فنـاتك القـرقيعـان بالصـور ..تعـالي حطـي صـور قـرقيعـان بنتـج \ ولـدج ..

[sara999]

اييي صح الجوووخ حلوو بس شلون تبين طبقين فيه حق الكار والا الياهال ؟؟
اذا حق الياهال تلاقين في بارتي لاند ومحلات مشابها حقه اقنعه نص تصير على حيوانات وبوكسات ملونه من بياع الود (( الزهور الشرقيه )).....تعبين البوكس وتلبسينه القناع يصير حلو حق الياهال بس حق الكبار !!! مافي في بالي فكره نطريني افكررررررر

 

[كويتيه ذربه]

حق الكبار للحين
بس حق اليهال باخذ علب لها غطاء وبغطيها بجوخ
والغطا اسوي فوقه اشكال البريد والحلاو
واشكال ثانيه مثل لولو كاتي ودبب وشخصيات
انا غرامي سوالف الجوخ احب اسوي اشكال والعاب

 

[sara999]

خلاص اذا انتي عندج خبره ولج بسوالف الجوخ وتضبطينه سوي واستمتعي اصلا وناسه تقدمين انتاجج الشخصي انا احب جذي لها لذه يختج
بس الكبار الكبار !!! هاااا !!!! وايد الكبار عندكم ؟؟؟؟ اممممم اذكر مره يانه شي حلو بوكس فضي وداخله قرآن و مقسم فيه تمر من كل الانواع ومن بره مغلف بشكل حلوووو

ومره حصلت بعد شغه تونس وليلحين اخذها وياي واستفيد منها بالبيت بعد
الله يسلمج علبه رفيعه واكبر بشوي من كف اليد وشكلها هديه بس تفتحينها تتبطل جوانبها واهيا علبه عدة خياطه فيها كللللللل شي(( مقص ودبابيس وابر وخيوط وجلاليب وازره .....)) وفيها كاكاو كشخه بس حلوه وايد

 

[كويتيه ذربه]

حصلت امس بسنتر بوينت صحن ذهبي مقسم 3 اقسام
بس ماخذيت ترددت بحط حلوى ودرابيل وقرقيعان
بس الحين فكرت اني اروح باجر بياع الورد
واخذ صناديق حق امي وخالتي واليدات واحط لهم معاه ماي ورد وعلبه حلوى ودرابيل ودراعه واغلقه اشرايج

 

[tmtmt]

والله محتاره حق الكبار اكثر من اليهال

انا اول قرقيعان وبنتي يات بعد 5 سنين .. ودي بشي شي

الكل يقول حلو

 

[جوري الكويت]

هذي اول سنه اسوي فيها القرقيعان حق بنتي

انا خذت أكياس صغار من سنتر بوينت

و رحت سويت بدله عند محل اسمه ما أعرف اسمه ب مجمع النقره

بس اسمه فيه ما ادري شنو الوردي .. و للحين ما استلمته ولا دقوا علي

الله يستر

و رحت صورت بنيتي

بنات اذا تبون تصوير روعه حق القرقيعان

انا صورت بنتي عند عضوه معانا بالمنتدى جنه اسمها فارمسيه بس ينكتب بالانجليزي ما ادري شلون

تصويرها روووعه .. انا الصراحه ما استلمت الصور

بس شفتهم بالديجتال كاميرا

و عجبوني وااايد لأن بنتي اسم الله عليها ماتضحك كللللللللش

و اللي تصور ما أدري شلون خلتها تضحك

 

[نوارة الكويت]

بعد بنات نبي افكاركم

 

[pinki.style]

بقول لكم قرقيعان بنتي السنه اللي طافت بس عاد الله يعينكم على الشرح
شوفوا يامحفوظات السلامه تعرفون السله اللي يحطونها بالمطبخ حق البصل والثوم؟ اللي تكون طوابق .... ويستخدمون مثلها بس على حجم أصغر بالحمام يحطون فيها اغراض الحمام.... عرفتوها؟ (تكفون لحد يقول مافهمت لأن هذا اقصى حد عندي بالشرح لوووووول)
زينتها .... شريت اللزاق اللي يكون ملون ولزقتها كلها من فوق لي تحت صارت ملونه وزينتها بالفوانيس الصغار اللي يشبون ليتات

