فيتامين سي من بدي شوب

[وصوف]

شوقتيني عليه شكلي باخذلي باجر
بس قبل المكياج استخدمه ؟؟؟
والاول شسالفته جنه قطاره ؟؟ متى تستخدمينه وحق شنو

هلا حبي
انا استخدمه بعد مااستخدم الصابونه حقتي
الببايا لاني بشرته مره دهنيه
والقطاره على قولتك شكل بس
انتي تفتحين الغطا وتحطين شوي براحة يدك وخلاص
وتحطينه
يعطيك نظاره فضيييييييييييعه
استخدمتها قبل ماروح الزواج
وكان فضيع

 

[وصوف]

حبيبتي

انا ادرس صيدلة

اللي قالج هالحجي جذب

مشكوووووره
بس وش اسوي انا دايم اوسوس
قلت مايسوى علي بكره
بشرته حلوه وامشي على عكازه:krkrkr::krkrkr:

 

[وصوف]

شوفي انا سمعت ان حبوب فيتامين سي وكثرتها تسبب هشاشه العظام والعلم عند الله اما اللي شريتيه ما
اعتقد له علاقه والله يوفقج ..

مشكوره قلبي

 

[وصوف]

خلاص بنات الي تشتريه تعلمنا ان صار لها شي
ولا انا الي قمت اقط خيط وخيط

 

[سعوديه وفرفوشه]

انا استخدمت المقشر روعه تحسين بانتعاش
معلومت ان فتمين سي يسبب هشاشه بالعظام
يمكن اللي يكثر من استخدامه بالاكل مو على البشره

 

[عذووبة]

امبيه شنو هالناس
حبيبتي كلش مو صج الي قالته زوجة اخوج ابدا
انا دكتورة وبالعكس
فايتامين c هو مضاد للاكسدة
وهم في ابحاث ان يمنع هشاشة العظام
وسووا تجارب على الفيران الي فيهم هشاشة عظام وشفوا منها بسبب حقن فايتامين c

 

[ضماي هو وهناي]

اول شي القطره هذي فيها كبسوله سي اول ما تسكرينها تنزل ولمده 10 ايام تستعملينها على البشره
وثاني شي البخاخ اللي اخذتيه ترشينه قبل الميك اب عشان يعطيج نضاره
ثالث شي الفيتامين الاخير اللي اخذتيه همين تحطينه قبل الاساس وبعد المرطب عشان النضاره ويخلي بشرتج جنها مخمل لي لمستيها والمقشر اليومي ما اخذتيه ؟؟ والاسبوعي ؟؟ لايطوفونج الاثنين بس اليومي انا اقول اخليه يوم وترك احسن والاسبوعي كل اسبوع مره باول اسبوعين وبعدهاا كل اسبوعين او حتى ثلاث لان بشرتج تكون نضره بس تستعملين وتداومين عليهم ..
اما بالنسبه لكلام مرت اخوج .....
باصحح لها المعلومه فيتامين سي ما يسبب هشااشه العظام لا طبعا ...
فيتامين شي يرقق البشره ........... فما تستعمله الا البشره المحتاجه فقط للنضاره .......... المتعبه من صيام او رجيم او بعد ولاده او لاسمح الله مرض الانفلونزا الموسميه ..........
ودامها القطره عطتج نتيجه معناها بشرتج محتاجه لهالفيتامين .......متى تحسين انج مو محتاجته اذا استعملتيها ولا عطتج تقدم او عطت نتيجه عكسيه مثل سواد حولين العيون او حولين الفم ليش؟؟ تدرين ليش لان فيتامين سي يعكس لون برتقالي على البشره فاذا زاد اللون وطبعا اللون ساري على العيون والفم زاد اللون وهي اوردي لونها شوي اغمج من البشره لو بشي بسيط شنو يصير اللون بعدها فكري وتعرفين النتيجه يعني اغمج .......فانت هني مو محتاجه لفيتامين سي ............
واول وتالي فيتامين سي كريم او غسول يعطي نضاره بس الكلام اللي قلته عن رقه البشره اعني فيه الكبسولات فقط ..........
وكبسوله فيتامين سي لازم تاخذين معاها كبسوله فيتامين هـ او e نفس الفيتامين بس بالانجليزي ......
هذيل الكبسولتين ينوخذون الصبح على قولة الغاليه امي الصبح مع فورت الدم ( ماادري من وين يابت هالكلمه الغاليه او على اي اساس ) المهم فعلا الدكاتره قالو اي فيتامين للبشره الصبح بعد الافطار ...............
وبالنهايه بعد هالكلام اقولج
توكلي على الله وتابعي الكورس .......... وعلى فكره كورس فيتامين سي للبشره مره بالسنه ..........بس يعني خلصت لا تردين لها الا بعد سنه اذا انت محتاجه ..........
وبعد باقولج علامه اللي محتاجه لفيتامين سي ...... حولين العين سواد ... او خضار وخرابيط لا مو هني العلامه
علامه السي انج اي كريم اساس تحطينه ويهج بعد ساعه يصير باهت او غامج او جنه مرهق ........
وبس يالغاليه ............كلامي هذا طااااااااااااااااااااااااااااااااااااااااااازج لاني قبل فتره سويت عمليه وفقدت وزني وايد وفقدت دم والحمدلله على العافيه لما راجعت اخر مره قال لي دكتوري باكتبلج على فيتامينات كان من ضمنهم سي واكد على اخذ معاه فيتامينE عشان نضاره الوجه وعشان استرجع نسبه الدم ............وقال لي لا تستمرين علي السي الا شهر فقط واسويلج تحليل ثاني واشوف احسن ما تتعبين من رقه الجلد وخاصه الوجه لازم تاخذين هـ او E عشان يقوي الجلد .......................
طولتها ادري
اتمنى لج العافيه والنضاره والجمال الدايم

