فن الضيافه

[samara20001]

شوفي حبيبتي من احتكاكي بالناس اكتشفت اكتشاف خطيييييييييييير لوووووووووووووول
الحضر يقدمون العصير بعدين الجاي والمعجنات وآخر شي القهوه والحلو
والبدو يقدمون اول الحلو مع القهوه وبعدين الجاي
لان صديقتي بدويه وذك اليوم كنا نسولف عن هالموضوع
وعشششششششششششششششتوا

 

[شكليطه]

حبيبتي يمكن السالفه تفرق من بيئه لي الثانيه

يعني في خوات يقدمون القهوة اول شي....واحنا عندنا العكس....نقدمها اخر شي قبل طلعتهم

عموما احنا طريقتها اذا يايينا زوار من غير غدا او عشان....اول شي الماي والعصير.....عقب مدة جاي ومعجنات (بس اذا عيد او رمضان مانحط معجنات)......واخر شي الحلو والقهوة

 

[سلوى هانم]

اول شيء اقدم عصاير طازجه و بعده صينيه ثانيه فيه ماي حق اللي مايبي عصير وبعدين المكسرات و بعدين الجاي نوعين وبعده الفطاير

وارد اصب شاي حق اللي يحب واخر شيء الحلو مع القهوه وقبل لا يطلعون ايبلهم دهن العود و عطرهم . ( اعتقد هذا اصح شيء احنا

عندنا جذي اذا رحتي العرس شوفي السيرفس شنو يقدملج اول شيء العصير بعدين الجاي مع الموالح واخرشيء القهوه بعد دخلت العروس )

 

[ام ناصروحنين]

اول شيء اقدم عصاير طازجه و بعده صينيه ثانيه فيه ماي حق اللي مايبي عصير وبعدين المكسرات و بعدين الجاي نوعين وبعده الفطاير

وارد اصب شاي حق اللي يحب واخر شيء الحلو مع القهوه وقبل لا يطلعون ايبلهم دهن العود و عطرهم . ( اعتقد هذا اصح شيء احنا

عندنا جذي اذا رحتي العرس شوفي السيرفس شنو يقدملج اول شيء العصير بعدين الجاي مع الموالح واخرشيء القهوه بعد دخلت العروس )

:ggdw::ggdw::ggdw:

 

[baby johnson]

هههههههه
ضيعتوونا كل وحده تقول شي
لووول مشكوورين بعدعمري
احنا اللي نسويه اول شي ماي بارد او عصييير
بعدين المعجبناات والموالج مع الجااي
بعدين الحلوو والقهوه اخر شييييييي
والمكسرات جدامهم من اول مايدشووووووووووون

وبس

 

[أسرار النرجس]

شوفي حبيتي هذا يعتمد إن كنت بدوية أو حضرية كل من له أسلوبه وطريقته وإنت حددي لأني لاحظت الردود تختلف بين البنات حسب أصولهم وطبعا هذا بلا شك ما يعيب أحد ....الماي عادة يبدي فيه الطرفين البدو و الحضر ... لكن البدو يبدون بالحلو و القهوة ثم الشاي و الموالح وبعدين القهوة فقط و أخيرا العصائر..... أما الحضر فيبدون بالعصائر ثم الشاي و الموالح ويختمون فالقهوة و الحلو. و انت اختاري مايناسبك ..... وعموما طريقة الحضر هي المتبعة في المناسبات و الاستقبالات عند الجميع .... وفي النهاية انت قيمي الأسلوب الأسلم لضيوفك.

 

[آهــــات]

بنااات تختلف العاااادات من ناس لناس


الكل اول شي ...شي بارد ....

بعدي
في ناس تبتدي بالقهوه مع الحلو بعدين الجاي والموالح... سواء معجنات ورق عنب اللي يصير
وفي ناس العكس... تبتدي بالجاي مع الموالح .... بعدين القهوه مع الحلوووو


بشكل عام احنا البدو نقدم القهوه بعدين الجاي
ولاخلصوا جاي ردينا قهوه

 

[سلة_سيف]

الطريقة الصح
أول شي تكون السفره كامله جاي قهوه حلو فطاير حب كيك...... إلخ
تقدمين الحلو
بعدين تصبين القهوة

وإذا خلص الفنجان تصبين لها غيره و طبعآ الحلو يكون قريب يمها عشان تاكل براحتها

وإذا قالت بس مابي قهوه أو هزت الفنجان تصبين لها جاي و تقدمين الفطاير وتقربين لها الحب

وإذا بتحطين نعنان حطيه بطاسه ذربه وإذا صبيتي الجاي حطيه على صحن البياله وإذا الضيفه تبي النعناع تحطه وإذا ماتبي تخليه بمكانه، و نفس الشي مع مكعبات السكر

و إذا عندج عشا ورا العشا مباشره سوي جاي زعتر أو فيمتو أو عصير

أتمنى إني ساعدتج

دعواتج