^^ فنــــااااااااااتــــك لشـقـــتي ^^

[@@ Strawberry @@]

مساء الخير والاحساااااس والطيبه مسااااائن ماايليق الا بكويتيات
:edbf4317b9:شلونكم ان شاء الله بخير
بنات ابي منكم مساااااااعده :yaaaaaarb:


بنات انا عرسي بعد شهر ان شاء الله وابي افكار وفناتك حق التواليت وترتيبه والقمصان اغلفهم بصناديق والا لاء ابي افكار انا اللي اسوي شغلي ماعندي خوات عشان جذي حايسه والله ضايق خلقي ادري مراح تقصرون ابي افكاركم بالفناتك والاكسسوارات والخلطات ملوت الفرش اشتريلهم صينيه والا لاوشلون اضيف لهم لمست جمال طولت عليكم انا ماعندي خوات وانتو خواتي والله يوفق ويريح بال اللي تساعدني:hjy5jewf:

 

[@@ Strawberry @@]

شدعواااااااااااااااا 5 مشاهدات ولا رد

 

[@@ Strawberry @@]

اللهم زيد وبااااارك بس بالردود مو المشاهدات ههههههههه
وااااي ليش محد رد علي بس مراح اايأس اعرفكم ماتقصرون

 

[اسوووم]

ههههههههههههههههههههههههههههههههه الواحدة مالها خلق تكتب

 

[@@ Strawberry @@]

ههههه ياااااااعل ربي يفرح قلبج لان استانست احد رد على ولو انج مافدتيني بس كفايه مرورج

 

[ام عفاف الكويت]

الله يوفقج ويهنيج

سوي لج سله وعليها ورود صينيه مرتفعه او قلاص كبير وزينيه وحطي داخله قش وحطي عطورج فيه وسوي لريلج بعد واحد ترى يستانس وخليه فاضي هو راح يعرف انه حقه
اخذي السوالف المعطره مثل اللى بسنتر بوينت الكياس اللى داخلها كور الريحه وقطيها داخل الكبت وانتي تحطين الملابس عشان لا بطل الكبت يشم الريحه الحلوة ويشتاق لجيتج يقول ماشاء الله سنعه
وحطي بادراجج الكور اللى بسنتر بوينت بريحه اختاري شنو يناسبج واخذي علبه كلنكس وعلبه مكياج وعلبه اكسسوارات وبرواز وشموع وعلبه نفس مالت الاقلان وارفف الصغار ووصبغيهم وغلفيهم وحطي ورود وتور وشوارفسكي ورتبيهم على التسريحه بشكل ملفت

الله يوفقج ويهنيج

 

[ام عفاف الكويت]

علب الاكسوارات تلقينهم بسرداب الشايع بالديره وفي شكل ايد تحطين عليها الخواتم حلوه وفي حق الساعات اخذي كبيره حطي ساعاتج وخلي حقه مجال يعني انج ذاكرته وكله طقمي على لون معين

قمصانج رتبيهم بطريقه حلوه وعطريهم وحطي بينهم الكور اللى قلت لج عنها او بخريهم وحطيهم بالكبت اما بصناديق مزخرفه على الالوان يعني صندوق احمر القمصان اللى داخله حمر وازرق داخله ازرق ابيض داخله ابيض
بدعي بالتغليف وهالله هالله بالشوارفسكي والتور تراه يبرز الشي

 

[@@ Strawberry @@]

قولي امين يااااااااااااااااااااااعل ربي يوفقج ويرزقج من حيث لاتحتسبين وياااااااعل ربي يستر عليج ويرزقج مغفرته ويفرح قلبج ويفرج همومج حبيبتي انتي والله ماقصرتي يااعلج ساالمه

 

[ام عفاف الكويت]

ماسويت الا الواجب وان لقيت صور راح احاول احطهم لج يالغالية

 

[@@ Strawberry @@]

حببيتي انتي والله ماقصرتي ماتدرين شكثر ساعدتيني والله يفرج عنج همومج مثل مافرجتي همي وساعدتيني

 

[ام عفاف الكويت]

هذا سويه بالخياط اشتري المتر بربع دينار وخليه يسوي لج وحطي داخله قمصانج وحطي داخله جيس الكور مالت الريحه

هذا اخذيه من اي محل اكسسوارات او سرداب الشايع اقل من دينارين وصبغيه باللون اللى تحبينه وحطي شوارفسكي وورد وتور

رتبي ستياناتج جذي وايد حلو يبي صندوق جواتي عزج الله وغلفيه وحطي عليه فيونكه وحطي بالدرج

هالطقم تلقينه بسنتر بوينت كله الالوان اختاري اللى قلبج يميل له

حمامج اخذي له عزج الله سله وحطي عليها شريطه وحطيها بالطريقه هذي وحطي شامبوج وكريماتج

 

[ام عفاف الكويت]

شوفي هالسلات تلقينهم جاهزين بطيور الجنه اللى مقابل سناء بالسالميه كل الاحجاااااام والاشكال اخذي طقم من نص دينار الى 4 دنانير

