رد : في إحياء ذكرى وفاة أمير القلوب (تم دمج المواضيع المتشابهة)
الله يعيـن العقـل ويثبـت الديـن
فى حزن لا منسى ولا هـو بعابـر
بصدورنا كنه طعـون السكاكيـن
ولعيوننا مثـل الكفـن والمقابـر
حنـا حزنـا للشيـوخ البعيديـن
وشلون ما نحزن على الشيخ جابر؟
يااكبر غلا تدمع علشانـه العيـن
يا اعز من ناحت عليـه المنابـر
يا متعب بعطفك شموخ السلاطيـن
ويا مثبت بسهدك سمـو المخابـر
يامن خلقه الله وطـن للمساكيـن
يا اصدق قصيدن سيلته المحابـر
رحت وتركت محبتك عندنـا ديـن
علمتنـا معنـى فـراق الاكـابـر
ياسيدى نلقى مثل طيبتـك ويـن؟
وانت الذى تكبر وغيـرك يكابـر
ان غاب جابرنا ..يجى جابر منين؟
وحنا ملاهيفك مثل ماانـت خابـر
حنـا يبكينـا فـراق البعيـديـن
وشلون ما نبكى على موت جابر؟؟
