في احد مثلي ولا لأ ...؟؟؟

[غلاى الغويليه]

هم مصره انج انتى جذى صدقينى مافى شئ مستحيل بس سؤال


جربتى تقولين حق امج الى بخاطرج ومصيق خلقج ؟؟؟

 

[وحده خبله !!]

اي جربت ... وما في اي نتيجه هي اهم شي عندها اني اتزوج واكون مره مسنعه جدام الحريم ... بس هذا المهم عندها ولا انا ولا شي بالنسبه لها وحلمي وتعبي وطموحي كل هذا راااااااااح يروح ... !!

 

[وحده خبله !!]

انا مليت ... وحاسه ان الدنيا صاكه فيني .. شنو لازم اسويه ما ادري ... تعبت والله العظيم اني تعبت اسوي الي امي تبيه ولا الي انا ابيه وشنو الي صح ؟؟

 

[غلاى الغويليه]

شووفى انت قوليها زمنا غير زمنكم حاااااااااااااااااولى تفهمينا بـ كذا طريقه وكل يووم حنى عليها قولى لو تبين مصلحتى صصج ليش ماتكونين مثل الامهات الى يهمهم دراست عيالهم ويقوليها اذا مادرست وماجبت الى ببالى كل الباقى الاشياء مو مهمه
جذى راح تفكر انج مرح تطيعينها بشئ اذا ماخلتج تحققين الى ببالج بس كللميتها مره مرتين 3 او 4
ولله كل شئ حله حل لا تصكينها بوجهج

 

[وحده خبله !!]

اختي كلامج منطقي ... وانا حاولت مره مرتين والف .. بس مثل ما قلت لا حياه لمن تنادي هي علا بالها كل الناس نفس شي ..!
بس انا مالي شغل فيها وادرس واجيب معدل حلووو ... بس لما ارد البيت واعطيها شهادتي تقطها وتقول اسطوانتها الي ما تخلص وتحن على راسي وانا بس ابي اسمع كلمه حلوه ...
تخيلي معاي لا رفيجات ولا اهل ... والله اني اروح غرفتي وابجي ولا اتكلم او انطق بحرف حق اي احد او بني ادم ...!!!
وانا قاعده اتأثر حيل بشي هذا ... وحاسه قاعد يأثر ع تصرفاتي بعد ..!

 

[وحده خبله !!]

اختي انا ادري ان مشكلتي ما لها اي حل لانها مشكله نفسيه ومعقده ولانها اكبر ما تصورين بعد ... !!

يا ريت بس لو في احد يحس باللي احسه الحين ... !!

 

[وحده خبله !!]

وانا ما اعتقد هاذي فتره وتمر لانها كل عمري وهذا الشي معاي ...!

 

[وحده خبله !!]

اسفه والله تعبتكم وياي ... =(

بس مالي احد غير ربي وانتم....!!

 

[!! دلوعته !!]

اب اب

 

[بتول الرياض]

آب آب لعيونك

 

[طموحه بزياده]

اممممم



مادري شقول

بس حاسه فيج

مريت بنفس الكلام اللي قلتيه



بس انصحج لا تتركين الدعاء

الدعاء يصنع المعجزات ادعي بكل اللي تبينه واللي خاطرج فيه وربي يحقق لج حلمج وطمووووحج

وقولي دعاء الهم

 

[jojo-LS4]

يحياتي مثل حالتي بالضبط بس الفرق بيني و بينج اني احب و هدفي صار الزواج و الاستقرار
بس نصيحتي لج حاولي تشوفون الحياة بنظره مستقبليه فكري تييبين مجموع و الله انشاء الله ماراح يظيع تعبج
انا مثلج تقريبا كنت متميزه بس عين الحساد
كنت بالروضه الطفل الدكي لدرجه اني ماداومت باولا روضه غير سبوع بعدين قعدوني سنتين ب2 روضه يعني ماداومت اولى و بالابتدائي و المتوسط من الاوائل بس كنت هبله دايما اتكلم على عمري انا و انا
لين صكوني عين و بالثنويه (10--86%)(11--83%)(12--صقطت )و لمن عدتها يبت (72%) بس دخلت الجامعه بكليه العلوم بس بحول تربيه صعبه واااااايد
بس هم حياتي ماشيه و على قولتج اليوم نفس امس يا قرقه بالتلفون يا لعب باللاب يا افلام و مسلسلات بالتلفزيون
بس اقولج اهتمي بجسمج و نفسج و على كثر ماتقدرين قولي باجر أحلى ​

