في الاديان الاخري ..مو بس الاسلام !في ناس تحمل نفس قيمكم

[UK_Girl]

صباح الورد..
الهامي جاني من موضوع فلانه الفلاني ...موضوع :
الصداقه بين البنت والولد تفضلاو لنك الموضوع :
http://www.q8yat.net/showthread.php?p=12215332&posted=1#post12215332
اغلب الاجابات يات من منطلق ((أنا كمسلمه أرفض هالامر !))
وانا صالي جم يوم اراقب الموضوع ومتردده اكتب ..بس اليوم ماقدرت امسك نفسي وكسرت خاطري فهديتها عليكم .هجوم بدون أنياب هجوم بريء ...تحملوني ......

الزبده مع شوية ثوم وريحان على اتاليان برد يم يمي ..الثوم مفيد للقلب وايد بس يغث بريحته هذه الحقيقه ...لمن مر يوما بجانب دكتور قلب وشم ريحته متعطر بثوم .....

منو قال ان فقط في الدين الاسلامي وجدت خطوط حمراء في العلاقه بين الشاب والبنت ؟ وان في الدين الاسلامي فقط مطلوب من البنات الحفاظ على العفه ؟

قبل ان نزوع ((نستفرغ )) ما حفظناه أب(ن) عن جد(ن) ...ونردد مثل البيبي متو (الكواسكو الرماديه تحديدا) درس سنة أولى ابتدائي من مادة الدين الاسلامي لغاية ما نوصل لهالطول والعرض (رجاءا كل بنت حلوه توقف عند المرايه وتحدد قياساتها) ممكن نخصص وقت قليل للاطلاع و للقراءة عن الاديان الاخري في العالم ...ونبص شوية على ثقافات الشعوب الاخرى ..ولما تشوفون ان محد مثلنا رددوا درس اولى ابتدائي
انا مسلم انا محدش مثلي ..وانا وانا وانا واحنا واهما **** (كلمه حذفها الرقيب الذاتي على ذاتي )
وشكرا
مع احترامي وتقديري ومحبتي للجميع ..
واذا في احد بيعضني وانا هجومي بريء رجاءا راجعاو موضوعي عطر الورود من الردود يفوح لمزيد من الشراسه..
وبعد ممكن يفيدكم موضوع منظار غاليلو غاليلي .....رحله الى مطعم ..اقصد برج بيزا

 

[*أم*خالد*]

اممممم

موضوعج مهم بس للأسف ما ألميتي فيه .. مو بس بالعلاقه بين المرأة والرجل .. بـ كل القيم الأخلاقيه
من صدق وامانه والعمل والحب وصفاء القلب وعدم النميمه إلخ

خاصة أداء العمل بشكل صحيح ومثالي

بأشياء كثيره .. بس للأسف

 

[UK_Girl]

اهلا ام خالد ..
كلامج صحيح ..بس انا خصيته بالعلاقه بين الشاب والولد..بسبب قراءتي لردود حول هالموضوع طرحته بنت حلوه في الفورم وموجود اللنك للي حابه تقراه ..
وشكراا مع رقيه حمره هديه

 

[mesho0o]

اشوف خواطر على ام بي سي
و يتكلم عن اليابان و الشعب الياباني
اغلب القيم اللي يدعونا اليهاا الاسلام يطبقونها و احس منا بعد
نظافه - العمل باتقان - الترحيب - الادب وغيره وغيره
وللاسف احنا اللي بدينا نترك هالقيم مع ان دينا يحثنا عليها المفروض نكون احرص منهم

يسلموو

 

[UK_Girl]

الله يسلمج ميشو ..احب الصراحه والجرأه في الرد ..
ومنكم نستفيد ...ونتعلم

 

[غزلان]

تكفين جمله مفيده عشان نفهم السالفه شنو!!!
ماقوالوا شي غلط البنات سواديناا وعادتنا تحرم انه نرافق شباب وين الجديد الي انتي تقولين عنه ؟

 

[UK_Girl]

حيالله غزلان مو غزال واحد ولا اثنين..عندج غوغل اللي يترجم p:
شوفاي حبابه على راسي كل الاراء الخاصه بالبنات ...

