فناتق بو100فلس.. بالشرح والصور ومتجدد بعد

[دهن عود مبخر]

لووووووووووووول
رونه تعالي شوفي درجي
كله شبابيص وتيجان
وتشوفيني معلقه على شباصه وحده وتاج واحد
خخخخخخخخخخخخ
نموت ع التكود
يالله ناطرين غريضاتج المشوقه..




زوزو

الله يعافيج ياقلبي ويسلمج​

 

[@الياسمين@]

[/IMG]
لي عوده انشالله لان اغراضنا اللي من بو 100 ما تخلص لووووووووول

 

[Pink GirL]

عليكم بالعافية بنات

اشوف مطيحين بموضوع بو 100

يبيلة من زمان مارحت

 

[بنوتة المملكة الصغيرة]

مراحب حلوات

عجبني الموووووووضوع وبما ان هوايتي دخول هالمحلات والتقليب في اغراضهم لين يقولون بس

بالبحرين ماعندنا بو 100 حسافة كله بو 200 بس هم رخيص وقوي

عاد هالمرة رحنا السعودية محل بو ريال وخلوني اوريكم شنو شريت

مقراض شارية نفسة من الصيدلية وضاااااع

ملقط روووووووووعه الدوائر الحمر تسهل حملة وتخليه مريح اذا مسكتينه

أوراق نوتات ملونة حلوة اشكالهم

كلبسات للشعر عجيبين استخدمتهم يوم اسشور شعري وقسمت كل خصلة بروحها

و اساور للايد الخشبي رههههههيب كل من شافة سألني عنه:eh_s(9):

بما اني دارسة فن ودوم اشتري هاللوحات الكنفس عشان الرسم وهالحجم 12*6 اشتريها الوحدة ب800 فلس من مواهب لقيتهم بريال ((صدق الشفاف اللي عليهم مغبر بس هو بينشال وانا برسم على الكنفس اللي داخل))

شريت خمس حبات وكان ودي اكثر بعد لاني احتاجهم

قلوب من الجوخ روووووووعه فيهم لصاق من الخلف حق تزيين الحلويات ((عاد انا شريتهم حق عيد الحب عشان اسوي فنتق حلو لزوجي)) عاد ديلين بريالين مو بريال من نفس المحل

ذيلين هم قلوب من جوخ بس جايين مع شباصة ((لعيد الحب كماااااااااان:nbvppw: خاشتهم)) وب2 ريال

هاذي ينحط فيها اللصاق عشان تغليف الهدايا وتمشينه على اي مكان تبين وبعدين تقطعين بدون ما تلمسين لا مقص ولا شي((بريال))

حامل للسيديات ((مو محتاجته بس دام سعره ريال اخدته))

وأخيراً شباصات لبنت اخوي جودي:nbvppw: وهم بريال



سعيدة بمشاركتي معاكم وان شاء الله تعجبكم اغراضي​

 

[rzaan77]

وناااااااااااااااااااااااااااااسه والله يحلات بو اميه ينن
عليكم بالعافيه بنات

 

[بتبوتااا]

روعه عليكم بالعافيه حبيباتي

 

[DKNY]

استعدووو لمشتروات اليوم

 

[DKNY]

هذي مجموعة شباصات لاااااااازم ناخذ من هالشباصات
+ حلق ملونه اشكال + اقلام سائله خطيهم مره حللووو + كحل سايل لحبة الخال على قولة اختي ثاابت ومايسيح

​

وهذي فرش للشدو ماادري حطيتها قبل ولا لأ :cxxxp:

كاسات قهوه حق المدرسه

شنط تهبببببببل لاغراضج المتنقله :33_1185028183::gathering:شرايكم عاد بكلمة متنقله وشكلهم مررررررررره حلو ومن داخل وسيعه خذيت منها 3 واختي 3 مايتفوتون صراحه .

وبس تسلمون وتعيشون
والى اللقاء مع زياره اخرى لبو ريالين اقصد بو 100 :eh_s(8)::eh_s(8):

 

[د.شريفة]

عاش عاش عاش بو 100 عاش عاش

 

[SILVER ROSE]

والله شغل السعودية احلى كل شغلهم راهي وبريال واحد يبيله

 

[زلابيا]

عليكم بالعافيه

ويبيلنا اندل بو ريال اللي بالسعويه وبو 200 اللي بالبحرين خخخخخ

بنوتة المملكه قوليلنا اي صوب محلات بو 200 عشان لي زرناكم رحنا تطمشنا ان شاءالله

ودكني قوليلنا وين محلات بو ريالين بالسعوديه ..

