في أحد ضقط علنفسه..؟..إشلوووون؟

[قلوووب]

:gathering:يااااا حيلااالله كويتياااات
الله يسل:gathering:مكم بدش بالموضوع سيده..
الحين اللي عنده ديون وآآآآآآآآآه من الدين صج عمااات عين الدين اهو السلف نفسه المهم نبي نفتك منه من الطلابه
ريلي قالي لااااازم نظقط علنفسنه..يعنيحبنه معاشنه بالكامل
وشلنه منه كل التزاماتنه من غروض واجار ..وبالتالي شال منه
الديون..يعني
فلان يبي..كذا
فلااان يبي..كذا
فلاان يبي كذ..:tomato2:
بنفلع ادري طولت الساااالفه..الزبده ..يااامحفوظيييين السلااامه بعدهااا
الفايض احنه بصراحه انعصرنه عصااار..
فبعد ما حسبنه اذا بنسكر الدين
طلع..310د.ك:krkrkr:
فقال انه من هالمبلق لازم نضقطططططططط علنفسنه وما انفسفس علخرابيط
علموني وخنخلي الكل يستفيد
اشلون انقسم هالمبالق الصغيره لي آخر الشهر
يعني اشكثر تخلون حق المطاعم بالشهر..
جم مره تروحون تلعبون اليهال
الأماكن اللي تساعد علتوفي قدر كبير من المبلغ..
الخ,..المجاااال مفتووووح ومنكم نستفييييد:ggdw:
كلناااا يد واااحده ضد الديووووون:eh_s(14):
:68_asmilies-com:

 

[~ام خالد~]

حبيبتي الله يعينكم ويفرج عليكم ويسهل اموركم
شوفي بالكويت كل شي تحصلين الغالي والرخيص
اذا تبين سوالف التسوق والهدوم وجذي
بس اول شي حطي مبلغ حق الضروريات مثل ماجلة البيت

المطاعم .. استبدلوها بشي ثاني
الحين الجو حلو يا حلو قعدة البحر اخذو لكم عشا وروحو قعدو
ومنه اليهال يغيرون جو وينطلقون ويلعبون بالالعاب
عندج شاطيء انجفه-شاطيء شويخ-سيتي سنتر حاطين بره دوارف والعاب
الحدايق تارسه الكويت شحلاتها والله ولا احد يدري عنهم اخذي عيالج وعشاج وروحي شوفي الوناسه

بعدين حطي في بالج لازم تخلين مبلغ حق الطواريء سبحان الله سياره تخترب
البيت يحتاج شي تصليح .. خو هالسوالف تتسلط حزة اللي نفلس

ان شاء الله اكون افدتج

 

[اخت فروحه]

اختي العزيزة الله يفرج عليكم ويسد الدين عنكم


بس حبيبتي اهم شي سد الدين يعني مولازم مطاعم والعاب اجلوها هالشهر ماراح يصير فيكم شي
يعني موحلوة بحقكم اللي يطالبكم يشوفكم بمطعم ولا العاب ويقول طاع هذيله ماخذين فلوسي ويلعبون وياكلون اهم شي سددي اللي عليج وموشرط كلهم بنفس الشهر . هالشهر سددوا لفلان وفلان واللي بعده للباجين

ارجو ان تتقبلي نصيحتي بصدر رحب والله يوسع عليكم

 

[أحلى الجياكر]

ما وضحتى اختى لى جم شهر راح تصير خطة الضغط هذى ؟؟ على ما تسددون ديونكم ...
جم ياهل عندج ؟؟
وضحى اكثر عشان اساعدج

 

[همسة ورد]

شوفي حبيبتي 120 ماجله بيت ..
50 مصاريف مدرسه + بانزين
40مطاعم .. لو بالاسبووع مره تطلبون بعشره او كل اسبوعين تتعشون ب20 د.ك
50 احتياطي
50 ملابس

