^^ فنــــااااااااااتــــك لشـقـــتي ^^

[ebtsama-3re9'a]

ما قصرو البنات

انا عندي فكره

استري النايلون الشفاف اللي يحطونه على الطاوله مالت الطعام

عشان ما تتزلق

وجوفي حجم الارفف ملوتج

واشتري خام عاجبج لونه ودانتيل حق الاطراف

ووديه الخياط عشان يسويلج ياه حق تحت الملابس عشان ما تحطين ملابسج مباشره على الرف الخشبي

وسوي نفسهم حق كل الادرج



موفقه

 

[ام فجور 2008]

ام عفاف يالله ياربي يسهل لج ولادتج

 

[ككاو بالتوت]

من رأيي اختاري لونج المفضل الي يلوق على لون الغرفه والتسريحه واشتري على اساسه كل شي ولاتنسين اطقم الحمام روحي سنتربوينت الي بفحيحيل مقابل الكوت فوق عندهم شغلات وايد حلوه للحمامات وترتيب البيت
التسريحه:
بعد اختيار لونك المفضل الي يتماشى مع لون الغرفه
اختاري صندوق كبير تحطينه فوق التسريحه (للعطورات-البودرات-دهون العود-اللوشنات المعطره -البخور) افضل من وضع العطور على التسريحه علشان ماتتأذين وقت التنظيف ولايغبرون اهم شي انه زوجج مايعرف شنو العطور الي تستخدمينها نبيه داايم مشتاق لريحتج العجيبه وخلطاتج خليه يحتار بالريحه الحلوه الي تطلع منج بدون مايعرف العطور الي تستخدمينها ياقمر

علبه او صندوق للأكسسوارات المنزليه
علبه للساعات والخواتم
علبه للذهب والالماس الاطقم الخفيفه الي دايم تلبسينها لكن الاطقم الثقيله طبعا بالتجوري

علبه للميك اب

وفي ادراج التسريحه ترتبين كريمات الترطيب وإزالة الميك اب والقطن واعواد الاذن

بس اهم شي لاتكثرين اغراض فوق التسريحه

عشان اذا بيوم فكرتي تسوين حركات رومانسيه تقدرين تحطين شموع وورد وديكورات على التسريحه بحيث انها تضفي شكل حلو

وسلامتج
ياعسوله موفقه يارب الله يبارك لج انشاله

ادعيلي اخذ الي ابالي عشان اطبق الي قلته لج

اذا تبين مساعدات ثانيه عالخاص مايردج الا لسانج

 

[alzen_kilah]

مشكورين يا بنات ما قصرتوا كل وحده نك نك وايد استفدت من اللي كتبتوه بس سوق ايام زمان وين صاير .؟؟؟

 

[@@ Strawberry @@]

شكرا للجميع وكاكاو ان شاء الله تاخذين اللي اف بالج والله يوفقج

 

[@@ Strawberry @@]

up
up

 

[غــلا]

الله يوفقك يارب

 

[Swan]

افكاركم حلوة
مشكورين

الزين كله
خبري ايام زمان موجود بخيطان
بس بصراحه ما ادل وين بالضبط

 

[جوري الزبير]

حبيبتي انا بقولج على فنتك استخدمه بعد لزواج00
احم احم00هههههههه
كنت مسويه علبت مغلفه حق لقمصان لي لبستهم بشهر لعسل عشتوووو هههههه00
كل صندوق بلون القميص وحطيت داخله على كرتونه ملونه صغيره من نفس لعطر لي رشيته يومها000وكتب عليه احلى عباره وله كلمه كالها لي وكتها000
وجذب بصير مسميات لقمصانج حتى اهو بعد يتذكره هههههههههههههه00
وماتنسين احلى كلمات نكالت لج منه 000
يارب تكون طريقتي عجبتج وعجبت لخوات 0

 

[*^*مــــزيــــانــــا*^*]

الف الف شكر لاختي ستروبري

والخوات كلهم

مشكورين وماقصرتوا

افكار وايد حلوه

جزاكم الله خير

انا تو الناس على عرسي بس كل مارحت السوق اشوووف الشغلات واحاول ابتكر شغلات

بس اذا اهما مو حاطين كبت الجواتي انتي صففيهم بالكبت تحت بكراتينهم ..


والتسريحه نصيحتي خليه ديكوريشن اكثر من انج تحطين اغراض يعني

حطي العطور والبخور طبعا عطورج وعطوره وحطي برواز لصورتكم في العرس

ومثلا حركات فازا صغيره وداخلها ورد مجفف معطر

والمكياج والشبابيص ولماشات وهالسوالف صفيفيهم داخل الادراج بكراتين من ايكيا الصفار كللش

ووووووووووبس

والله يوفقج يا ربي

 

[@@ Strawberry @@]

للرفع

 

[@@ Strawberry @@]

شاكره للجميع مرورهم:ada: الغالي والله يوفقك الكل

 

[meen_ana]

مشكوورة ام عفاف افكارج وياج حلووة باخذ منهم حق تجهيز شقتي للي لي الحين مالقيتها

 

[ZajiL]

بالمبارك مقدما

 

[al.jooory]

السلام عليكم اول شي الف مبروك مقدما والله انا بالنسبه لي رحت عند وحده اسمها ام يوسف والله فادتني وايد ما بقى شي ما سوتلي اياه حتن الكتكس وانتي بكرامه سوتلي جنطه حقه حتن الزباله غلفتلي اياها ومنها الخام ما عليج الا انج تعطينها الميزانيه وتفتكين بروحه ما عندج وكت تحكين فيه شعر راسج
وهذا رقمها
99442406 اسمها ام يوسف
والله يوفقج

 

[@@ Strawberry @@]

الله يبارك فيكم حبايبي شكرن على مروركم

 

[ام عفاف الكويت]

حق وواجب ياقلبي وربي يهنيكم
ادعوا لي يوافقون لي باجر على المجلس الطبي

 

[لبي قلبك يالغلااا]

كان خاطري افيدج بس مالي بهالشغلات
بس عندي لج شغله صغيره وهي الدعاء لج ان الله يوفقج ويهنيج ويفرح قلبج

 

[ربي أسألك الجنه]

افكاركم حلوة
مشكورين

 

[alzen_kilah]

تثبيييييييييييييييييييييييييييييييييييييييت يبيله تثبييييييييييييييييييييييييييييت


بس ما رديتوا علي اوكي انا زعلانه