فندق رويال بينتانج في كوالالمبور - the royale bintang kuala lumpur

[boys are toys]

شلونكم يابنات احلى منتدى
حبيت اسالكم عن فندق رويال بينتانج في كوالالمبور-
the royale bintang kuala lumpur
منو جربته او سمعت عنه ؟ لان اليوم حجزت فيه بس مترددة منه
مع العلم ان في نص شارع العرب مثل ما قالي مكتب السفريات
وانا اهم شي عندي النظـــــــــــــــــــافه !!!! والخدمات والاكل نظيف؟
يعني اي شي تعرفونه ياريت تفيدوني بليز
ياريت الي جربت هالفندق تنصحني اروح ولا اغير حجزي
ومشكورين ماتقصرون:klhfl:

 

[2009RMM]

مرحبا اختي انا جربته برحلتي لماليزيا 2008الفندق نظيف وخدمته كويسه وفطورهم منوع وموقعه وايد حلو يعني ماتحتاجين تاكسي كل شي يمج لكن يعيبه صغر مساحة الغرف علما انه مصنف اربع نجوم لكن انا وريلي ارتحنا وااايد فيه ..............وموفقه اختي

 

[bambena]

انا سكنت فيه بال 2001

حلو بس مو بنص الشارع يصير في اول الشارع مو قعه زين

 

[أم ساره989]

هاي بنات شحالكم عسى بخير .. شوفي اختي انا مجربته سنة 2007 و الله كان حلوو من ناحية النظلفة و من ناحية المعامله حتى بوفيه الريوق منوع كل شي فيه بس كله زحمة لأن أغلب الجروبات تسكن فيه . بس خوش فندق والله انا كنت ساكنه بفندق فيدرال بنفس الشارع سنة 2006 بس كلش مو شي تصدقين غيرنا الغرفة ثلاث مرات من وصاخته مع العلم ان أغلى من رويال بنتانج و ريووقه الله يديم النعمة خايس بس الأشياء اللي ياكلونها اليابانيين قطييعة . بس توكلي على الله و إن شاء الله يكونون محاقظين على نطافتهم و معاملتهم و ان شاء الله يعجبج و مع السلامه.

 

[boys are toys]

مشكورين يابنات ماقصرتو
طمنتوني اهم شي النظافه
الله يعطيكم العافيه

 

[boys are toys]

بنات ماعليكم امر بس كنت ابي اسألكم
الفندق في خدمه الانترنت بالغرف ؟
وهل عليها رسوم ولا مجانيه عشان اعرف اودي كمبيوتري ولا لا؟
ومشكورين

 

[الكادي 1981]

مــاأعرفه أنــا كنت ساكنه أنستانا هوتيل .... موفقــــة

 

[boys are toys]

مشكورة حبيبتي الكادي على مرورج
ننطر ردود باقي البنات

 

[{ ليت ظني كآن صآيب }]

انا متردده ودي احجز فيه ... !

شلون اسعاره ماتدرون ؟

 

[boys are toys]

انا متردده ودي احجز فيه ... !

شلون اسعاره ماتدرون ؟

والله انا سألت والكل قالي ان زين يعني مو وايد كشخه بس زين
انا بصراحه بروح اتسوق واشوف الديرة يعني طول اليوم برة الفندق عشان جذي ماحجزيت فندق 5 نجوم
وسوي بحث بقوقل وشوفي اراء الناس بالفندق
وسعرة الليله بمكتب السفريات قالي 28 مع ريوق بس انا حجزت من هالموقع
http://www.fendeq.com/results_w.php?city_id=-2403010&gclid=CM3j29fk95oCFRWA3godKx4udQ
اهوا موقع كويتي وصج طريقه الحجز سهله وايد والليله ب18 دينار يعني وايد زين بس انشالله تحصلين حجز لان اغلبه تسكر
واسفه على القرقه واي سؤال انا مستعدة .

 

[{ ليت ظني كآن صآيب }]

يابعد عمري ماقصرتي


بس ممكن سؤال >> ادري بتطقيني

انا ابي فنادق حلوه ونظيفه بشارع العرب واسعارها ماتتعدا ال 30 واهم شي ريوقهم يكون واااااااااو

وسوري ع الازعاج

 

[boys are toys]

يابعد عمري ماقصرتي


بس ممكن سؤال >> ادري بتطقيني

انا ابي فنادق حلوه ونظيفه بشارع العرب واسعارها ماتتعدا ال 30 واهم شي ريوقهم يكون واااااااااو

وسوري ع الازعاج

اسفه على التأخير حبيبتي
والله انا الفندق الي اعرفه فندق رويال بينتانج في كوالالمبور - the royale bintang ku
وحجزت فيه مثل ما قلتلج عن طريق السايت الي فوق عطيتج اياه ومسوين خصم صارت الليله ب18 وبالنت في ناس يمدحونه ويقولون مكانه زين
هذا كل الي اعرفه بس ياريت الي تعرف شي تفيدنا

 

[aLreeeM]

شلون طريقه الحجز بالسايت سهله ؟؟ لان صح اسعاره وايد زينه !!

 

[ترووفه]

والله بقول لريلي عنه

لان احنا ان شاءالله نبي نسافر لماليزيا هالصيف

وندور عن فندق زييييين

 

[ترووفه]

حبيبتي انا دخلت الموقع وحددت موعد السفره

وطلع ان الليله في فندق رويال بينتانج ب16دينار وشي

 

[ترووفه]

حبيبتي

انا توني داشه موقع

المهم طلع ان الاسعار اكثر من 18دينار

فندق رويال بينتانج

وقلت لريلي يقول ان

مال السفريات يقول هالفنادق اسعاااااااااااااااارها اغلى

 

[boys are toys]

حبيبتي

انا توني داشه موقع

المهم طلع ان الاسعار اكثر من 18دينار

فندق رويال بينتانج

وقلت لريلي يقول ان

مال السفريات يقول هالفنادق اسعاااااااااااااااارها اغلى

حبيبتي اسفه على التاخير
بس الاسعار على حسب التاريخ الي تطلبينه حبيبتي
انا حاطه تاريخ 26-6-2009 الى 10-7-2009 عرفتي
وطلعلي ان الليله تكلف هلسعر في الغرفه المزدوجه
وحجزت
مكتب السفريات قالي الليله ب29 دينار بنفس الفترة
عشان جذي اقولج النت ارخص واحسن
واي استفسار انا مستعدة

 

[boys are toys]

شلون طريقه الحجز بالسايت سهله ؟؟ لان صح اسعاره وايد زينه !!

اسفه على التاخير
الحجز حدة سهل ماتوقعته جذي
الموقع وايد زين وحتى كاتبين عنه بالجرايد ان خوش موقع
جربي

 

[boys are toys]

والله بقول لريلي عنه

لان احنا ان شاءالله نبي نسافر لماليزيا هالصيف

وندور عن فندق زييييين

انشالله تروحون وتردون بالسلامه وتستانسون بعد :eh_s(6):

 

[لوزة_الحلوه]

انا موجوده فيه انا وعائلتي وحجزنا لمدة 6ايام
نظيف راقي يمج السوق تروحين مشي الريوق وايد حلو