انا قصدت موبس في دينا الاسلامي موجوده هالقيم والمباديء والتشريعات ..في الاديان الثانيه بعد ..
وحابه البنات يقرون ..ويبنون راي حر ...مبني على فكر حر وسليم مو من باب التعصب ...
هدفي الاول ..
الهدف الثاني يمكن اسدحه لما مودي يسمح .......
احب نك نيمج غزلان بالتوفيج

 

[UK_Girl]

غزلان انا ابي ترجمه لدولتج :شنو يعني ديرة الشعطان ؟؟
..وعفوا ليش توقيعج عايش بمصيبه ؟؟!! خرعني واااايد
محبتي لج

 

[JaDeL]

حبيبتي سالفة الصداقة بين البنت والشاب انها حرام تقولين هالشي مو موجود بس بديننا؟ طيب المسيحيين اشوف عادي سالفة بوي فريند وقيرل فريند وبعد اليهود


اما سالفة الديانات الاخرى اسمحيلي انا ماعترف فيهم لانهم مشركين ودين مو سماوي المسيحيين واليهود اعترفت فيهم لانهم مؤمنين بالله اما باقي الاديان ماني متكلمة عنهم لانهم خل اول يؤمنون بالله بعدين نعترف بوجودهم

اما سالفة التعصب للدين اكيد بتعصب لديني لان دين الحق دين محمد عليه افضل الصلاة والسلام الدين اللي بفضله ان شاء الله نكون من اصحاب الجنة اذا ماتعصبت لديني ولأمة محمد اتعصب لمنو؟

 

[UK_Girl]

هلا جادل ...
غيرل فرند وبوي فرند بكل مكان ......متوفر العرض والطلب ...لا نخشش روسنا تحت الطاوله ...ونعمل روحنا مش شايفين ...ونقول ان مجتمعنا يلمع ونظيف ومغسول بتايد للمعان افضل ونظافه لامثيل لها ... عندهم وعندنا خير ...الفرق اهما علني العايله كلها تعرف اما عندنا بالخش والدس لزوم السمعه لا تخترب وتفوح الريحه وسط مجتمع شكليا لازم كل عايله فيه تبين للثانيه ان اهيا ملتزمه بلعادات والتقاليد ..وبالدين !
بوي وغيرل فرند
هالشيء نابع من ثقافة بعض المجتمعات ...بعضهم رحلة الزواج وتكوين اسره تبدأ من هذا المنطلق الفرندي ...
وفي مجتمعات غير مسلمه في اوربا..تدين بديانات اخرى وبناتها محافظات ع العفه لحد الزواج ..
ونو بوي او غيرل فرند...قليل من القراءة والاطلاع ما يضر
وشكرااا
حياكم
الى برج بيزاااااا يجب ان يتجه من يحب مثلي البيزا الايطاليه يم يمي .......راجع منظار غاليليو

 

[C'est La Vie]

موضوعج حلو
وييبيله اللي يقراه بين السطور
بس شتسوين اذا الناس مغمضة عيونها :tongue22:
ومو راضية تعطي مجال لنفسها حتى تسمع
مو الا تقتنع بس تسمع وتفكر بالكلام على الاقل
بس شغلهم كل وحده تنفش ريشها بانها اهي اكثر وحده تعرف بالدين
والباجي ما يفهمون وما يخافون ربهم
بعذرنا عالم ثالث ومنغلق بعد
محد بالدنيا عاجبنا وتارس عينا

