فهموني انا غلط؟؟

[caramella <3]

هاذي يا انها مو صاحيه او انها تمثل انها مو صاحيه و قاعدة تستهبل ,, هاذي مال تسوين فيها جم حركة و تخظين بطنها عشان تيوووووووز عنج ,,
انغثيــــــــــــــــــــت من تصرفاتها المريضه الله يكون بعونج ان شاء الله ,,,

 

[هُدوء]

مااقولَّ الأ الله يعينج صرآحه
بس بسآل وين ريلهآ ؟
مآيشوفهآ واهي تكلم اخوه وتتلزق فيه ؟ مايجي يدور عيآله عندكم ؟
الف سوآل يدور في بآلي ؟

واذ وآللهة اهي موحآشمتج ومومقدرتج !
وماتعرف حدودها انا اقولج قولي حق ريلهآ ، لان اللي رأح يسنعهآ
ويربيهآ من يديد ريلهآ !

لان كل آلحلول مقفله بويهج ، فاانا اقول قولي حق ريلهآ ،
واذ ولدهآ جاء عندكم طرديه ! ايه قوليله عمكك نآيم !
اوعاد مسكيه وطلعيه برآ وقفلي البآب !
واذ والله قأعده يطق في البآب مسكيه وهأوشيه ! مو تكلمينه بهدوء ولطف
لا يْ قلبي ، خلج قويه معهةة
لان اليهآل يخافون من اللي يهاوشهم ،

 

[سكوتي بذوقي]

هاذي ماتستحي وين زوجها

ليش ماتقول لزوجها اللي تبيه

عيب تنادي زوجك وتقول له ابي وابي

قفلي بابك واحقري

 

[نونو العصله]

استعملي سلاح الانوثه جدام ريلج
تدلعي وتنهوصي جدامه
اذا نادته روحي معاه
او لا تخلينه يروح
تصرفي سوي اي شي لا تتفرجين وانتي ساكته

زفيها وزفي ولدها
اطرديه من غرفتج
وريها العين الحمره
هلاشكال ما ينفع معاها الطيب
قطع يقطعها
وين ريلها الخروء
ترا ابليس ما مات

 

[نونو العصله]

اذا شفتي الياهال عطيه خزه تخوفه
عشان يخاف ما يقرب
ترا اليهال ما تنعطى ويه
وغرفتج قفليها بس تطلعين منها
لا تحطلج بلا
سوي روحج تحبيينه وقصيه
هههههههههههههههههههه شريره انا
مع اني احب اليهال
بس اذا جت وب حياتي و بيتي
اصير شرسه
واعض
بس اذا جدام اهله صيري ملاك

 

[طلة شيوخ]

اذا انتو بشقة شكوو الياهل قاعدة تتصوخ عند باب دارج ؟
باب الشقة ليش ما ينقفل ؟؟؟؟؟؟؟؟
خلي لج خصوصية دايما خليه مقفول
و اذا طق الباب ود حماج فتحي الباب و طلعي راسج و خزيه و بحلقي عيونج خرعيه و قوليله بعدييين عمك اييك و سكري الباب
قطيعه لا اهو و لا امه الدعل
و مرت حماج لا تييبين لها طاري ان انا و ريلي قمنا نتخانق بسبت ولدج
و اذا بتطلعون و قالت حق ولدها روح معاهم قوليلها لااا طلعتنا خصوصية مع ابتسامة عرييييضة
و الا قوليلها لا ما نقدر طلعتنا حق الكبار و الا عندنا شغل و الا حسااافة اجون اخذته يونسنا
غثيها مثل ما تغثج
و ريلج وقفيه عند حده
و خير يا طير يعني محد عنده ولد اخو الا انت ؟؟؟؟
قولي حق ريلج ابي اختلي فيك مو كل شوي منطق الباب علينااا

 

[مناير ...!]

انتي غلط وتغارين من ولد اخوه
وغيرتج منه لانه متعلق فيه
حبيبتي هذا طفل ياهل شنو تقارنين نفسج فيه
وتطلبين منه يخفف حبه لولدد اخوه بعد المحبه من الله
بالعكس صفه حلوه اتحببج بريلج باجر بيدلع عيالج

اما مرت اخوه
اتوقع غيرتج من ولدها تخليج تحطينها تحت المجهر وتضخمين كل تصرفاتها
يمكن اهي اتعامل معاه على انه اخوها بس انتي بانيه بمخيلتج شي اخر

 

[المدينه]

وين زوجها عنها هذي جليله حيا ولازم توقفينها عند حدها وزوجج بعد وين قاعدين يروحلها من تناديه

 

[شقرديه كويتيه]

يا حياااتي
أنا اقول صج لما تولدين صدقيني كل شي بيتغير
<<< خخخ عزوبيه عندها خبره بس ما حبيت اطلع من غير ما اقول تجربتي ويا اللي حولي

 

[om.googi]

على هالسوالف وللحين ما طلعتي ابـ سكن بروحج ؟ ​

غلطااااااااااانة :eh_s(4): !!
ومرت حماج وين ريلها عنها عمى انا منج ابـ زوارة الخميس أو اليمعه أمسكها اهي وريلها وريلي
وأسووووووولف وأطلع خماجيرها اهي وعيالها ,,

واليهال ما يسوون جذي بروحهم ( على ما تعودينهم عليه ) ..

امحق تربية :eh_s(14): الله يعينج اذا بتصيرين من النوع اللي يصبر ويطوف :eh_s(2):
هذا زواج اذا اهو ما يفهم أفهم الغير اللي حوالينه يمكن يحسون ع دمهم..:eh_s(17):​

 

[RoWaIsHeDyA]

شنو هالبشر مافي مخ ولا شنو ويعه كلميه قعدي معاه قوليله ياولد الناس انا انسانه اغار لو من شنو وهذي المره دايما تدخل فينا وانا ماابيها

 

[منجامور]

الحل الاول لزقي بريلج سواء تبغى تكلمه بشي او تبي تروح الجمعية ايدج بايده لاتتركيه لحظه اذا هي تبي شي منه

الحل الثاني كل ماشفتي اللزقة ولدها خزيه بعيونج خليه يخااف خخخخخخخ امزح


بس صج الحل الاولي سويه

 

[غنج اهلها]

لاموغلطانه من حقج تغارين وتزعلين

كلمي ام ريلج بالموضوع / تناقشي انتي مع ريلج فهميه ان هـ شي ممكن يسبب مشاكل بينكم انتوا في غني عنها

والله يعينج حبوبه