هذي صورة السله بس عاد مو جذي لا لا لا انا شريتها حديد من سوق طيور الجنه
وبصراحه كان شكله حيل حيل حلو يعني فنتق
وكانت كلها الوان .... مليت كل الافكار تقليديه لقيت هالشغله حلوه
والقرقيعان صفيته بالسله... طبعا السله صايره أدوار متعدده تقريبا 4 او 5 والله مااذكر
تعرفون (البزل) اللي على شكل فلين ... ركبته وسويته على شكل مربع وحطيت القرقيعان داخله طبعا كنت رابطه الحلاو بورق كريشه ملون ... وصورت بنتي صورة كبيره وحطيت صورتها فوق السله .... وبس
انا احط كله ككاو حلو مااحط خرابيط وحب وحلاو الصيداوي لا
والكبار شريت لهم مثل المطبقيه ملونه وحطيت داخلها كحل وعلج البان وحنه وهالسوالف .... كان كله رخيص وماكلفني الحمدلله ..

 

[sara999]

حصلت امس بسنتر بوينت صحن ذهبي مقسم 3 اقسام
بس ماخذيت ترددت بحط حلوى ودرابيل وقرقيعان
بس الحين فكرت اني اروح باجر بياع الورد
واخذ صناديق حق امي وخالتي واليدات واحط لهم معاه ماي ورد وعلبه حلوى ودرابيل ودراعه واغلقه اشرايج

ايييي هم حلوو بعد مو بس ماي ورد اكو ماي لقاح بطوله ذربه كأنهم بطل ماي صحه .... وشوفي اكو عندهم صناديق مغلفين مخمل اخذيهم ووديهم اي مطبعه وتسويلج عليهم كبس ذهبي او فضي كيفج كتبي اسم البيبي وعايلته
يعني قرقيعان فلان الفلاني

 

[sara999]

حلووو كحل وعلج البان فكره !!!

 

[غــلاهــا]

حلووووووووه الافكاركم

 

[الاسطورة]

ساروووووووووووووونه
لا تسوين حق المدرسه لان عطله
ماكو دوامات حق اليهال


افكارج وايد حلوووه

 

[طريق الخير]

ما عمرنا سمعنا رجل دين كويتي مو سعودي يحرم القيرقيعان والي حرموه اهو المبالغه بصرف المبالغ والقرقيعان تقليد قديم من التراث وطول عمرنا واحنا اصغار انقرقع والا اهلنا كفار واحنا ما ندري شيوخ الدين السعوديين قالوا ان القرقيعان بدعة ... بالله عليج ... هذي شتقولين عنهم


بالسعوديه مايعرفون شنو يعني قرقيعان فأكيد يستغربون من الوصف

واكيد اللي قايلهم تكلم عن الاسعار العاليه وجذي

وهناك يمشون على مبدأ مقولة الرسول عليه الصلاة والسلام

ان من أتى بغير عملنا هذا فهو بدعه

فهم مايعرفون شنو القرقيعان فصنفوه على بو انه من غير عادات المسلمين

بس ماسمعت ولا عالم من العلماء الكبار تكلم عن الموضوع

وفي قاعده حلوه وهي ان لاتأخذ الا بفتاوي العلماء المؤهلين للفتوى

وسالفة القرقيعان هذي شغله تخص الكويت فعلماء الكويت ادرى

والغلط على اللي سألهم لانهم مايعرفون شنو يعني قرقيعان اصلا

وراح اييب فتوي من شيخ كويتي افتي بجواز القيرقيعان بس القاها لأني من فتره كتبتهافي منتدي سعودي

السلام عليكم أختي في الله ام دودو المزيونه:eh_s(8):
هداك الله ووفقك لما يحب ويرضى/
مابالك فرقتي بين مشائخ - الكويت والسعوديه- فكلهم يحكمووون بما قال الله وقال رسوله
فلما التفريييييييييييييق اذا.........!!!!!!!!!!!!!!!!!!!!!!!!!!!!!!!!!!
واليك الفتوى

