فيينا،زلمسي،باريس

[toosh]

حبايبي ممكن تقولولي شنو احسن الاماكن للتسوق والمطاعم والاماكن الغريبة العجيبة في فيينا وزلمسي وباريس يعني اماكن طحتوا عليها عجيبة مو اللي الكل يدري عنها !!!

فهمتوا قصدي_03BA:​

​

 

[همسQ8]

Toosh

في موقعا اسمه ( منتدى العرب المسافرون) كل شئ فيه يجنن وياليت يفيدج


http://travel.maktoob.com/vb/

 

[toosh]

مشكورة وااايد على اللينك وتسلمين عالمرور​

 

[اميرة الغيد]

عزيزتي toosh
الصيف اللي فات رحت حق هالاماكن بالنسبة لفيينا ممله جدا وبايخة وماعليها زود درجة الحرارة الصيف اللي فات 31-33 بس ماكو هوى ما ادري اشلون ، اشهر الاماكن اللي فيها ماريانبلاتز وهو سوق كبير كله سياح وزحمة ، اغلب محلاتهم عندنا بالكويت بس محل اسمه khaukof فيه الماركات المعروفه بسعر يقارب للكويت، وساحة شتيفنتزبلاتز فيها اكبر كنيسة باوروبا وكلها سياح وزحمة كافيهات غالية وبالزور تلقين لج طاولة تقعدين فيها، ومحلات عادية ، بس احلى شي بفيينا الحديقة اللي يم الشيراتون .

 

[اميرة الغيد]

عزيزتي اروح اصلي واكمل لج زلمسي جنة اوروبا الروعه

 

[اميرة الغيد]

بالنسبة لزلمسي روعه ماشاء الله ، طبيعه وجبال وشلالات ، بس مافيها سوق يسوى ، المطاعم غالية شوي ،اهم شي الجو حلو وشوية مطر بالصيف، اشهر مكان فيها بحيرة زلمسي اهيا بحيرة كبيرة حوالينها جبال وخضرة وزرع ، البحيرة هذي عمقها من 300 الى 500 متر فيها قوارب تأجير واكثر الخليجيين يروحون هناك ، زلمسي التنقل فيها اكثر شي بالباص يعني كل باص يروح مكان ومحطة الباص قريبة من البحيرة وفي قطار بعد ،مو مثل فيينا لان فيينا التنقل فيها اكثر شي بالمترو(اندر جراوند)
الحلو بزلمسي ان فيها اماكن كثيرة تقدرين تروحين كل يوم لمكان مثل ماقلت لج كل باص يوديج مكان ، يعني احلى مكان منطقة الشلالات ( كريمل) فيها اكبر شلال باوروبا ،وبعد منطقة كابرون هالمنطقة فيها ثلج بعز الصيف جبال على ارتفاع اكثر من 3000 قدم عن الارض تنزلين من الجبل تلبسين صيفي وفوق الجبل شتوي،في بعد منطقة المحمية الطبيعية روعة حيوانات مهدودة بالطبيعه وشلالات مطر خفيف سبحان الله .

 

[اميرة الغيد]

الحين صار دور باريس
باريس مافيها طبيعه واسواقها غالية حيل ،يعني اكثر شغلهم ماركات،الماركات المعروفه عندنا اول ماتنزل هناك بس اذا نزلت بالكويت تكون ارخص لان باريس غاليه بكل شي تقريبا،اماكنها المعروفه متحف اللوفر كبير حيل فيه الموناليزا،برج ايفل ،قصر فرساي،رحلة بالقارب بنهر السين،باريس جوها يجنن روعه احلى مافيها الجو ، اشهرمافيها الشانزليزيه تشوفين الناس يمشون فيه ونادر اللي معاه كيس وشاري شي، اغلب مطاعن الشانزليزيه غالية جدا ويمنعونج تقعدين الا اذا بتطلبين عشا او غدا ، بس حق قهوه اوعصير ممنوع تقعدين بالكراسي ملوت المطعم يقولون لج روحي حق كافيه .
يورو دزني حلوة وكبيرة حييييييل تعتبر باطراف باريس آخر محطة بالمترو ماتقدرين تخلصينها بيوم واحد .

 

[اميرة الغيد]

عزيزتي اتمنى اكون فدتج واعذروني على القرقه ، اهم شي اذا بتروحين اي مكان باوروبا تحطين في بالج ان الاكل غالي والماي غالي حيل خصوصا بالنمسا وباريس تصوري بطل الماي الصغير تقريبا بدينار و750 ، احنا طلبنا 2 كبتشينو وماي ب 15 دينار في باريس .

 

[toosh]

تسلمييييييييييين يالغالية وماتقصرين جد جد معلوماتج واايد فادتني :ggdw:

تدرين توة رفيجتي ياية من ايطاليا تقول والله الغلاء واصل لي هناك شي خيالي الله يسهلها ويبارك بفلوسنا اللهم آآمييين ​

 

[فرنسا]

اوروبا من اتحدت ودخل اليورو صارت غالية واللة كل سنة تفرق عن اللي قبلها
بالنسبة لاستفساراتج ببدي بباريس لانها حبيبتي :اولا باريس غالية والماركات غالية ولكن مو اغلى من الكويت ابدا انا كل شي اشترية لازم لمن ارجع اجيك عالاسعار واقارن ولاتنسين التاكس يفرق ولكن السعر انزل من الكويت بشي بسيط والي يشتري كمية تفرق معاة لكن اللي يشتري قطعة او ثنتين ماراح يحس بالفرق وبالنسبة للمطاعم في مطعم مشهور جدا الي ماكلة فية جنة مالراح باريس اهو مطعم ايطالي بالشانز اسمة بيتزا بينو زحمممممة بس يسوى والاكل هناك كلة حلو والقهاوي بالشانز عادي تطلبين ماي وتقعدين ان شاء اللة 6ساعات محد بقولج شي كلش لكن المطعم طبيعي بكلمونج لانة لازم تطلبين اكل مثل ما قالت الماي غاااالي شي خيال حتى اقول لهم ايفيان عندنا ارخص منكم وهذا بديرتكم وبالنسبة لدزني وايد حلوة اذا معاج يهال واللوفر لازم تروحين لة وتشوفين الموناليزا الصراحة الصور والكتابة غير والحقيقة غير واخذي رحلة نهرية عشى او بس تمشى وبعدفي مدينة العلوم حق اليهال وايد حلوة وبرج ايفل وكنيسة نوتردام واهيا الحين متحف و وايد اشياء والجو متقلب سنة حلو ولا برد ولاحر انتي وحظج اي نسيت انتي تسالين عن السوق باريس كلها سوه بس الاشهر لافاييت و اوبغانتوة

زلمسي حلوة وطبيعة وحدها 3 ايام وتقدرين تاخذين رحلة عالبحيرة وتطلبين من الفندق ينسق لج رحلة بالجبل حق الثلج وايد حلوة والسوق مافية زود
وفينا احبها لان لمن اتمشى اشوف اثار مو طبيعية مختلفة عن دول اوروبا اثارها واذا سكنتي بالهيلتون تنزلين ويمج السوق الرئيسي وفية محلات واغلب البضاعة المانية حتى الكوف هوف الماني وعبارة عن طوابق ملابس بس حدة عادي وما اذكر مطاعمها لان من فترة رايحة بس مرة وحدة لها موتوني