فناتق بو100فلس.. بالشرح والصور ومتجدد بعد

[رفرف]

احلى بنوتة اغراضج زوووووووووغة ...

التيجان بوربطة هذول انا ماخذة كل الالوان حق بنتي ..
والسلفر اللي فيه قليتر عندي منه كل الالوان بعد اينن (كلش ما اكود من الشي اذا عجبني)
ووووالنبته عجبتني ابيييييييييييييييييييي
عيل بتخلينها عن رفيجي ها ؟؟
شك فيني .. شك فيني !!!!

والتاتوووو بعد عندي منه يهبل بس بنتي مو مخليتلي شي اكشخ فيه مابقى ريولها ايدها زنودها كل مكان حاطتلي تاتو ...

 

[supermarket]

واااي بنات من وين تييبون شغلاتكم

بو 100 حتى صباح الناصر وصلوا

عليكم بالعافية

 

[keeka]

رحنا بالعيد سيتي سنتر انا وعيالي وخواتي وامي واليهال كانو يشتروون العاب مرينا بو 100 لازم نطق كرتنا خخخخ جني قصيت قصه المهم عاد شنو شنو شنو شنو لقينا
بصوو


جبتز ب 100 فلس

ترا ميكي بو راس مقصوص اهو اللي صجي بس من كثر ماولدي اشوت الكره راح فيها فقير خخخ

عاد قمنا نخمط انا واختي انا شطروه شريت ب 1.600 خخخ واختي 3.300

ترا بالكروكس في شي صجي اللي اهو ب دينار وشي بو اميه مو مبين الفرق مو

 

[أحلى بنوته]

رفرف


لووووووووووووووووووووووووول

ياحلوها بنيتج تكشخ من مبجر

تتعود حق الريل باجر

الله يخليها لج يارب ويبلغج فيها

ويرزقني ببنوته حلوه بس مو ألحين خل اتهنى بعرسي اول

لوووووووووووووووووووووووووووول

والتاج القلتر ين عليه ريلي

كل ماشاف شي يبرق خمطه وحطه بسلتنا

طلعنا ذاك اليوم بشي و13 دينار



سوبر ماركت

اي صباح الناصر فيها 2 مو واحد بعد



كيكه

وين باجي الأغراض ؟؟؟




وطبعا بفضل رفرف صار عندي ادمان بو 100

وباجر بروح بعد

 

[بتبوتااا]

روووعه شفت كل مشترواتكم ايونسوووون

 

[ملكة الاحزان]

مشكووووووووووووووووووووووووووووووورة

 

[ياسمينا]

احلى بنوته ورفرف يهبلون اغراضكم وانا من زمان مدمنه على بوميه
ورفرف اذا تبين الزرع اللي على راس ترى عند المحاميد انا من زمان شاريتها حق الروضه خخخخخخخخخ وكل مستهلكات الروضه من ابو ميه الله يكثرهم

 

[رفرف]

كيكة ياحلاتهم الجيبيتس صج نفس الاصليين تفحصتهم عدل اليوم ...

كنت ماخذه عرضي اليوم بناتي مسهريني ..
طبعا طبعا مريت على صاحبنا وخذيت شغلات وصورتهم بس ماقدر اصغر الصور اليوم بنتي رحيق الدعالة مرتزة بحضني مو مخليتني احوس ...

 

[DKNY]

خخ خخ خخ ياحليلك رفرف
ناطرين الصور

 

[DKNY]

من كثر ماتسولفون على بو 100 شهيتوني اروح لابوريالين ورحت اليوم وهذي مشترواتي منه

[/url][/img]

ومجموعه ثانيه من البكلات

[/url][/img]


وبعد هذي عجبوني المشوط وخذت كل الالوااان(صراحه يا رفرف صرت مثلك اذا عجبني الشي كودت منه ههههههه)

[/url][/img]

وشوفو هالفايلات صراحه خيااااااااااااااال وجميع الالوان بعد اخذت

[/url][/img]


وهذي بعد

[/url][/img]

 

[أحلى بنوته]

واااااااااااو دكني وايد حلوين



رفرف

ناطرين الصور

 

[DKNY]

تسلمين احلى بنتوته عيووووووونك يالغلا الحلوه

 

[DKNY]

يالله ناطرين شغلات بو100 ياحلوات حرشوني على بوريالين مره ثانيه ههههه

 

[DKNY]

اب اب

 

[عجزت القى اسم]

السلام عليكم
هذي اخر مشترياتي من بو 100 وكنت شارية بعد اشياء من بوخمسين بس موزعتهم على ربع بنتي بالروضة جياس وخرابيط وما صورتهم

 

[رفرف]

اليوم انشالله تكون الصور عندكم ..

 

[SILVER ROSE]

اختي عجزت من اي محل ماخذتهم

وعليكم بالعافية

 

[رفرف]

دكني وااااااااااااو يهبلووون مشوطج روعة وكل الالوان حركاااات ماعندنا جذي اللي عندنا لونهم اسود او سلفر والفصوص بس ملونة يالله يا حلوة طرشيلي جم واحد من عندكم لا اييكم يومين اطل على بو ريالين اسلم عليه وارجع ...

عجزت ماشالله الاغراض حلوة بس حسافة مو مبينة شنو بالضبط يالله نبي شرح وقرقة ...


سمو بالرحمن
يايتكم الصور ... 1 .... 2 ..... 3 ...
قووووووووو

 

[رفرف]

المجموعة الأولى ..

اغراض أميراتي الله يخليهم لي قولو آمييييييييييين

شبابيص حق السكووول
وباندات حق المفعوصة العنونة

تاج أميرات مع التراجي
(مو خبركم بنتي هوايتها المفضلة تلبس تاج أميرة وتجابل المنظرة وتغني ماجني قمر على الدنيا يهل أكو مثلي في هالدنيا جميلاااا وجمالي هل يوجد مثيلااااا وتلوفح بهالشعر)
ايه نرجع حق محور حديثنا

وبعد شبابيص سلفر وذهبي وبرونز عالموضة عشتو (واي ماشبع عندنا فقر بنات)

يتبع .......

 

[رفرف]

أدوات مكتبية مساحات براية مسطرة مقلمة طباعات مادري شنو بعد ..
(خل اقولكم قصتهم بنتي يات هذاك اليوم الا معطينها هوموورك والا اكتشف ان ماعندي اي مقومات حل الواجبات لا مسطرة لا مساحة لا براية يالهوي هذا وانا مدرسة عاد استحيت على ويهي ورحت شرين هسوالف)

هاذي سوالف تعليمية روووووووووووووووووووووووووووووووووووووووووووووووووووووعة مثل جنطة كرتون فيها بطاقات عن الأعداد واسئلة وتلوين وتوصيل تهبل انا خذيتهم حق بنتي بس هم الأبلات ممكن يستفيدون منهم .. واللي تحت عاليمين هم بطاقات الأعداد من 1-20 ..
وقصة عن جسم الانسان اتهبل فيها شرح كل جزء بالعربي وصور واسم كل جزء بالانجليزي وايد حلوين حق الأمهات الحلوين اللي يدرسون عيالهم ..

قطع نفس الفلين بس خفاف جنهم ورق (يعني مثل الفلين بس وايد خفيف وبحجم الأي4 ) 5 قطع ملونة بجيس واحد انا خذيتهم لأني وايد استعملهم بالدوام وهم بالبيت نقصصهم ونلزقهم انا وبنتي

اخر شي هاذي ماخذتها من زمان جنطة ظهر شفافة على تويتي تهبببببببل تخيلو ب100 فلس ..

يتبع