في تخصص اسمه انثربلوجيا !! مساعده بلييز

[gala q8]

السلام عليكم ,

ادري ازعجتكم كل يووم يايه احطط موضوع مساعده بس ابي اعرف عن هالتخصص !!

اسم التخصص : انثربلوجيا < تخصص جغرافيا ,

ابي اعرف اللي ماخذه هالماده ,

شنو ممكن تشتغل ؟ و اهوا جغرافيا صح مو جولوجيا < يعني ادبي مو علمي :eh_s(10):

وبس اتمنى تزيدوني معلومات عنه

 

[فيّ العصر]

لآآ حبيبتي الي قلتيه غلط !!
الانثروپولوچيا (Anthropology ) ( او علم الانسان) يدرس اصل النوع الانسانى و الظواهر المتعلقه فيه، و يدرس الثقافه.
تنقسم الانثروپولوچيا لنوعين رئيسيين من الدراسه:
الانثروپولوچيا الطبيعيه Physical Anthropology
و الانثروپولوچيا الثقافيه Cultural Anthropology.
االانثروپولوچيا الطبيعيه تدرس مواضيع التطور الانسانى، و الپاليونتولوچيا Paleontology (علم حياة ماقبل التاريخ) و الاجناس البشريه و تكوين جسم الانسان.
الانثروبولوجيا الثقافيه بتشمل الاركيولوچيا Archaeology (الثقافات المنقرضه) و الاثنولوچيا (الثقافات الموجوده)


هذا حبيبتي تدرسينه في كلية العلوم الإجتماعية
قسم علم الإجتماع و الخدمة الإجتماعية
و أكيد درستي بالثانوية الأدبي كتاب علم إجتماع ؟

ف اهو تقريبا نفس علم الاجتماع و اعتقد إن تشتغلين مشرفة اجتماعية او شي جذي مو متأكدة

هذا موقع كلية العلوم الأجتماعية فوق في الاقسام العلمية راح تشوفين قسم علم الاجتماع و الخدمة الاجتماعية
روحي هناك و اقري عن الانثروبولوجيا اكثر
او شوفي بصحائف التخرج تلاقينه شوفي المواد الي تدرسينهم

http://www.css.kuniv.edu/

انا مفكرة ادرسه

انشالله اكون فدتج
و الله يوفقج