اشوفنا بالكلام شطار وبالافعال الله بالخير
الدين مو بس عن العلاقة بين الريال والمرة
الدين تكلم عن الاخلاص بالعمل
عن وصل الارحام
عن علاقة الجار بالجار
عن كف الاذى عن الناس
عن الاخلاق واللين بالنصيحة
بس ليما تشوفين تطبيق الناس لتعاليم هذا الدين
شنو راح نلاقي ؟
انتاجية البلد من سيء الى اسوء
الواسطة شغالة بكل مكان من ما يقتل الكفاءات وطموحات الشباب
قطع الارحام واذا تواصلو كل واحد شايل بقلبه على الثاني
الجار ما يعرف جاره الا بالاسم بس
الناس تحش ببعضها وما يكفون شرهم
والاخلاق يبيلها موضوع خاص نتكلم عن تطبيقها
واللين بالنصيحة اللي نسيناه
اذا وحده نصحت وسألتيها ليش؟ ابي اقتنع
تحسين شوي وتكفخج وتهاجمج انتي ما تعرفين ربج وما تخافين منه
وانتي فيج وفيج وفيج
كل هالكلام لأنج سألتي سؤال بسيط : ليش؟
نفس اللي اتوقع راح يصير بموضوعج
فما عليج يا قلبي انا اهنيج على هالموضوع الشجاع
اتمنى بيوم ان الناس تفتح عيونها ووتطبق تعاليم دينها مو بس بالكلام

 

[katko0ota]

الأخت العزيزه uk_girl

يسلمووو على طرحج انا بعد قريت ردووود البنات الي صراحه مادري شرد عليهم

بس ما ينلامون يمكن انهم ما جربو او بس شايفين نوعيه الشباب الي اغلبهم عاهات عشان جذي هذي وجهه نظرهم

و الي صج بردت جبدي c'est la vie اقوول لها صج c'est la vie

تقبلي مروري

 

[غزلان]

لووووووووووووووووووووووول
فدبت خشتج صفي دور عشان اجاوبج على كل اسالتج شوي شوي علي احسج شاده حيلج حلي بعمري عمري لا يطق فيج عرج
شعطان يعني ظفران
المصيبه الي بتوقعي محد فينا خالي من المصيبه
الله يبعدها عنج ياعسووووله انتي

 

[معزوفة الروح]

ماااااااااااااني فااااهمه يعني ايش المغزى من موضووعك!!!!


ياليت تفهمينا بلييييييييييييييييز


عشااان الاراء ماتتضارب ويصير فيه لبس

 

[شوكولاتيه]

عزيزتي uk girl

اولاً: احب أن اوكد لك اني في ردي على موضوعك مستخدمة مكبر غاليلو مو منظاره:eh_s(6):

انا بتكلم عن نفسي و ردي

انا لما قلت كمسلمة من باب فخري بديني انا ماقلت عاداتنا وتقاليدنا او كسعودية

لانها مو مهمة امام ديني

واذا كان على سعة الافق ان شاء الله الافق واسع


واذا كان على الاخلاق والقيم انا تعرفت على اكثر من وحده مسيحيه

واخلاقهم لايعلا عليها وبصراحة لما يسألوني عن الاسلام

اقول لهم دايم لاتحكمو على ديننا من تصرفاتنا ديننا اكبر مننا

ومثل ماعندنا ناس مايعرفو عن الدين شي عندهم ناس نفس الشي


وبالنسبة لردود البنات على موضوع الصداقة بين البنت


انا عارفه اننا كمجتمعات عربية نؤكد في تربيتنا على فكرة التناقض

نقول كلام و قد(حطي تحتها مليون خط) تكون افعالنا شي اخر

واهم شي محد شاف محد دري


لكن الموضوع يتطلب رد (انا ارفض) على الاقل ماتكون

مجاهرة بالمعصية وتقول انا اعرف وعندي اصدقاء وعادي اطلع معاهم

حطي في بالك كم مراهقة معانا في المنتدى وممكن تنبهر برد وحده

وتقلدها انا ما اقول ماعندنا هذا الشي موجود

موجود لكن تكون الوحده عارفه انو غلط وماتتكلم عنه بفخر او اقتناع


ان شاء الله يكون ردي معطر بالورد و خفيف على قلبك

وعلى فكره الاختلاف في الرأي لايفسد للود قضية

 

[rawan22]