مقسم الدلاغات تلقينه بعد عندهم بدينار

ان حابه خصوصية اكثر عندهم هالشي بدينار

هذي الاكياس اللى داخلها كور من سنتر بوينت ب 900 فلس

هالجياس تلقينها عند بو ميه اشكال والوان حطي داخلها خلطات العطور

 

[@@ Strawberry @@]

حبيبتي مشكوووووووووووره جدجد جد يعجز االتعبير عن شكرج ياعل ربي يسلم عمرج ويرزقج التوفيييج والسعاده من باجر ان شاء الله بروح اشتريهم

 

[ام عفاف الكويت]

شوفي عزج الله صندوق جواتي خليه حق شباصاتج او قطن الوجه

هذا بأيكيا تلقينه ب 5 دنانير او اقل يمكن

حق الحمام عزج الله

شوفي هالطريقه الكراتين فيها شباصات والمشط والمكياج والعطور حطتهم بصينه

 

[ام عفاف الكويت]

السله هذي بدايسو بنص دينار

والفوط عاد من محلات الفوط الوجه سناء مسوين تنزيلات 12 فوطه صغار ب 800 فلس

حطيهم صوب المغسله

هذي سوي لج سله صوب البانيو

هالكور مالت الريلاكسن تسوي جو عندي وااااايد منهم من الفارس بجمع الحمرا مول فوق رخاص جنه 3 ب دينار او 5 بدينار حطيهم وشكلي الوان يوم تترسين البانيو قطي وحده وتشوفين اللون يتغير والريحه الحلوة والحبيبات تسوي ريلاكس

 

[ام عفاف الكويت]

هذا اللى اتذكره سويته بشقتي كان فنتك

مابي منج غير تدعين لي اكمل شهري واولد طبيعي

وانتي امانه عليج قبل عرسج رقي نفسج عدل ولاتتوترين ولاتحاتين شي

كله سهالات من رب العالمين الله يسخره لج يارب

 

[ام عفاف الكويت]

بنات ترى الصور من تجميعي الخاص لفيت المواقع والاسعار وهالسوالف والاماكن انا شاريتهم منهم بس اللهم الصور من النت

 

[@@ Strawberry @@]

ان شاء الله تكملين شهرج وتولدين طبيعي والله يسهل عليج ولادتج ويرزقج بالذريه الصالحه والله يفرح قلبج وعسى ربي يسلم يدينج ويحرم عليج النار والله شاااكرتلج لانج صج ماقصرتي والله يوفقج بحياتج

 

[AnGel GirL]

ماشالله ام عفاف ماقصرت والله يولدج بالسلامه انشالله ياررررب

وستوبري انا غرامي سوالف الترتيب وحتى بديت تجارتي بهالمجال

عندي مقسم الستيان والاندر وير وصناديق شفافه للجواتي عزج الله دشي موقعي قسم ترتيب الملابس وفي سوالف حلوه

اما اذا تبين شغلات تسوينها بنفسج بعطيج جم فكره ببالي روحي سنتر بوينت عندهم صناديق باحجام مختلفه والوانهم عجيبه خلي واحد لشيالج والثاني لشباصاتج والاندر وير ... الخ يعني قسمي شغلج كل قسم بصندوق

وتقدرين تتفنين بكراتين الجواتي بعد ماتغلفينهم باللون اللي يعجبج وتقسمين شغلج فيهم

وملابس اللانجري قمصان النوم عندج نوعين الكشخه والراقين غلفينهم بتور من نفس اللون وغلفي العلاق بنفس اللون اما العاديه يتسفطون بالكبت وتحطين بينهم الكور المعطره طبعا بعد تعطرينهم وتبخرينهم قميص قميص ..

واذا في احد بينبش مثلا بشقتج غلفي كرتون كبير بأي خام والافضل يكون تور وتحطين ملابسج الخاصه داخلهم وبعدها تغلفينه نفس شكل الهديه وتحطين ورود عليه وتسوين ثلاث كراتين بهالشكل ومو لازم يكونون متروسين ملابس اهم شي راح يعطي شكل لي دشوا الشقه وطبعا ما يقدرون يشوفون شنو داخله

الدراريع نفس الشي عطريهم وبخريهم والبدل لبسيهم بلاستيك الخاص بالملابس وتلقينهم بايكيا

والتواليت لا تكثرين عليه العطورات ونثري عليه شوي ورد مجفف وافخم علبتين لدهن العود وتقدرين تشترينهم من محلات العود وحطي داخله دهن العود والثاني مسك وحطي عطرين واشتري صندوق مجوهرات يناسب لون غرفتج وخليه عالتواليت

وانشالله قدرت افيدج لو 1%

 

[AnGel GirL]

وصج هم موجود بايكيا سلال اجامها مختلفه ويهبلون لونهم بني وفي لون ابيض اخذي حجمين عالاقل واحد حطي فيهم الشور جل والشامبو .........ز الخ وهذا الكبير والثاني حجمه وسط حطي فيه فوط صغيره ولفيهم بشكل دائري ولفيهم بشريطه ستان واشتري شمع احجامه مختلفه وافضل يكون شغلج كله لون ابيض وهذا طبعا تكرمين لحمامج




والله يوفقج يارب وتطلعين احلى عروس :yaaaaaarb: