فناتق بو100فلس.. بالشرح والصور ومتجدد بعد

[رفرف]

شلونكم حجيات ...

هالموضوع ابالي من زمان ..
بس كل مرة يصير شي وما انزله

انشالله هالمرة بنزل الموضوع كااااامل عن الشغلات اللي نشتريها من اسواق بو100 فلس ...
وطبعا الموضوع متجدد لأن فناتق بو100 فلس ماتخلص ودايما اييبون شغلات يديدة فترة معينة وتخلص او ما اييبون منها ..
فكلما لقيت شي يديد بصوره واحطه وياريت اي وحدة بعد تلقى شي حلو تحطه لنا خل نستفيد ...


ملاحظة : عذروني اذا الصور مو مرتبة .. في شغلات مكررة ... شغلات مالها علاقة ابعضها مصورتها مع بعض .. بس لأن الاغراض وااااااايد وكلما لقيت شي بالبيت صورته ..



بسم الله نبتدي ..
طبعا بتلاحظون ان الحصيلة أغلبها حق كتكوتتي الحلوة ...

اول صورة ..
تيجان عادية ..
تيجان بربطة ورا يصير شكلها جنها باند أو ربطة بس اهيه تاج حلوين ومرتبين باللبس ..
سكارفات عادية حقي آنا تلم الكشة

واضحة الصورة اكسسوارات قلوب اللولو حقي والملونين حق بنوتي

ستيكرز ...

بروشات شعر وداخلهم منظرة يهبلون حق الجنطة صغار .. وينباعون اهمه اهمه بكليرز بدينارين و100 !!!!!!!!!!!! وشباصات ... وموبايل لعبة

يتبع .............

 

[رفرف]

أقلام الوايت بورد (حق الأبلات ) ..
دفتر عادي حق الشخابيط ...
وجنجفة على اميرات ديزني ...

أدوات مكتبية طبعا وردي ابوردي ...

مرايا صغيرة حق البنوتات تنلصق عالطوفة (صورتلكم طوفة دار بنتي)

ولا يزعلون الاولاد

يتبع ..........

 

[رفرف]

عاليمين ...
فرشات مانعة للانزلاق (خوش ترجمة ) ..
مقصصين وخالصين حلوين ممكن ينحطون تحت قطع السجاد علشان ما يزحفون + انا حطيتهم على كوماديناتي لأن بنتي 100 مرة تشدخ التلفون بالارض والا المنبه علبو مستعيلة .. جذي ما يزلقون صج عجيبة ...
يمها مقشارة بطاط + مبشارة بنفس الوقت ..
مملحات ...
وقلم ليزر ...

اللي عاليمين شي عجيب رول يشيل الوصخ من على الهدوم اللي مرات تكون خامتها جذي تخم الوصخ كله هذا يشيلهم ويتسفط وينحط بالجنطة ...
ويتغسل تحت المغسلة عادي تهبببل ..
واللي عاليسار واضح ...
فرشات التواليت ..

عاليمين مرايا صغار ..
واليسار بروشات حلوين ..

جلاليب ... متعددة الاستخدامات

يتبع ...........

 

[حنين الروح*]

حلللللللوووووووووووة

ماقصرتي ...

في انتظار بقية الفناتق .....

 

[ريمـي22]

ماشااللة عليج ... شغلاتج الي اخذتيها من ابو 100 حلوة ومفيدة...

 

[رفرف]

تيجان ايشبون بالظلمة ...
ومدفع ورق حق البيرثداي

أصباغ اظافر

أغراض المدرساااااات
لزاق بوصوبين ..
مغناطيس
مشابك ورق
وفوم شيبس حلوين حق التزيين ...

المزييييد من الفوم شيبس ..
واللوحة اللي فوق هاذي صديقتي ماستغني عنها وين ماروح احطها بجنطة بنتي ..
1- لأنها ما تدمر ملابسها ..
2-القلم أربطه بخيط باللوحة فما يطيح وتأذيني..
3-حجمها حلو
4- القلم ما ينشف .. وكلما كتبت بنتي تقدر تمسح ..
5-حجمها صغير وحلو

وعن اذنكم ياحلوات بروح انام ..
وانكمل باجر انشالله ..

 

[Simple^Lady]

والله شي بصراحة في شغلات انصدمت انها موجوده عند بو100 !!!
يعطيج العافية رفروفه والله يخليلج كتكوتج

 

[ملح وسكر]

مشكوره

 

[نطوووعه]

ماشاء الله عليج بالعافيه

من اي بو اميه خذيتي هالشغلات منه؟؟

 

[^^ ريان^^]

موضوع حلو مشكورة رفرف

 

[سحايب نجد]

ممكن تقولين لنا اي بو100 تروحين له
موضوع شيق
ومشكوره عالمعلومات

 

[جكورة]

ماشاء الله خووش شغلات رفرف عليكم بالعافيـــه... بس فيه محلات بومية عن محلات تفرق بعضهم عندهم فناتق وبعضهم أغراضهــــم لوعه...من أي واحد تشترين شغلاتـــج ؟

 

[farawla 26]

موضوع حلو



مشكوره

 

[زلابيا]

يعطيج العافيه ابله رفرف عالموضوع الحلو

الله يخليلج كتكوتج

بس جان زين تذكرين من اي بو 100 بالضبط شاريه هالسوالف ..

انا انشاءالله لي رحله حق بو 100 باجر .. اذا شريت شي بحطه

 

[سمسميه]

وااااااااااو موضوع يهبل
سؤال
جنجفة اميرات ديزني من وين؟

 

[nice smile]

علييج بالعافيه ..

هذا حالنا اندش محل بو اميه وما انطلع باقل من دينارييين ..

رفرف خيتوو جم طلعت احسابج

وسؤالي الثاني من اي سوق بو اميه شاريتهم ؟

 

[الحرير]

يسلمووووووووووووو

 

[@ دهن العود @]

ماشاء الله خووش شغلات رفرف عليكم بالعافيـــه... بس فيه محلات بومية عن محلات تفرق بعضهم عندهم فناتق وبعضهم أغراضهــــم لوعه...من أي واحد تشترين شغلاتـــج ؟

صاجه جكوره

 

[xxx]

يه يه يه يه


شالحركاااااااااااااااااااااات :eh_s(6):

شغل عدل

>>> وايد عجبوني من اي بو 100 ؟؟؟؟

ناطرين المزيد :eh_s(8):

 

[رفرف]

ماشالله ما هقيت بلقى ردود هالكثر فرحتو قلبي ....

اول شي ..
هالاشياء ماشريتها من مرة وحدة ..
يعني حسابي ماطلع وايد
انا من مدمني بو100 وبما اني مدرسة لازم اروح اطل بين فترة والثانية ترى بعد ماخلصت عندي شغلات شكثر كلما التفت بالبيت لقيت شي مو مصورته

ثاني شي ..
اغلب الاشياء شاريتها من محلات بو100 اللي بسوق السالمية الأحمر ..
ومن عقبه أيام زمان والمحاميد بو100 اللي بخيطان

ثالث شي ..
في اشياء قديمة مادري تحصلونها والا لا مثل المرايا اللي على شخصيات انا شاريتهم حق اليهال بعيد ميلاد بنتي اللي طاف يعني قبل سنة تقريبا من بو100 السالمية .. وليلحين في منهم بس يمكن مو على شخصيات .. (شخشيات على قولة حبيبي ولد نفيشه)