فيليه الهامور المشوي بالشبنت وتتبيله نايس سمايل ( حصريا )

[nice smile]

المقادير

نتبل فيليه الهامو بالخلطه التاليه لمده ساعتين تقريبا ..

مقادير التتبيله :

شبنت
عصير ليمونه
بشر ليمون
2 م ك زيت زيتون
ملعقه وسط ثوم بودر
خل
ملح + فلفل أسود + بهاراتج
ملعقه صغيره جدا بابريكا

بعدين نشيله الفيليه من التتبيله ونحطه بصينيه الفرن لما يستوي ..


والطبق الجانبي :

بطاط مهروس بالشبنت والتارتار صوص

بعد مانفوح البطاط نضيف عليه الشبنت وملعقه تارتار صوص ونهرسه ..

وآرائكم تهمني ...

 

[دلوعة روحي]

يم يم


نايس انا يايتلج بالطريج حسبي حسابي



عليكم بالعافية حبيبتي مبين شهية

 

[smily]

يمي يمي

يعطيج العافية و تسلم الأيادي شكله لزيييييز

عندي فليه هامور و قاعده افكر ودي اغير الطريقة و وصفتج يت في in time

 

[nice smile]

دلوعه روحي

حياج الله البيت بيتج غاليتي وهذي الساعه المباركه


سمايلي

طريقتي سهله وروعه بس مهم بشر الليمون لاتنسونه


وامي تقول تقدرين اتبيليين كل فيليه الهامور اللي عندج لمده ساعه وعقب تحطينه بالفريزر متى مابغيتي طلعيه لما يذوب الثلج دخليه الفرن والطريقه اعجبتني وتوفر وقت بس ماسويتها

 

[حنتوشه]

تسلم ايدياتج وايد الوالدة



مشكورة عالوصفه بجربها ان شاء الله

 

[nice smile]

الله يسلمج حنتوشه

 

[جارة القمر]

مشكووووووووووووووره

وتسلم ايدج

 

[حناينq8]

روعه

تسلم الايادي حبيبتي

 

[كنوووونه]

مشكوره حبيبتى

 

[nice smile]

جاره القمر

حناين


كنوووونه



الله يسلمكم ونورتو الموضوع

 

[om shoyokha]

امبيه شكلها حيييل عجيييب انتي يا سمايل ماشاءالله شغلج حيييل راقي ومزقرت

تخلي الواحد يشتهي ياكل

يعطيج العافيه بس سؤال بسيط شنو ملح + فلفل أسود + بهاراتج

بهاراتج الي اهيا شنو ؟؟ وحده عليميه وماعندي بهارات!!!!

 

[خاشووقه]

شكلها لذيذ

يعطيج العافيه

ويبيله يوم الغدا عليج

 

[رحيق اللافندر]

واااااااو روعة يا عسل إنتي تسلم إيدج وإنشاااالله نجربها وندعيلج

 

[nice smile]

om shoyokha

هلا وغلا كلج ذوق يالغاليه

والله البهارات اخذهم من امي تسوي كل صيف وتعطيني

كمون + كزبره + .... ومادري شنو اسالها لج واقولج


خاشوووقه

ياهلا وغلا نور الموضوع .. شرايج بطبخي مو خوش طباخه .. ان شاءالله اليمعه اليايه اللي عقب تشوكلت بار تعالو اعزمكم بشقتي


رحيق االافندر

ياحلوج عطرتي الموضوع عقب زفرتي ههههههههههههههههههه
تسلمين عزتزتي ولاتنسين بدعواتج

 

[تريزاا]

تسلم ايدج

 

[ام دانه 2009]

لذيذه وتسلم ايديك

 

[nice smile]

تريزا

ام دانه

الله يسلمكم

 

[kanoosh]

ميرسي عالطبق الفنتق
تصدقين مليينا لامن العيووش زين تسوييين

وناطرييييين فناتقج الاخرى
وتسلم الايادي

 

[nice smile]

كنوووش

كلج ذوق والله يسلج غاليتي

 

[7atoto]

تسلم الايادي .. وراح اجربها اكيد