 

[أحلى بنوته]

وااااااااااااااايد زوغه اغراضكم


كلها تشوووووووووووووووق

 

[miss5]

هايييييييييي يونس موضوعكم

جنه بورياليين احلى من بو امية

عليكم بالعافييييييييية

 

[pearlq8]

يعطيج العافيه خووووووش حركات ما تقصرين

وعسى الله يخليلج بنتج يا رب

 

[DKNY]

مرحباااااا بناااااات وينكم ؟؟ ماتروحون بو مية هونتووووووو انا رحت هاليومين اللي راحو
وعندي صور جديدة و بنزلها اذا فضيت سي يو

 

[miss5]

رفرف

امبيه نفس الشغلات الي ابيهم بس ماكنت ادري وين الاقيهم من وين ماخذتهم بالظبطط هذولا ؟؟

البخاخات

يونسون الميني خاصة المبشرة

عليييييج بالعافييييية اذا تقدرين اتدزيلي بالخاص المكان اكون شاكرتلج لان انا ساعات انسى مكان الموضوع

 

[رفرف]

مس5
موجودين في بو100 السالمية او بأيام زمان بخيطان هم شايفتهم


أخيرا ما بغيناااااااااا نزلت الصور وصغرتهم
الحين احطهم ..
ترقبووووووو

 

[رفرف]

أول شي نوت اللي تكون بمفتاح وفيها برواز صورة بالنص مكان الباربي خذيتهم حق طالباتي على أميرات وشخصيات ديزني وكان في على باربي ..

ستيكرز كبار (مبينين صغار بالصورة بس اهمه كبار) حق الطوفة أو البيبان أو اي مكان وممكن استخدامها مرة ثانية حسب ماهو مكتوب عليها والصور اتهبببببببببببل مادري شاخذ شخلي

دفاتر تلوين (خو لازم ناخذ تلوين والا ما يصير محد مستانس غيري الونهم عن بنتي) وداخل كل دفتر ستيكرز .. يونسون

وهذول الستيكرز اللي داخل التلوين

يتبع .......

 

[رفرف]

أبواك هلو كيتي حق بناتي الأمامير كل أمورة فلوسها بروح وحلو البوك من داخل فيه منظرة ومكان صور ومكان كروت مقسم يونس

طبعا لازم اكسسوارات وخرابيط

قصص لقيتهم عندي مادري مصورتهم من قبل والا لأ لأنهم مو يدد

هذولي يونسون براويز داخلهم مثل مجسم بيت أو حظيرة بنتي تلعب فيهم جنهم بيت حق العابها العنونات ..
بس ب200 فلس مو 100 ...

يتبع ..........

 

[رفرف]

جيبيتز حق كروكس بنتي ..
حدهم يونسووووووون على هلو كتي وبنك بانثر وكان في شكثر نفس الأصلي بالضبط ..
(ترى الكروكس بودينار ونص مو أصلي ماخذته حق البيت والحوش حضرتها كله تمشي حافية ماتلبس سليبرز ولا نعال ولا شي يالله رضت تلبس هالحلو )

زهر حق طالباتي لما اسويلهم مسابقات ..
وبوردر على ميكي ماوس وبلونات حلو حق غرفة بنتي بنت الحلال ما قصرت شلعت البوردر القديم اللي عيزت وانا اركبه وزوقت قلبي ..

عدة خياطة كاملة ..
وطباقيات (مادري اسمهم صح جذي والا لا)
وخيط نايلون

ليف اماعين ..
ومقص بلاستيك حق اليهال عن الحوادث المؤسفة (صايرلي حادث في قديم الزمان)

قفاش حق السلطة ..
واللي يمهم حلوين حق اذا بتسكرون اجياس الأكل وتحطونهم بالثلاجة علشان ما يدشهم الهوا ويختربون .. خذيت شكثر ..

تم بحمد الله ..