فيني طلق وانا بالساااادس

[جديده 1]

روحي الحكومه مثل ما قالت الاخت حتى تتنومين عندهم و يراقبون وضعج عن طريق الاجهزه اول بأول وانتي ريحي نفسج بدنياً و نفسياً وان شاء الله مافيج الا العافيه يارب

 

[om MaRyooM]

نصيحة حبوبة

روحي استشيري احد من دكاترة الصباح وقوليله شنو عطوج بالظبط واهما بيقررون اذا يقدرون يوقفونه ولا احتمال فعلا تولدين

وبالنسبة للتجهيز لاتحاتينه ألزم ماعليج صحتج ..
كتبيهم بورقة وخلي احد من الاهل يشتريهم لج

 

[الهبه88]

:yaaaaaarb:الله يثبته لج ويتم عليه بالصحه العافية روحي الطبيب

 

[حرمه المصون]

الله يثبته لج وتولدين بالتاسع روحي حكومي احسن

 

[فاقده ابوهاااا]

غريبه بالسادس وطلق الله يقومج بالسلامه وتولدين ان شاء الله بالتاسع وبصحه وعافيه

 

[engnera]

انا ريحت لين التاسع وولدت

 

[الشموخ~~]

اول شي ما تشوفين شر ثاني شي انا بحمالاتي الثلاث حاشني طلق واحد باول السابع وواحد باخر السابع وواحد بنص الثامن ورحت بهواني اللي بالهادي فحصتني عطتني ابر وحبوب توقف الطلق لازم هالحبوب تاكلينهم لانهم يرخون التقلصات اللي تكون ويا الحمال اذا ولدتي بالسابع مو مشكلة انا ولدت بالسابع ببنتي الحمد للة تمت بالشيشة وخذت ابرة رئه قبل اولدها وكاهي اسمالله عليها عمرها ثمان سنوات وولدي الكبير عطوني ابر وحبوب للتقلصات والحمد للة من دشيت التاسع ولدت وما فيني ولا فية شي وهم ولدي الصغير لا تشيلين هم يا قلبي اهم شي ارتاحي وخلي ولا تحاتين ابر وحبوب اخذيهم وربي حافظج انشالله

 

[قمورة الكويت]

مشكوووورين خوااتي ماتقصرون ...
والله يسهل ويسر ولادتكم كلكم اامين

 

[مواصله]

انا بحمالي ثلاثتهم من ادخل السادس او السابع يجيني عوار مثل الدوره والرحم ينفتح 2-3سم

اتنيم بالمستشفي الحكومي ويركبونلي بالمغذي ابر تثبيت ويعطوني ابرة الرئه

ويطلعوني بعد اسبوع من الملاحضات

والحمدلله مااولد الا مكمله شهري

الله يتمم عليج وعلينا

 

[yasmeen_q8]

الله يتمم فرحتج وتشوفين ولدج بحضنج توكلي على الله وادعي واايد وان شاء الله ماكو الا العافيه

 

[قمورة الكويت]

اختي (( مواصله ))

كانوا يفحصونج سونار داخلي ولا شنو ؟؟؟
شلون عرفو انج مفتوحه ٣ سم؟؟؟؟؟؟؟
انا اللي اعرفه السونار الداخلي يوسع عنق الرحم موزين مادري

عفيه قولي شسويتي

 

[beauty rose]

ربي يثبت حملج لي التاسع و يتممه عليج ياااارب

ديري بالج على نفسج و مثل ماقالوا البنات يبيلج عنايه خاصه و سدحه
دكتوره ماجده شاطره بس ماراح تنومج لانها عياده
روحي الصباح شوفي شقولون لج
بس اهم شي قوليلهم شخذيتي ابر و ادويه
عشان ما يغزونج شي مرتين لا سمح الله

ربي يساعدج و يخليلج جنينج يااارب