 

[لحظآتَ]

حبيبتي بالعكس كلامج واضج وتعبيرج حيل دقيق
وصفتي حالتج بدقة ماله داعي تقولين مفردات سلبيه .. ماعرف اعبر ومدري شنو ^^

,


مشكلتج الأولى تحقيق الحلم ..:
شوفي حبيبتي .. أنتِ تفكيرج مُتطرف شوي ...
يا ابيض يا اسود !!
يا جنه يا نار !!
شنو مافيه منطقه وسطى بين الجنه والنار يعني ^_^ ؟

يا تحققين حلمج .. وتهمليييييييييين كل الاشياء الثانيه !
يا تدققين عالامور السطحيه والجمال ومدري شنو وتهملين حلمج؟
زين كا انتي ضربتي مثال عن منار الحشاش
شوفيها شحلوها اسم الله عليها يعني حققت حلمها وبنفس الوقت اهتمت بنفسهاااااااااااا
وين المشكله ؟

بالعكس حققي حلمج .. وطموحج ..
وخلج مهتمه بجانبج الأنثوي .. عمره الحلم ما وقف عائق بين اهتمام المرء بنفسه وبين تحقيق الحلم !
وازني .. مشكلتج ماراح تنحل الا بالموازنه !
اذا ما وازنتي ماراح ترتاحين .. لإنج ماراح تحققين الحلم ولا راح تهتمين بشكلج الخارجي كـ أنثى !
بيظل دائم فيه حلقه مفقوده وشيء ناقص !!!!
الاهتمام بالجمال فطرة بكل مره .. لا تقولين مايهمني .. أنتِ يمكن شوي كسوله صح ؟

,


شغله ثانيه .. ليش دايم تفكيرج سلبي؟
ليش بدال ما تقولين .. بتزوج واحد عصبي وغير متفهم ومدري شنو
ليش متحطين احتمال انه بيكون متفهم ومنفتح وبيخليج تكملين دراستج بالكليه اللي تبينها ؟؟؟؟؟؟؟؟؟؟

ترى الافكار المتطرفه السلبيه هي اللي تخليج مُشوشة ذهنياً ومتشتته ودايم تبجين وحزينه !!!
لازم تعيدين تأهيل افكارج .. وتشوفين لج جوانب ايجابيه تنشغلين فيها
ولا جذيه اسم الله عليج بيحوشج ضغط وسكر واكتئاب وشيخوخه مُبكره بعد <<<< عسى ماشر

لا والله صج .. القصد ان بتتعبين نفسياً جذيه .!!!
​

 

[Ms.MrMr]

لا تضايقين والله انا نفسج حسيت من بعد مانزل نسبتي كان هدفي شي وصار شي ثاني ولله الحمد اكيد خيرة ماراح اضايق انا الحين بالجامعه =) وصح كلامج انا اول كنت جذي ماكنت اهتم حق روحات وييات وايد .. وعلى فكرة انا كللش ما اعرف بسوالف مكياج بدون مبالغه لما يقولون اسم مكياج ولا شي ما اعرف =) بس رفيجاتي شوي علموني على اشياء عادية يعني اذا لي خلق احط كـ حمرة حتى ماتبين او مادري شنو اسمه خخخخ .. حتى انا بعد ما اهتم بنفسي لان بنظري دراسة اهم شي .. وانا بعد فيني بقع مال حساسية معنه شكثر اذوني عالجي وعالجي بس وين الي يسمع .. جد ودي انظم وقتي شوي واهتم بنفسي + ادرس بس ماكو لان دراسه يصعبونها وكلش ماكو وقت الوقت يركض والله .. وانا لله الحمد ابوي وايد يشجعني بس والله مو بس انتو كليتوها يا جيل 94 حتى احنا 93 وايد وايد كليناها

الحمدالله رب العالمين .. حمدي ربج وايد نسبتج حلوة .. وتعرفي على بنات بالعكس والله بصير ضحك وناسه لاتقولين تفاهه انتي لما تصيرين قائده بينهم انتي طلعي سوالف اهما راح ينجذبون .. وطلعي شوفي دنيا استانسي ولا تنسين اهم شي رضا ربج وامج وابوج .. ليش ماتونسين نفسج .. ترى دنيا كلها يوم =) سوي اشياء ثانية ترضين نفسج فيها باجر بتندمين وتتحسفين .. فكري بنفسج بعد ووناستج


سوري على الاطاله وياريت قدرت افيدج .. :*

 