فعلا انا مع الاخت شوكولاتيه كلامها صح وبعد كلام صاحبة الموضوع صح

بس ماادري ليش لازم الخلاف كل وحده تمسك جانب ماله شغل بجانب المناقشه وتتكلم

وانا رايي مااقول احنا مجتمع مثالي ومايسوي الغلط

لا الغلط والذنب اللي يسويه حتى الرسل غلطو

بس مسئلة بوي فرند هذي مو عندنا حتى مسمى حبيبها او حبيبته مانعترف فيه
او صديقها واو صديقته

مانعترف فيها كمجتمع يعني هم عندهم البوي والغيرل فرند مثل الاخو والاخت والعائله شي اساسي مع كل واحد واللي ماعنده فرند هذا مو طبيعي بالنسبه لهم

بس مايمنع ان فيه عائلات متشددين وملتزمين سواء يهود او مسيح

وعادي بنات كلكم صح بس ماادري على شنو الخلاف !!!

يسلمو عالموضوع

تقبلي مروري

 

[UK_Girl]

شكرا على المشاركه ..يوعانه وباكلكم وحده وحده :

وببدأ بحلي في غزلان ..حبابه انا كل ما اشوفج واقرا الدوله "الشعطان" اقعد افكر شنو شعطان !ومادري شلون اسالج عن المعني ..لما شفتج بموضوعي قلت فرصه البت جت برجلها ..اعذريني هجمت عليج واخذت راحتي بالاسئله ..ومشكوره على المعلومه الحلوه ...وعمري لاتحطين ابالج هالافكار اني متحامله ابدا

ثانيا يلااااا غزلان ترجمي الموضوع حق باجي البنات تحديدا حق (معزوفه الروح) انا تعبت الحين دورج p:

الوجبه الثانيه اللذيذه :
سي لافي اسم على مسمى ..عيني عليج بارده ..

الوجبه الثالثه الالذ :
كتكوته ...وبالردود ع نفس الموضوع تلاحظين يمكن حتى اللي ما خاض التجربه ..خذاها من جانب واحد وبنى موقفه عليها..للاسف.

الوجبه الرابعه روان مشكوره والله يسلمج..لا تحاتين مافي خلاف مجرد نقاش سلمي بالمنطقة الخضراء
الوجبه الشهيه من اسمها لا تقاوم :
شكولاتيه عيني عليج بارده ...
ممكن يثار النقاش بطريقة يكون فيها توعيه للبنات مو تحريض لهم ابدا وان كانت المسأله المعروضه أساسا فطريه غريزيه....وتاكدي التحريض ع الشر بأي صوره لا يمكن يكون هدف لاي بنت هنا ..الهدف ارقى وهو تحريك العقل من الجمود الفكري والقالب الاسمنتي اللي دافنينه فيه من ايام الملك دقيانوس قدس الله سره ..
لاحظاي الاجابات شلون صايره ..بلضبط كاسكو رمادي محكوربقفص يردد كلمات حافظها !

وعموما عمري كل انسان عنده عقل يفكر فيه ويميز فيه بين الصح والخطأ وغيره من امور..بس مطلوب نكون واقعيين وصريحين ومثيرين ومستعملين للفكر في ردودنا والا شنو فايده الفورم ؟..نسكت خوفا من ان تتأثر احدانا سلبا او ايجابا ؟؟!!

دايما خايفين نتكلم دايما مكبوتين ليش شكولاتيه ؟ البنات بين اهلهم خايفين اهني خل يتكلمون خل يصارخون خل يعبرون وخل نوجه خل ننصح ..خل نحث الكل يكون له راي ..وعقل يفكر فيه

شوفاي مجرد وجود كلمه "الدين الاسلامي في اي موضوع يطرح يقابلها توجيه تحذير مبطن :"اسكت ولا كلمه "
ولو ان بعض البنات يجاهرون بهالامر وياخذونه كدفاع عن رايهم ..رغبه في اسكات الطرف الثاني المخالف لهم في الرأي..يطبقون مقولة عبدالحسين عبدالرضا "لاحجى الشرع الكل ..ياكل ت ب ن " .
هل هذا الامر من الدين الاسلامي ؟اللي اول أية فيه نزلت تحث على القراءة ؟؟ هل هذا الدين اللي قال نبيه المرسل محمد صلي الله عليه واله وصحبه وسلم "خذوا العلم من المهد الى اللحد"..
انا معاكم في امور تعد من المسلمات في كافة الاديان بس في امور فيها مجال للاجتهاد والتفكير والتدبر..وهالامر مسموح ومطلوب لاكبر ولاصغر انسان ان يفكر فيه ......

