في حريم يعيشون مع ريايلهم وهم ...... ؟؟

[اميره1980]

بتكلم عن نفسي
انا و ريلي الله يرحمه كنا نحب بعض و نحترم بعض و عايشين من احسن ما يكون
بس لو ما كان في حب الاحترام اكيد بيخلي حياتنا تستمر الحب مو كل شي بالزواج و الاحترام و المودة و التقدير اهم

 

[غلآ نوآف]

ازيد ع الي قالوه البنات ان الاحترام مهم

العشرة ولماتتعودين ع شخص
ف طبيعي انج راح تحبينه
خاصة بينكم امورخاصة ومواقف وايام
الا مايكون في ذكريات حلوة تشفع للشخص الي متزوجته

وممكن بالبداية ماتحبيه
بس الحب يجي بعدين

 

[ابيك م ابي غيرك]

دكتورنا في علم النفس ..


يقوول الحب مايجي الا بعد عشره + طفلين ..


اهي يبين اذا في حب ولا لاااا .. ووالعشره الي قبل الطفلين اهي الي تمهد له ..

ومسووي دراساات ع هالشي ..

فاذا عندكم طفلين ..وبينكم عشره >> خمس سنين وطالع ..


اهني سئلي نفسج تحبينه ولا لاا .


والله يجمع بينكم ع خير وحب ومووده

 

[رغد84]

الله يألف بين قلوبهم

 

[دانة_ دبي]

الحب و المغازل قبل الزواج

بعد الزواج :: العشرة الاحترام التقدير المودة الرحمة العيال و ايى الحب مع العشرة

و اللي تقول ما احب زوجي بالعكس احسن ههههههه لانها ما بتغار و ما بتعور قلبها

 

[نـعـومـه]

يعتمد على شخصيه الوحده في حريم صبروات وتفكيرهم عقلاني عندهم اهم شي ريال زين ومن تصرفاته الزينه تقدر
تحبه

في بنات صغار وعندهم مهم تتزوج واحد تحبه ومن هالكلام بجذي ماتتقبل اي احد ومهما يسوي خلاص ماتتحمل وبالاخير تنفصل

 

[al-musk]

الخيرة فيما أختاره الله

 

[سنيوريتا الحب]

من وجهه نظري اهم شي الحب

 

[انا لها شمس]

ماتوقع ان ممكن في حريم يكرهون رياييلهم مع العشره والعيال اللي تجمعهم بالضحكه والسالفه
لابد في مواقف وايام حننت قلوبهم ع بعض وعرفو انهم يحبون بعض

الا اذا عاد بوسروال وفانيله متفنن انه يجنن المسكينه