنو القلم السحري شيطلع ؟

 

[أم^تركي]

خوش شي عاد وين طيور الجنة ولا المحاميد اي واحد يعطيج العافية

 

[رفرف]

آخر حصيلة

تعليقات حق جناط بنتي وجينزاتها

شباصااااااات

هذول شغلات صغيرونات مبشرة ومشخال ومحقان انا استعملهم ابشر فيهم الصابون والمسك وهسوالف واخليهم بداري مو بالمطبخ

مخمة سريعة حق تنثر اليهال ..
وليت قراءة زينون وايد زين وعنونو

يتبع ........

 

[نفيشه]

عفية رفرف كملي لاني مالي خلق احط صوري
خو نفس الاغراض انا معاج
وانا اختج الكبيرة
يعني اطرشج عادي
يالله كملي عزيزتي

 

[رفرف]

هذا هولدر حق فرش الاسنان يلزق عطوفة عجبني باخذ منه بعد وفي حق الصابون

حافظات حق السيديات نفعوني حق الديفيديات المحذفة بكل مكان

هذول اشكال يديدة من الجل اللي يلصق عالدرايش خذيتهم حق مرايا الحمام وانتو بكرامة
والاشكال اللي تشب بالظلمة خذيت على قلوب

حق بنوتي قلب وتراجي على فلة ..
طباعات صغار بنتي كيفت عليهم معاهم حبرهم
ونظارة شمسية عشتو

يتبع ........

 

[رفرف]

بخاخات عدة أحجام
وفرشة تنظيف الريول مع الحجر ..

مداليات صغاار على ليتات حلوين حق اليهال
فيشة تلفون معقدتني شقتي يمكن محد عنده من هالفيش الا انا
واللي بالنص ولاعات حق الجولة على شكل جبريت بس هذول ب150 فلس (يعني غالي)

شور كاب ... ال6 ب100 فلس يابلاش

يتبع ............

 

[رفرف]

خيوط صوف

منظرة حجم كبير ...
ومفراكة نفس ملوت بودي شوب

وهذول ماستغنى عنهم اجياس تكرمون حق الزبالة مختلف الألوان ...

وخلصت حصيلة اليوم الحمدلله

 

[زيـنـه]

بتمووووووتوووووون من بو ميه ... ديروا بالكم على الميزانيه

-خوش شعر-


عليكم بالعافيه .. و رفرف اي بو ميه هذا تشكيلته حلوه

 

[نفيشه]

المفراكة والشور كاب عجبوني
ويني عنهم؟؟؟