...... مادري عندج خدامه شلتي معاشها ولا ظمن 310 ؟؟

 

[Dloool_q8]

اانا ريلي من النوع اللي يفسفس شوي فاذا صار تقريبا نص الشهر اذا سحب 10 مثلا وصب بانزين اخذ منه الباجي عشان اصب بسيارتي عشان اانا ما اسحب وعقب ندور الفلس واذا عالمطاعم قمنا نقلل يعني مرتين 4مرات بالشهر واهو مرات يطلب اذا كنت اانا بره بس يعني مو على طول لان المطاعم اهي اللي تفلس

بعد شنو ؟؟؟؟

اي شي تبينه اانا حاضره لي رجعه للموضوع

 

[ديرتي الغاليه]

الحدايق الله مكثره بدون فلوس اللي بمركز سلطان .حديقة الاندلس ......البر ........بحر الشويخ .....مو لازم مطاعم سوي بالبيت وفري علي الماجله حاولي تثلجين خضار .......وتخثرين الروب بدال التشترين روب خثري يكفي لج القوطي اسبوع . كل طبخه مثلا غذاء او عشاء اشتري مقاديرها بنفس اليوم علشان ما تخربطين الفلوس بالجمعيه وانتي ما تدرين شنو راح تطبخين ..............حطي حق البانزين والطوارىء لاي شيء .

 

[موزة ام فارس]

ممممم اخاف اقول لج تضحكين على طريقتي

ماني باخله عليج بعلمج على سر من اسراري

شيلي شي اسمه مطاعم من قاموسج وفاست فود وخاصة وجبات الأطفال لأنهم بالذات مقصة

بعدين خلي المصروف فقط للأولويات لو تنحكرون بالبيت

وبطريقة غير مباشرة علمي اليهال على التوفير

وصدقيني تقدرين توفرين خلال 3 شهور المبلغ اللي تبينه وراح يكون محترم

ولا تخافين من كلمة 3 شهور ترا والله تمر بسرعة بس وانتي ماتحسين

بس خلج قوية اشوي وتحملي وراح تتعايشين انتي وزوجج مع الوضع ويصير عادي


والله يوفقكم

 

[@شمس الضحى@]

الله يفرج همكم ويسدد ديونكم

 

[love love]

ممممم اخاف اقول لج تضحكين على طريقتي

ماني باخله عليج بعلمج على سر من اسراري

شيلي شي اسمه مطاعم من قاموسج وفاست فود وخاصة وجبات الأطفال لأنهم بالذات مقصة

بعدين خلي المصروف فقط للأولويات لو تنحكرون بالبيت

وبطريقة غير مباشرة علمي اليهال على التوفير

وصدقيني تقدرين توفرين خلال 3 شهور المبلغ اللي تبينه وراح يكون محترم

ولا تخافين من كلمة 3 شهور ترا والله تمر بسرعة بس وانتي ماتحسين

بس خلج قوية اشوي وتحملي وراح تتعايشين انتي وزوجج مع الوضع ويصير عادي


والله يوفقكم

عدل كلامها

اكل مطاااعم الي كل يومين مطعم مطعم>>>>>>>>>>>>>سويها مره مطعم بالاسبوع وساعات حاولي تكشتييين بهاليوم
ترى الطلعات ااهي الي لازم تصرفين لو اقل شي 10 دنانير
مشترى الي مالها داعي>>>>>>> وقفيها اشتري اشياء الي تبييها بس
والحين الجو حلو روحو على البحر حدايق اي مكان مفتوووح لو مركز العلمي من ورى صوب البحر روحو البحر وفرشو واخذي اكلج من البيت وروحو استانسو


مممممممممممم خل افكرلج بعد
او اذا بتلعبون اليهال حاولي تخلينها مره بالشهر روحت للالعاب
لعبووهم ولما تردون سويلهم عشا بالبيت او وكليهم قبل الطلعه