[دلوعة أبوهآ]

آلله يعينك

 

[قمر بيت أبوها]

انتي متحسسه لانك خايفه من المستقبل وماالومك
اولا لو ماقدرت تدخل المجال اللي تحبيه ادخلي مجال قريب لقلبك
ثانيا اهتمي بنفسك بشكل بسيط عشان مااتعبين نفسك
ثالثا الناس تغيرت وصارت مصلحه عادي كلنا مثلك
لا تتحسسين ولااي شغله ودك نتساعد فيها راسليني
انا متخرجه من تخصص ماابيه بس الشكوي لله

 

[وَِطَنْ ~]

تقربي الى الله ، وشوفي كيف بتصير حياتج

 

[@ كويتيه @]

كل البنات اللي بعمـرج نفســج !!


بخصـوص امـج .. عادي ياعزيزتـي .. الامهآت الحين هذا كلآمهم صح جارح بس اهما يفضفضون ويحطون حرتهم فينا بطريقه غير مباشـره

مافيــج الا العافيــه .. ومافي بنت جيـكره الحين !! واذا على الرفآجـه دام هذا تفـكيرج مالج الا تردين علاقتـج باختج وتقوينهآ

فضفضي لها نفس قبـل .. قولي لها يومياتج .. اسأليها عن حالها دايم .. دقي عليها شوفيها محتاجه شي..

وقربـي لآمـج اكثــر .. واذا على الدرآسـه عادي سوي اللي بيدج وشي فوق طاقتـج مو لازم تسسسويـنه
والله والله والله اهــــم شي حافظي على علاقتج باهلـج وبربـــــج !!

اهتـمي بوناستـج اكثر .. ترى ماتسسسوى السسالفه



بشرينآ عن احوالج اوكي حبوبـه

 

[وحده خبله !!]

اولا سوري توني اشوف الموضوع .. ^^...
والردود بعد .. =)
......
فديتكم وقسما بالله ان كلامكم ع الجرح ... ^^..
والله اني دمعت لما قريت ردودكم ... واستانست حيل مو شوي لان في احد حاس فيني وقاعد يشارك احزاني وهمومي ... =)
والله اني كنت متردده احط موضوعي بس قلت حق نفسي اجرب .. ^^"
بس ما توقعت ان في ناس يهتمون حق بعضهم لدرجه هاذي ... ^^..
مشكورين وااااايد وراح ادعي ليل ونهار للكل تعبت نفسها وردت علي .. >>>> مسكينه البنت مو مصدقه ههههههه
واي مشكله تواجهني راح اروح عند ربي اولا ثم لكم ... >>> هههههههه
مشكورييييين مره ثانيه ... =)

.....................

وشكررررر خاااااااااااص حق الاخت
Miss McDonald
مشكوره ... >>> ما قدرت ارد علشان ما عندي مشاركات كافيه .. ^^"
والله ان كلامج يا اختي حسيتها مثل الثلج ع النار في قلبي ...
ويعطيج الف العافيه وان شاء الله بميزان حسناتج ...>>> حشى بانيه مسجد خخخخخ
بس اذا ما عليج امر تقول لي شنو كان نظامج قبل بالضبط وشلون تتفادين هالافكار السلبيه ...؟
وابي بعد كنتي بروحج دايما ولان كان في احد يوقف يمج ... اقصد يعني لما تردين من المدرسه في احد مهتم فيج ..؟
وشلون اقدر اغير من شخصيتي ... ؟
وانا ابي اروح طب مساعد بجامعه الكويت تتوقعين اقدر ولا نسبتي ما ساعد ..؟

اسفه اذا ضايقتج ...
ومشكوره ويعطيج مليون عافيه

 

[وحده خبله !!]

ومتى ما حسيت نفسي متضايقه راح اقرا ردودكم ... ^^..
صدقوني في جم وحده منكم حسيت ردها غيرت تفكيري وحياتي ... والله من صجي ..!
والله يعطيها الف عافيه ما راح انسى هالشي طوول حياتي والله صج كنت عميا ... >.<"
مشكورين وان شاء الله راح اكتب موضوع بتخرجي ونسبتي بالجامعه ... =)


ومشكوره اختي Miss McDonald ع المبادره الحلوه وصدقني ان كلامج طووول اليوم وانا افكر فيه ... ^^..
وحسته بمحله وكل كلمه صح بس انا مو عارفه شلون اطبقه ..؟

مشكوره تعبتج وياي .... =)