فيني طلق وانا بالساااادس

[قمورة الكويت]

حبايبي

انا بجريه وهاذا اول حمل الله يتممه على خير يارب وافرح فيه..

من زماان وانا احس بمغص وعوار ظهر يجي ويروح ولما يزيد كنت اروح المستشفى وكانو يعطوني مغذي مسكن الم مع ابر وخلاص مع السلامه ارد البيت وبعد اسبوع تكرر نفس الشغله واروح مغذي وارد البيت وهاذي حالتي

ليما مره امي راحت معاي وقالت هاذي موحاله كل مره مغص سوولها تخطيط ولما سويت قالو الكلمه اللي اصدمتني( طلق)
شكووو وانا بالسادس المهم قالو هاذا من الله ماكو شي يوقف الطلق وقلت لازم اغير دكتورتي ومدحولي الدكتوره ماجده اليتامى ورحت لها وعطتني ابر للرئه وابر للتقلصات .. بس ماكووووو فااايده للحين احس بعوار تعبت منه والله اني على السرير فبيت اهلي مريحه بس ظهري عوار مو طبيعي مرات ما اقدر انام منه.. مليت برد لزوجي ولحالتي الطبيعيه وودي اجهز اغراض البيبي واغراضي بس ما اقدر
اذا وحده مرت بنفس حالتي تقولي شسوت وشنو وقف لها الالم؟؟؟
نااطره ردودكم اللي تبرد الجبد..

 

[معلمة الاجيال]

الله يتمم عليج جماح متشوقين ضناااااجج ٠٠٠٠حبيبتي أنا حماتي حاااشهاااا طلق بالسابع بس راحت الصباح لانها حملت أطفال أنابيب وعطوهااااا ابر توقف الطلق لان لازم يعطون الجنين اكبر فرصة عشان يتكون أبطنا آممه

 

[معلمة الاجيال]

حماالج * وتشوفين ضنااج*

 

[ترف بابا]

صح في طلق بالسادس والياهل يقعد بالحضانه لما يتم الوزن المناسب

هذا اللي اعرفه

 

[قمورة الكويت]

معلمة اجيال ..
جم ابره عطوها ؟؟؟ ووقفت الطلق

انا عطتني ابرتين بس للحين ما شفت تحسن ..
وبليز بنات اللي والده عند د.ماجده اليتامى تقول تجربتها ورايها فيها

 

[معلمة الاجيال]

أهي حماتي نوموهاا الصباح عندهم ومنعوها من الحركة كله منسدحة بس ،،،، وكل ما حست بطلق عطرها إبرة وشوي تصير احسن ،،،، يعني خلاصة الحجي حبيبتي خلج منسدحة علطول وتجنبي الاكل الي يساعد علا الولادة وبصراحة مفروض المستتشفا ينومونج عندهم عشان الرعاية احسن هناك ؛) لا تنسين اهم شي مصلحة الام والبيبييي ...اذا استمر معاج العوار شيلي قشج وروحي الطبيب

 

[معلمة الاجيال]

انتي لا تسكتين علا نفسج .. لان مو مساله انج عادي بتقعدين بالبيت وتتحملين العواااار ..للآ مسأله ان العوار لازم يختفي أساسا لو كان هذا فعلا عوار الطلق

 

[$حبيبة عبودي$]

حياتي الله يجيبه بوقته كامل وصحته زينه
وتردين لزوجج انا من رايي تريحين عند زوجج
تحطيلج سرير بصالتج ولاغرفة قعدتكم وزوجج ينام عندج احسن وتغيرين جو بس لاتسوين شي
بس خليج منسدحه

 

[قمورة الكويت]

مشكووره حياتي معلمة اجيال الله يجزاج خير انشالله على الرد ..
ومشكوره اختي ترف ع الرد ..

واللي يعرف شي لايبخل علينا فديتكم

 

[قمورة الكويت]

ياارب خاااايفه والله اني ما انام عدل من الخوف وكله كوابيس

الله يثبته انشالله يارب ويتمم لي على خير يااارب

 

[ورود خذلتها العاصفه]

الله يقومج بالسلامه ياختي

انا مااابي اخرعج بس ضر وري تروحين للمستشفي حكومي ودورين دكاتره زينه تشوووف حالتج


لان اختي صارلها نفسج


واختي صبور من النوع اللي تتحمل لين مارحات ولقت الرحم فاااتح عااد وادهاا بعمليه ولكن للاسف اختي ماعطوها ابرة الرئه نفسج وانضررت حيييل


والولد صار معاااق بسبة اهمالهم من انهم تجاهلوا الابره وحاشه نقص اكسجين فنصيحتي خلي احد فاااهم ويدش مععاج عند الدكاااتره وووالله يقومج بالسلامه وتشوفين ضنااااج

 

[معلمة الاجيال]

حبيبتي قمورة الخوف بيلعب بنفسيتج وهذا كافي اصلا .. روحي الطبيب ولا تعتمدين علا كلام دكتورتج .... ودامج تتالمين روحي وانشالله ماكو الا العافية

 

[قمورة الكويت]

اختي ورود اختج ولدت باي شهر ؟؟ يعني الشهر السادس اذا نزل الله لايقوله البيبي يموت ولا يعيش؟؟ يعني في بيبي عمره جذي يعيش

والله قطيعه الخاص ذبحوني ما يعرفون غير مسكن ويرد العوار ..

وانا خوااافه حيل اخاف من الحكومي مادري شسوي؟؟
الله يستر ويتمم علي ياااااارب العالمين

 

[$حبيبة عبودي$]

قموره اي يعيش ان شاء الله ليش خايفه
ولد اختي بالسادس
بس روحي حكومي لاتهاونين

 

[elpinkya]

انا جذي صار معاي خذيت ابر من مستشفي الصباح
ابرتين كل اسبوع عشان تمنع التقلصات
و الحمدالله الحين انا خلصت التاسع و للحين ما ولدت 

 

[معلمة الاجيال]

صحيح مستشفيات الحكومة طاييحة من عيننا بس ترا بوقت الأزمات يبذلون جهدهم اكثر من الخاص يحاولون كثر مايقدرون ان يمنعون الولادة المبكره خصوصا ان الجنين بالشهر السادس يكون مو ناضج

 

[ورود خذلتها العاصفه]

اختي جابته ممومكمله الست شهوور وتخيلي للحين عاااايش ومره الحين ثلاث سنوووات هي مشكاتها راحت لدكتوره بالخاص وقالتلهاا مافيج شي وكاااانت بطن اختي نازله صااارت تخرع


واللي صاار بالبيبي كله ضرر لانها مالحقت علا روحها واخذت ابررر



عشان جذي اقوولج روحي الحكوومه وخلي احد فااهم يروح معاااج

وحتا لو قالولج لازم نرقدرج عععدي نامي عندهم اهم شي تكونين تحت الملاحظه وعفيه طمنيني عنج ولو بالخااااص


وماتشوفين الا عالعافيه ياااارب

 

[ورود خذلتها العاصفه]

اي واختي تعقدت من الخااااص الحييين تقووول لو احمل ماراجع الا بحكوووومه

 

[قمورة الكويت]

مشكووره حبيبتي ورود ماقصرتي وانشالله الله يكتب اللي فيه الخير ..
وعساني ما انحرم من هالمنتدى صج الواحد لما تصير له مشكله مايفكر عدل كل شي يقفل معاه *

 

[La t7atini]

الله يثبته لج ويتم عليه بالصحة والعافية

روحي الطبيييب