سوي جو بالبيت قعدو لعبو مع اليهال لايحسون انحرمو من اشياء
باجر تصكرين قرضكم ومديونياتكم وبتستانسووووون وترتاحون وتسوون الي تبونه بحياتكم

والله يوفقكم

 

[قلوووب]

مشكووووورين ماااااقصرتو حبيبااااتي...الله يجااازيكم كل خير
أم خالد وخت فروحه والكل ..والله صاجين المطاعم بلوه وأفكاركم بصراحة ما خطرت ابالي بس انشالله راح اسويها
بس همن لا ننسى في شغله همن تتصلت وقت اللي الواحد يبي يوفر
الا وهي
اتحسين يوم اللي توه ها ها بتوفرين جم فلس كل الحوامل اولدو واللي امسويه استقبال زواجها..وااااي حلو انه الواحد يوجب ولا يقطع هالعاده
بس اتشق شق هالهدايا
من عنده لها حل
وعنكم بعد غيره مكالمات التليفون ولو انها شبه ابسط من السالفه اللي قبلها
والله يستر من اللي ماخطر عالباااال ياااويلتيييييي ويلتاااااااه
وبالنسبه لسؤالج احلا الجياكر
س1...ج..خطة الضقط شهرين ثلاثه انشالله مو اكثر طبعا هذا بالنسبه للديون بس القروض ريض تو الناس
س2..ج..انا عندي بنت ام 4 سنوات ووليد بو سنه ونص لله الحمد
معاشنه ماشاء الله راهي الحمد لله بس لو مو السوالف القروض وغيره تاكله اكال
عندنه غرض 25الف يعني طلعنه طلعه بنسكر كل القساط اللي علينه من سيارتين وغيره وغيره وغيره جان ناخذ هالغرض وحطين علنفسنه بلوه كل شهر ندفه قسط القرض 280 تقريبا وغيره حق عمي مستقطعين 50 د.ك وغيره ما اذكر مال شنو سوالف الريل قاعد ينسحب 100 د.ك مال بنك شي جذي
والديوون صوب
زانا ما اشتغل ربة بيت
بعد شنووو بتعرفين حجية
ناطره منكم الرد عسولااات

 

[ملح بدويه]

استغفر الله الفلوس مافيها ابركه

 

[موزة ام فارس]

مشكووووورين ماااااقصرتو
اتحسين يوم اللي توه ها ها بتوفرين جم فلس كل الحوامل اولدو واللي امسويه استقبال زواجها..وااااي حلو انه الواحد يوجب ولا يقطع هالعاده
بس اتشق شق هالهدايا
من عنده لها حل
وعنكم بعد غيره مكالمات التليفون ولو انها شبه ابسط من السالفه اللي قبلها
والله يستر من اللي ماخطر عالباااال ياااويلتيييييي ويلتاااااااه

انا وياج والله
وسبحان الله المواجب تتكود دفعة وحدة
والا فوقة فوقة مايمديج تخلصين من موجب طلع لج موجب ثاني

تبين الصج اختي
مشكلتنا ومشكلة مجتمعنا للأسف ننظر للهدية بسعرها
انا كانت الهدية غالية معناته قدروني وانا كانت رخيصة معناتها ماقدروني
مع اني والله اشوف اشياء رخيصة تشوق بس نستحي نشتريها خوفا من نظرةالناس لسعرها

من ناحيتي ولله الحمد
خففت المواجب اللي مالها دااااااعي
خاصة اعياد الميلاد وخرابيط الدوام من قطات اللي تبط الجبد
هذي يابت ولد والا هذي تزوجت والا هذي عيد ميلادها الاسبوع الياي
والا هذي عندها استقبال حطوا حطة لها
وياليت مبلغ صغير .. عشتوا مايعجبهم الا هالنوط شكوو وين قاعدين احنا :tomato2:

