فيدوني شورو علي

[نوروظلام]

السلام عليكم الله يعافيكم استشاره انا ولدي بيروح خامس وامتياز بكل المواد بس العربي والانجليزي جيد فقررت ادخله مدرسه خاصه شنو ترشحون لي اوديه سمعت عن التميز وفي ثانيه اسمها الابداع تهقون يقبلونا عندكم ارقام تيلفوناتهم وجزاكم الله خير

 

[سيدة الكويت]

اختى ما اظن يقبلونه وهو بالصف الخامس لأن ما راح يمشى مع مناهجهم راح يسير صعب عليه الأنجليزى

دخليهم المعاهد البريطانيه تقوى الطفل والعربى يبى له مدرسه البيت

 

[كويتيه_غاويه]

حبوبه

اذا امتياز بكل المواد ما شاء الله .. حرام تودينه خاصه عشان مادتين

يبي له مدرسين بالبيت .. والله يعينكم !

 

[sereen]

على مادتين تنقلين الولد وتخسبقينه حرام والله شوفى عمرى مافى الا اتييبن مدرسين خاصين مستواهم ممتاز وفى معهد بالكويت عندكم راعيه كويتى اسمه شى الخياط ممتاز حسب كلام اختى اتودى عيالها عندا ..... بس فكرت نقله الحين بالسن هذا صعبه علي الولد وعليج راح يعانى من اختلاف النظام والربع

 

[الرحالة]

أول شي إستيخيري و إلي في الخير إن شاء الله يكتبه ربك
و بعدين مري مدرسة الإبداع و شوفي إذا في مجال لأنه بالتليفيون ما يقولون لج
إذا الله ما كتب دخليه معهد تقوية مثل المعهد البريطاني أو أميديست للإنجليزي و للغه العربية دخلية مراكز تحفيظ القرآن ما فيه أحسن من القرآن لتحسين و تصحيح اللغه و الله يكون بعونج​