 

[ღ Mzajiya ღ]

انا اخذ حبوب فوار فيتامين سي لاني مسويه ليزك والدكتور وصفهم لي صارلي شهر اخذ منهم والحمدالله ماصارلي شي من اللي قلتيه ؟! وهذا وانتي تحطينه على بشرتج يعني مااتوقع بيصيرلج شي ان شاءالله لاتخافين :*
وعليج بالعافيه​

 

[عزتي في عفتي]

ماتوقع انها تسبب هشاشه بالعكس الكل يمدحها عندي هنا بمريكا والله فيه بنات في بعض المنتدايات قاموا ياخذوها بالهبل عقب الاستخدام روعه

 

[حلم غير حياتي]

انا من شهراستريت التونيك والبخاخ وماشاء الله حلو وماصار لي شي الحمد لله

البخاخ ب 45

التونيك 89

بس الي زي القطره ماشفته هناك

 

[الدنيا علمتني !]

شوفي حبيبتي أنا رحت لأخصائية بشره ممتازه وقالت لي استخدمي على بشرتك

فيتامين سي بس مو نفس ماركة حقك بس والله العظيم لي الحين سته شهور واستخدمة

مرررررررررررررره روعه ولا صار فيني شي بالعكس عطا بشرتي نضاره وحيويه غير طبيعيه

حتى خطوط الأبتسامة روحها

 

[عذووبة]

بس حبيت اوضح لكم شغلة
فيتامين c يعتبر من كريمات التبيض
فلا تحطينه لمن تطلعين بالشمس
وقبل لا تتعرضين للشمس حطي سن بلوك عشان ما تتاثر بشرتج

 

[pretty sarona]

انا استخدمتهم ,, حلوين و يخلون البشره مخمليه ,, تستخخدمينهم مرتين بالسنه

 

[نـــــورة]

اذا استخدمتي فيتامين سي اللي تاكلينه اكثر من شهر يسبب هشاشة عظام

يعني استخدميه بس مؤقتا

لكن الكريمات ماعندي عنها خبر

 

[الفراولـه]

مشكووووووووووووره شوقتيني عليهم انا اخذت من عندهم كريم + قطره فيتامين e الحمدالله مرتااحه عليهم

 

[a7la shay]

اسالي الصيدلي احسن
وسلامة ركبتك الف سلااااامه​

 

[زوجة عزيز]

عليج بالعافيه انا بعد ناوية عليهم

 

[نور العجمي]

يسلموووووووو

 

[مراوي22]

استنتج من الموضوع ان اذا طقطقت ركبتي يعني بشرتي تحسنت :d ..

امزح..

لااا ما اظن له دخل .. حتى في موضوع عن فيتامين سي انه مضر ، بس طلع كذب
​

:krkrkr:

:krkrkr:

جتلني الرد من الضحك

نرجع للموضوع ماتوقع حبوبه شي بتحطينه في ويهج بيأثر على عضامج آنه سمعت إنه كثرة شرب فيتامين سي الفوار يضر كثرته على مده طويله لكن كريمات الويه ماراح تتغلغل لي العظم حده على البشره وخلاص

لاتوسوسين ولاعليج منها هذي ماتبيج تستخدمينه جافتج إحلويتي يمكن :eh_s(10):

آنه عندي من المقشر وآخر صوره ومرتاحه عليهم والمقشر كمل وبشتري الثاني بس إلي بتاخذ المقشر تاخذ إلي للإستخدام اليومي مب الاسبوعي لأنه في نوعين أحس اليومي أخف عالويه

 

[مراوي22]

بس حبيت اوضح لكم شغلة
فيتامين c يعتبر من كريمات التبيض
فلا تحطينه لمن تطلعين بالشمس
وقبل لا تتعرضين للشمس حطي سن بلوك عشان ما تتاثر بشرتج

آنه خذيت كريم ثاني فيتامين سي ومكتوب عليه يفتح أحطه وأطلع من الصبح :080402ask_prv:

زين قلتي لي إنه مب زين أحطه وأطلع في الشمس