فيني حاله نفسيه اكره الكتب شلون احب اقرأ

[ساره 1992]

بنات انا مشكلتي اني ما اوطن الكتب احس ان شي يقصبني اني ادرس بالثانويه واذا اقرا تجيني لوعه وبطني يعورني وصداع وعصبيه احس اني ما اوطن الكتب ما شاء الله شلون تهيئون نفسكم انكم تحبون الكتب وانا ابدا مشريت بعمري كتاب ولا نفسي بشتري وكيف اجعل نفسي مثقفه وانا ما احب الكتب !!!!!!

 

[amami al-kuwai]

شوفي حبي ابدي اول بكتب صغيرة مثل مالت الاطفال واخذي الروايات اللي ماتتعدى ال ٢٠٠ صفحه وشوي شوي بتندمجين

 

[silent-girl]

انا كنت ماحب اقرا
بس بديت شوي شوي بالكتب الصغيره
والروايات البسيطة لين تعودت على القراءة
الله يوفقج

 

[Tom ♥ Jerry]

,


طبيعي القراءه مو نفس الدراسه !
آنتي لمآ تدرسين تبين تفهمين و تحفظين الكلآم ..
آمآ بالنسبه للـ كتب انتي تبين تقضين وقتج بقراءه شي تستفيدين منه
الدراسه اجباريه .. القراءه من آختيارج آنتي

أول شي روحي المكتبه " روحي جرير " شوفي شنو تحبين تقرين
آنتي وين ميولج ؟ روايات ؟ عربي انقلش ؟ تحبين كتب تطوير الذات ؟
تحبين الفلسفه و الآدآب ؟ تحبين كتب الطبخ ؟ تحبين كتب العمل و الآداره ؟
تحبين القاده و اعداد القاده ؟! ..

آخذيلج جم كتاب من الي تحبينهم لمآ تردين البيت
لاتقرين بوقت تبين تنآمين فيه دايخه أو يوعآنه آو مالج خلق
أو توج متهاوشه ويا آختج خصصيلج ساعه عالاقل من 24 ساعه باليوم
تقرين فيها بمكآن هآدي بعيد عن الآزعآج و اليهال و اللوية ..
مع شاي آخضر أو قهوة أو نسكآفيه ..
بعدين من تخلصين كتاب دخلي القسم و كتبي موضوع برايج بالكتاب
شوفي ارااء البنات الي قروآ نفس الكتاب
و تناقشي وياهم حلو هاذا الكتاب .. شنو الي عجبج فيه و شنو الي مآ عجبج !
جذي رآح تحبين القراءه آكثر وأكثر

 

[وهج الحب]

السلام:
اظن توم اند جيري كفت ووفت بالرد ..
لكن عندي ايضافة صغيرة اذا لا تحبين الكتب وحابه تعرفين اللي حولج وتلمين بشتى المواضيع اظنك تحبين النت بدل ما يضيعين وقتك بالمنتديات والفيس بوك والتويتر ...
ابحثي عن مواضيع تحبيت تقرينها مثل مهتمة بناحية ثقافيه ما او اجتماعية اقري عنها بالنت وصوريها بورقها وحطيها بشنطتج واذا رحتي اي مكان طلعيها واقري ...
اذا اهتميتي بناحية سياسية ما مثال سمعتي عن حرب سوريا وتسالتي من هم العلويين ابحثي عنهم بالنت وسحبي عنهم كم صفحة واقريها ...
صدقيني بتعجبك السالفة شوي شوي من النت والورقة بتقرين كتب ...
انا سويت هالطريقة لزوجي كان ما يحب شئ اسمة كتاب واحيانا يسالني اساله بالسياسة او مصطلح سياسي على اساس فرع من تخصصي بالسياسة واعرف المصطلحات ايش اسوي ...
اسحبة له من يكبيديا واحطة له بالحمام اعز الله القارئ ويجلس يقراه ...وما شاء الله عليه ما اقول انه ما يرمي الكتاب بس الاحظ من احطله كتاب وامنع عنه المجلات يقراه ...ويجلس بالصاله يكمله ..

 

[ساره 1992]

مشكورين وما قصرتوا بديت بكتاب وقريته وحلو وصفحاته قليله قصص الانبياء وحبيت القراء لاني ما احفظ و مو اجباري بل هو اختياري اني اقراء ،،،

 

[بتول البغلي]

بسم الله الرحمن الرحيم

كتب المدرسة غير للأسف شوي مملة وماتحمس
أنصحج تبدين بأشياء بسيطة مثلاً قصص المكتبة الخضراء وشوي شوي اقري أشياء تحبينها
بحفظ الله

 

[دنيا الغلا]

انا كنت نفسج ما احب الكتب
بس قريت كتاب بيكاسو ستاربكس عجيب بصراحه من وراها تغيرت

 

[ms uae]

هلا الغالية
انا كانت نفس مشكلتج بالضبط
بس بديت اقرا كتب في مواضيع احبها و تكون ممتعة
او ممكن تقدرين قصص او رويات لو تشدج
او لو تهتمين للامور النفسية و الاجتماعية الي كل الناس تقراها هالايام بتلاقين وايد كتب
وابدي بكتاب اسلوبهم ممتع و يهتمون بشكل الكتاب
مثل خالد المنيف او ياسر حارب
واسئلي صديقاتج او اهلج لو كانوا يقرون عن كتب حلوة و استعيرها من عندهم
ومثل ما قالت وحدة من الخوات خلي القراءة لها وقت معين
واحلى شي وقت الانتظار تسليج وايد

 

[الؤلؤة السوداء]

حبيبتي شي طبيعي بتكرهين كتب الدراسة ما أظن في أحد يحبها لووول

لأن كتب الدراسة تدرسينها غصب عنج عشان جذي تحسين بالتزام وإنها ثقيلة لأنها مو من اختيارج

ثانياً تبين تبتدين تقرين شوفي ميولج شنو

يعني مثلاً هل تحبين القصص وإذا تحبين القصص شنو اللي تميلين له أكثر الرومانسي أو الكوميدي أو الاجتماع الخ

إذا تحبين تشوفين أفلام اقري الروايات اللي حولوها لأفلام يمكن تجذبج

ولما تتعودين على قراءة الروايات توسعي شوي يعني ابدي تقرين كتب عن الصحة والتغذية مثلاً

كتب تطوير الذات، كتب السير الذاتية الخ

وممكن تقرين بالانجليزي ترا ممتع واااايد ويقوي اللغة وخياراته أوسع

وبس هذا اللي عندي
​