الناس تكلمت عني وايد ليش اني ما أبين بالمناسبات
بس كان عذري لهم دراسة .. شغل .. تعبانة .. مشغولة .. ما أقدر ..الخ
وهو صحيح هالأعذار تكون موجودة حتى لو اقدر اوجب
بس مالي خلق افسفس وقتي وسعادتي على حساب المجاملات اللي ماتخلص
واخرتها اخر الشهر ماعندي شي

اعرف ناس قامت توجب بس للزواج والولادة الأولى
اما الولادة بالثاني والثالث يروحون لها بدون هدية
هالطريقة محد سواها الا قلة وانا اشوفها فكرة حلوة وايد
بس مادري ليش تعودنا على الهدايا

يوم سويت حفلة نجاحي من فترة ..
حلفت كل وحدة عازمتها .. ان يابت هدية معاها والله اني بزعل عليها وبقاطعها
وكنت جادة بكلامي وقتها صج معاهم .. بس ابي استانس بوجودهم مو بوجود الهدية
وياحلاااااتها من حفلة حتى جم وحدة من الحريم حسيت فيهم مرتاحين
ولا شالوا هم هدية وطلابتها

الحمدلله كل وحدة تقدر تشتري اللي تبي وعلى ذوقها وبالسعر اللي تبيه اهي ..
وكل وحدة فينا ماعليها قاصر كل شي عندها .. الا هدية !! والا اشرايكم ؟!!!

هالأمور هذي اللي ذكرتها خواتي احنا نجهلها أونستحي نبادر فيها
خوفا من العياب مثلا واتهامنا بالبخل !!!!
مع ان ثلاث ارباع الناس كلهم مديونين واقساط وموملحقين على المصاريف ,, طيب العياب لييييش ؟
هل .. لازم أبخل على نفسي وبيتي علشان هدايا ماتخلص حق فلانة وعلان ؟!!!


اختي هذا مجتمعنا
واللي بيعيب على كلامي خل يعيب
واللي بيقول عني بخيلة قاطعة الناس خل يقول
بس هذا الصج وهذا واقعنا اللي عايشنة
أنا ريحت نفسي من هالأمور ووااايد ارتحت
أواصل الناس بحدود

 

[ام فجور 2008]

http://http://q8yat.net/showthread.php?t=260758

انشاءلله تستفيدين

 

[ام فجور 2008]

عندنه غرض 25الف يعني طلعنه طلعه بنسكر كل القساط اللي علينه من سيارتين وغيره وغيره وغيره جان ناخذ هالغرض وحطين علنفسنه بلوه كل شهر ندفه قسط القرض 280 تقريبا وغيره حق عمي مستقطعين 50 د.ك وغيره ما اذكر مال شنو سوالف الريل قاعد ينسحب 100 د.ك مال بنك شي جذي

زوجي كان دايم يقول خل ناخذ قرض ونسكر الي علينا

 

[ام فجور 2008]

الحمدلله كل وحدة تقدر تشتري اللي تبي وعلى ذوقها وبالسعر اللي تبيه اهي ..
وكل وحدة فينا ماعليها قاصر كل شي عندها .. الا هدية !! والا اشرايكم ؟!!!

والله صاجة بس الناس الحين لو تزورينها من غير هدية تنقد عليج

 

[قلوووب]

عاااااااااااشت موووووزه وعااااااااااااشت موووووزه
صج صج برتي قلبي احس جنج كبيتي دوووووولكة مااااي بااااارد علقلبي...أووووووف
والله صج هذا الواقع بس خلاااااص راااح اصي موووو خوش وحده على لسانهم بس جم شهر خخخخخخخ
بعدين اصييييير اوووووووكييييي

 

[حساسه]

موزه كلامك عين العقل

اللي راتبه زين واللي رتبه يالله يعيشه تعبانين مع الديون وغيره

الله يعيننا على هذي الحياه

 

[د-سوسه]

حبوبتي الله يعينج صج سالفه الفلوس اتضيق الخلق بس الحمدلله ان هذي مشكلتج اكوناس مشاكلهم اكبر بوايد من جذي ...