فتوى رقم (15532) بتاريخ 24/ 11/1413هـ

فقد اطلعت اللجنة الدائمة للبحوث العلمية والإفتاء على ما ورد إلى سماحة الرئيس العام من المستفتي / مدير مركز الدعوة بالدمام بالنيابة والمحال إلى اللجنة من الأمانة العامة لهيئة كبار العلماء برقم (5054) وتاريخ 6/10/1413هـ وقد سأل المستفتي سؤالا هذا نصه:

أنه جرت العادة في دول الخليج وشرق المملكة أن يكون هناك مهرجان (القرقيعان) وهذا يكون في منتصف شهر رمضان أو قبله وكان يقوم به الأطفال يتجولون على البيوت يرددون أناشيد ومن الناس من يعطيهم حلوى أو مكسرات أو قليل من النقود وكانت لا ضابط لها إلا أنه في الوقت الحاضر بدأت العناية بها وصار لها احتفال في بعض المواقع والمدارس وغيرها وصارت ليست للأطفال وحدهم وصارت تجمع لها الأموال .. ؟

وبعد دراسة اللجنة للاستفتاء المذكور أجابت عنه بأن الاحتفال في ليلة الخامس عشر من رمضان أو في غيرها بمناسبة ما يسمى مهرجان القرقيعان بدعة لا أصل لها في الإسلام (وكل بدعة ضلالة) فيجب تركها والتحذير منها ولا تجوز إقامتها في أي مكان لا في المدارس ولا في المؤسسات أو غيرها والمشروع في ليالي رمضان بعد العناية بالفرائض الاجتهاد بالقيام وتلاوة القرآن والدعاء .

والله الموفق

وصلى الله على نبينا محمد وآله وصحبه وسلم

اللجنة الدائمة للبحوث العلمية والإفتاء

 

[كويتيه ذربه]

ايييي هم حلوو بعد مو بس ماي ورد اكو ماي لقاح بطوله ذربه كأنهم بطل ماي صحه .... وشوفي اكو عندهم صناديق مغلفين مخمل اخذيهم ووديهم اي مطبعه وتسويلج عليهم كبس ذهبي او فضي كيفج كتبي اسم البيبي وعايلته
يعني قرقيعان فلان الفلاني

اي انا للحين ماقررت شنو احط بالضبط بالصناديق
على حسب حجم الصندوق
وبالنسبه للمطبعه ماتعرفين مطبعه معينه تسوي كبس على الصندوق

 

[BaLLoNa]

Pink style 7elwa fekrtech ra7 abooghaa

 

[tmtmt]

بنات محتاره شسوي حق الكبار بين فكرتين :

1- فكره ساره يزاها الله خير مالت المصحف الي حاطه صورتها .

2- الماعون الي احط فيه زلابيا وغريبه وهالسوالف <<< يقولولي هذا حق عيد مو قرقيعان .

شــــرايــــكم ......

 

[tmtmt]

اي ورفيجة اختي تسوي قرقيعان ان شاءالله بدزلي الصور واعرضها لكم

 

[sara999]

اي تم تم لا من قالج حق العيد ؟؟؟ انا بصراحه حق الكبار احط وهالاشياء واذا حق وخواتي اخواني والعمام والعمات وجذي راح ادرج وياه كاكاو كشخه
لان بصراحه مو مال تعطينهم ام اند ام وسكتليز ما يعجبهم
واستعيلي بالصور نبي نشوف الي لنا والي علينا
لان اغلبنا لقه الفكره بس ما نفذ يمكن يلاقي احلا

 

[engnera]

قرقيعان ولدي هالسنه شريته من هرودز لندن عباره عن جيس نايلون مكتوب عليه هردز وداخله حطيت حلاو وفوقه دبدوب هردز
[URL=http://www.arb-up.com/] [/URL]

 

[tmtmt]

هذا الرابط الي حابه تاخذ افكار او تشتري تفضلوا ...

http://www.q8yat.net/showthread.php?p=11116196#post11116196