تحياتي لكل ابناء ادم وحواء...ومحبتي للجميع ......اهداء 7 كيلو كسز وهغز لزوم انفلونزا الخنازير p:

 

[غزلان]

احترم اسلوبج الراقي يااااحلوه
توهت ماعرفت اقرى نكج
على راسي انتي

 

[happy&single]

السلام عليكم ورحمة الله وبركاته

السلام ما سيكون بينا هو طمأنينه ومودة
الرحمة اني اسامحك وأصفح وأغفر لك خطأك بحقي
البركـة ان ادعو لك ان ينزل الله بركته بكل عمل تعملينه ويأجرك عليه

هذا هو ديننــــــا هو اخلاقنـــــــا ،،

التعصب فكر يؤدي الى التطرف والتطرف يعمي الانسان عن التفكير بالعقل والمنطق والتفكر بالاحداث التي حوله
ايا كانت القضية التي يتم طرحها ،، تأكدي حبيبتي انه لا وجود للحقيقة المطلقة الا وجود الله
قد يكون رأيك صحيحا بمنطقك وعقليتك ولكن قد يتحمل الخطأ بمنطق شخص آخر !!؟

دعونا نناقش قضايا بطريقة عقلانية منطقية بعيده عن المثاليات واقعية من تجارب مررنا بها او رأيناها ،، بيئاتنا تختلف تربيتنا تختلف منطقنا يختلف حتى في مذاهبنا نختلف ..
لنقبل هذا الاختلاف بكل حب لنسمع ونناقش ونقنع ونقتنع

احنا بمجتمع ذكوري اصواتنا مكتومة من قرون اعتبريها فرصة تطلقين ما بداخلج بدون عيون الرقيب غير الله ومبادئك واخلاقك
اعتبريها فرصـــة قولي اللي بقلبج ومقتنعه فيه وتقبلي مني اني اقبلج او ارفضج وبحـب وبرحمـة وســـلام ..
ماسمعتي ام كلثوم يوم قالت اعطنـــــــي حريـــــــــــتي اطلــق يديــــــــــــي هذي فرصتج انطلقـــي

وعندي اضافة لو تسمحين لي uk_girl سألوا احد علماء الدين عن صوت المرأة ان كان عورة ام لا؟
طبعا لو بحط الموضوع 90% بقولون حرااام عورة والباجي بقرون الموضوع والردود ويمشون ، سمعوا شنو رد او بمعنى اصح اقروا : لو كان صوتها عورة لخلقها الله خرساء!! ولكن مثلا كلمة ألــو بالتلفون ممكن تنقال (بدلع حليمة اضافة للتوضيح :eh_s(6) آلــــــــوووه ، وممكن تنقال بطريقة مذيع نشرة الاخبار!!
فخواتي سالفة انج تقولين كلمه حراام وحلال في كل موضوع لا تجوز تأثمين عليها اللي يحلل وحرم رب العالمين واهل العلم يفتون ويجتهدون وقد يصيبون وقد يخطؤون ويتحملون وزر فتاواهم الى يوم الدين!! تخيلي عظمة المسألة
ليش ترمين نفسج للتهلكة .. وتتحملين مسؤولية انتي مو قدها؟

 

[Whisper ~]

موضوع راقي برقيكم اخواتي
يا حلو النقآش بكل هدوء وبكل تقبل للآراء المطروحه من غير أي تعصب ولا شد ولا " سب " !
تمنيت هـ الجو الجميل اللي شفته بالموضوع ينطبق بالمنتدى كله

وما أزيد على كلامكم اللي قلتوه ، درر
ماحبيت أطلع من غير لا أعبر عن فرحتي فيكم
Uk girl .. تسلمين وفرحينا بهـ الاجواء دااايم