المثل يقول صبرك علي نفسك ولا صبر الناس عليك صبري وتحملي اشوه عيالج صغار يعني موذيك المصاريف بالطلعه لوتودينهم حديقه يم البيت بيلعبون ويستانسون لوكبار مثل بناتي لا لازم اتقطين علي وناستهم لان موكل شي يقنعهم فوق مصاريفج تقعد تاذيج عيد ميلاد رفيجتي بودي هديه وابي بدله وبسوي شعري يعني انسه صغيره عندج بالبيت
الحين نظمي حياتج قللي طلعات ومطاعم عشان ماتصرفين تواصلي مع بنات ببيوتهم وببيتج يعني لو تقولين حق رفيجتج زوريني بالبيت اتسوين لج طبق بالبيت وجاي وخرابيط ماتكلفج شي وتسولفين لج جم سالفه معاها بدال التلفون ..والحين هابين عزايم البيوت كل وحده اتييب معاها طبق يعني راعيه البيت ماعليها الا الجاي والقهوه هذي عشان وناستج ...
بالنسبه للماجله حاولي اتحطين قائمه عشا وغدا للاسبوع كله وروحي اشتري الاغراض لان ياما شرينا اغراض علي ابو نبيها وانتهت صلاحيتها بالفريزر..اشتري بالوقت المناسب يعني مثلا اذا في عطله او ويك اند يصادف انكم طالعين لاتشترين يعني عندج اختي كودت اغراض الجمعيه قبل عطله العيد وتمو طول العيد طالعين والخضره والفاكهه ذبلت بالثلاجه وردو شرو غيرهم!!
المناسبات الزايده لاتشاركين فيها يعني حلو اتجاملين الناس القراب وبعدين يعني وفري للمناسبات انا اشتري هديه الحامل بالتدريج عشان ماتوهق لان مشالله يولدون مع بعض يعني اهي علي ماتولد يبيلها تسع شهور انا اشتر ي بدله بيبي اذا سعرها حلو بشهر وعقبه مثلا اذا شفت مجموعه عطر او قميص نوم حلو ويعني اكمل الهديه اشوي اشوي واحطها بعلبه حلوه واوديها...
في طريقه حلوه انا اوفر فيها اخش دينار كل يوم ولما اسوي ريجيم بدال ماشتري وجبه اقط الدينارين بالحصاله عقب شهرين اوثلاث اشهور ابطل الحصاله فيها 60او90 دينار حلوين حق السوق اروح اشتري انتي طبقي هلفكره علي شي ثاني عشان ريلج يشوف قيمه توفيرج.
بس ديري بالج موتسوين الخطه الاقتصاديه عليج وعلي عيالج وريلج يستانس بالفلوس ومايدش ضمن الخطه :")

 

[قلوووب]

هلاااااااا والللللللللللله بال د .سوسه
مشكوره ياسكره على الطرح عااااد سااااالفت اختج وااااايد اتصير معااااي..بس صج حراااام قاعد انقط هالكثر اكل مخترب حتن ما نقدر نعطي حق احد بره ..اقصد اللي يخمون بالشوااارع والله هذا اللي يايب لنه الفقر
وراااح احاااول اطبق كلااامج ولو انه دوااام ريلي يوم بيومين صعب شوي انسق
عجبتني سالفت الحصالة ام دينار مالت كل يوووم..اممممم يبيله
ههههههههه وعلى ريلي ..بقه يسويهاااا لكن مااااعليييييج اناااا قلوووووب سبعه ...مع انه كسر خاطري قاعد يحن بعد مااا قالي محاضره بالإدخار..عقبه قاااعد ويقط نقزااات عالحج..يقول حتن لو رصيف..بس الدين اوله...اففففف وانا بالتالي اطلع العوبه
عموووووما لله الحمد بقالنه بس شخصين واتحرررررر
والفال لكم ياااارب