في حريم يعيشون مع ريايلهم وهم ...... ؟؟

[miss thrba]

مرحبا ..
عندي سوال واتمنى الكل يرد علي ..
هل أغلبية المتزوجات يعيشون مع ريايلهم وتكون الحرمة ما تحبة بس خلاص تأقلمت مع حياتها ؟

واللي صج تكون ما تحب زوجها ممكن تقولي شلون عايشه وشلون وضع حياتها ؟

أنتظركم ..​

 

[ام فواازي]

شوفي بالاول ماكنت احب زوجي وماكنت متقبلته لان طلع عكس توقعاتي بس مع العشره بديت اتقبله والحين بس افكر اني ممكنن افقده تخنقني العبره و تدمع عيني اكتشفت اني بديت احبه واعشقه مو بس احبه
يعني الزوج اذا ماكانت العيشه معاه مستحيله المره تأقلم معاه مو معقوله كل يوم لج رجل تأقلمي و مع العشره والسنين والعيال بتحبينه

 

[بولندية]

اهم شي يكون بينهم الاحترام و الثقة مووو شرط الحب

الحب يي مع العشرة

 

[فوفو22]

((وجعلنا بينكم موده ورحمه))

لم يقول الله تعالى حبا

الموده والرحمه هم اساس من اساسيات الحياة الزوجيه

ولنرجع للماضي

ايام الغوص

9 شهور بالبحر الزوج

ويشوف زوجته 3 شهور

مافي قصص حب كبيره وذكريات

بس في موده واعتزاز واحترام

كثير اعرف بيوت قايمه على احترام الطرفين والتاقلم مع بعض

فوفو

 

[Mrs_Orchidia]

الحب ايي مع الوقت

و اي في ناس ما يحبون بعض و يعيشون مثل الاخوان بس يصبرون لان بينهم عيال و عشرة سنين .. كافي صورتهم جدام الناس كبروا و شيبوا يتطلقون وين يروحون و شلون يعيشون!
لما الوحدة تعيش مع الريال و تشوف حنانه و معاها و اهو يشوف اخلاقها و طيبتها معاه و مع اهله راح يحبون بعض

انتي شوفي الناس حولج اغلب الزواجات تصير زواج اهل ناس مايعرفون بعض وماكو حب بالبداية لكن يصبرون و يبدا الحب يكبر

 

[كـويتية]

هو الصراحة انا من ناحيتي زوجي ولد عمي وانا معجبة فيه واحبه وهو يحبني وصارت معانا مواقف قبل لا تنزوج

بس يا حبيبتي مو مهم الحب المهم الثقة والاحترام لان الحب ييي مع العشرة

انتهت المحادثة ...

 

[(*ام عهــــد *)]

العشره تلعب دور
والمواقف الصعبه ولحظات الشده تبين قوة الزواج ​

 

[am faisal]

مولازم الحب
شالفايدة يحبنى واحبة والزبدة الحياة تبى واحد يشيلنى لا طحت ويحمينى لا ضعفت ولا خذلنى كل البشر حطيت راسى على كتفة وعطانى كل الامان
اللى يلقى هالانسان
ننصحة بالتعلبش فية لاخر العمر
بلا حب بلا وجع قلب

 

[الأميرة جوري]

الحرمه اعتقد تحب ريلها بس في رياييل صابرين ومايبينون انهم مايحبون زجاتهم حسب ما اسمع

 

[هيبة ملك]

تصدقين مادري!

 

[احلى ديما]

المراة تفكر بعواطفها يعني اذا الزوج زين وحنون معاها مع الايام بتحبه اكيد بس الزوج اذا قلبه ماكان معاها مادري شنو ممكن يصير بصراحه

 

[((غلاي))]

الحب مع الوقت
بس اكيد مافي كره

اهم شي الاحترام الاحترام الاحترام
لمن يحترمج و يقدرج هذا اهم شي

اشفايدة يحبني بس مايحترمني و الا يمد ئيده علي

وايد نسمع هالسوالف احبه و يحبني بس كله مشاكل و ماكو اي احترام

 

[كليـ دلعـ]

ياحظ اللي ماتحب زوجهاا

ياحظ اللي تعيش معاه بدون حب

هذي مرتااااااحه من همووووم وايد

مرتااحه من الغيره من الحب من المحاتاه

من ومن ومن


والله انها بنعمه كبييييييييييررره


لان الزواج امر صعب

فلازم يكون قلبها باااررد

وهااديه

وطناش

بجذي بتعيش بهدووء

اما بالحب

صعببه الحياه

 

[miss thrba]

ثانكيو على الردود

 

[كويتيه شماليه]

مثل ما قالوا البنات اهم شي الاحترام بينهم

 

[سارة ة]

اهم
شي الاحترام

 

[شريت ديني ونفسي]

am faisal
والله معاج حق
انا تزوجت وتطلقت علشان العادات والتقاليد لا حب ولا احترام ولا ثقه ولا شي
في ناس تقدر تتعايش بس أنا ماقدرت ولا كنت راح اقدر لاني ماكنت قادرة

 

[om-3azo-83z]

العشره تلعب دور و اذا ماكان مقصر و مافي سبب يمنع اكيد بتحبه و نفس الشي للريال و اذا ماكان في حب بيكون في احترام و تقدير للعشره
بس الغالبيه حب هذي وجهه نظري و يمكن وايد يشوفونها غلط بس بالنسبه لي بيدج تحببين ريلج و تكرهينا فيج

 

[صمت المرافئ]

أهم شي الاحترام
والتقبل النفسي من الطرفين لبعض ...
مع الوقت والعشرة ممكن ينولد الحب بينهم ...
ويكون أحلى حب وأقوى حب ...
​

 

[ماكواسم2]

ياحظ اللي ماتحب زوجهاا

ياحظ اللي تعيش معاه بدون حب

هذي مرتااااااحه من همووووم وايد

مرتااحه من الغيره من الحب من المحاتاه

من ومن ومن


والله انها بنعمه كبييييييييييررره


لان الزواج امر صعب

فلازم يكون قلبها باااررد

وهااديه

وطناش

بجذي بتعيش بهدووء

اما بالحب

صعببه الحياه

عجبني الرد وهذي نصيحتي لبنت اختي الحين مالجه ان ما تحب ريلها حيل