في ضيافتهم ..........لقاء متجدد

[مشاعل الشمري]

اللهم يارب سبحانك انت سامع الدعاء ترفع عن بنيتنا وتعافيها انك انت السميع العليم
يارب يطمن قلبك

 

[HearT ChocolaTe]

عسى الله يطمن قليبج ويرفع عنج الخوف ولا تجزعين فديتج
ادعي الله بأسماء الله الحسنى والله معاج
وطمنينا عليج

 

[الصابرة المحتسبة]

يارب ياكريم ياودوود أن تشفي مرضانا ومرضى المسلمين

 

[@شمس الضحى@]

الله يعطيج العافية .. ما قصرتي

الف الحمد لك يااااربي
والله فرحت لج وانا ماعرفج

 

[HearT ChocolaTe]

في ضيافتهم اليوم حبوبتنا ( مس لولو )
نتمنى الإفادة للجميع ، راح يكون اللقاء الساعه9 مساءاَ

 

[الصابرة المحتسبة]

ناطرين

 

[Miss-LuLu]

انشالله

 

[HearT ChocolaTe]

أحم أحم المذيعه حضرت

 

[الصابرة المحتسبة]

كلنا لكم منصتين

 

[HearT ChocolaTe]

والله يا ست الناظرة أنا موقعه بدون تأخير وناطرة حبيبتنا مس لولو

 

[Miss-LuLu]

السلام عليكم


اسفة عالتاخير بس والله كنت نايمه رديت من الكلية متاخر اليوم

وانا جاهزه الحين

 

[HearT ChocolaTe]

لا حبوبه عادي نوم العافيه .. وعسى الله يوفقج بدراستج حياتووو
شلونج الحين طيبه ان شاء الله

يا ريت تعرفينه عن أخوانج وحالتهم المرضيه ؟؟
مع اعمارهم ... ؟؟

 

[Miss-LuLu]

ههههههههههه يعافيج حبيبتي وتسلمين عالدعوه الحلوه


انا والله تمام الحمدلله

اخواني الله يسلمكم

فهوودي عمره 21 (البجر اكبر مني ب3 سنين انا عمري 18 )

فيه توحد بدرجة متوسطه ،، يمشي وياكل ويروح ويرد ويدش الحمام تكرمون بروحه

بس عقله عقل ياهل عمره 3 سنوات

وسلومي الجعده عمره 10 سنين فيه بدرجة خفييفة

يعني بطئ تعلم وبطئ نطق وحيل عناد ومزاجي

 

[HearT ChocolaTe]

الله يخليهم لكم يا رب ويشفيهم فديتج .......
والوالدة أكتشفت المرض معاهم من الولادة ؟؟
او بعمر متقدم لأن التوحديون ما تعرف حالتهم على حد علمي من البدايه ؟؟
خصوصا ان البجر ؟؟

 

[Miss-LuLu]

اجمعين يارب ويشفي كل عيالنا

اخوي البجر امي تقول اكتشفت فيه هالشغلة لما كان عمره 5 سنين جذي

تقول قبل كنتي انتي وياه تسولفين وعادي وكان يسولف مافيه شي

تقول بعدين قام ينعدم عنده طريقة الكلام ماقام يقول جمل مثل قبل

والتوحد يبين من الحركات الى يسوويها الطفل وودته المستشفى وقالولها،،

اخوي سلوم امي كانت حاسه من اول ما تشنج فيه

طبعا اول يوم تشنج فيه كنت انا توني راده من امتحانات فاينل ونايمه ومخليته يمي نايم

ما احس الا اليمي يهتز واقوم واقول حق امي

بعدين لما دش الابتدائية

اعتقد كانو يسمونه عنتر هههههههههههههههههههههههههههههههههههههههه


هبل بالمدرسات والمدرسة والناظرة

يعني ماشالله عليه محد يقدر يمسكه

كان يمسك الالوان ويرسم على طوفة الصف كللللها خخخخخخخخخخخ

وياخذ المقص ويخرع فيه اليهال ويصارخ يضحك ههههههههههههههههههههه مجرم

وكان بنص الحصه يطلع بروحه ويروح الحمام تكرمون ويروح يتمشى ويرد

واذا صار يوعان بنص الحصة يبطل جنطته ويقعد ورا وياكل يخلص ويرد مكانه

لدرجة انه كان يطلع من الصف ويروح حق الحارس يقول له بطلع؟؟ مو بكيفك؟؟ هههههههههههههههههههههههههههه

ومن اهني الناظرة طلبت منه تحويل حق مدارس ذوي الاحتياجات الخاصه عقب ما سووله فحص

 

[HearT ChocolaTe]

هههههههههههههههههه فديت سلملم أنا يا رب تقر عينكم فيهم
ويفرحنا فيج عروووس........ يا خفة دمج مس لولو
عاد نقولج مدام لولو خخخخخخخخخخخخخ

طيب حبوبه ..
نرجع لمحور حديثنا <<<< صادوه !!!


بالنسبه لأخوج العود دخل مدرسة ؟؟ تحسون في تجاوب مع التعليم ؟؟
وسلومي الحلووو دخلتوه وين ؟؟ وتغير بعد النقل والا لأ ؟؟

 

[Miss-LuLu]

انشالله الله يسمع منج فدييتج والله

هههههههههههههههههههه لا مس احلا حق الانسة والمتزوجه

اي اخوي العود على طول امي دخلته مدارس التوحد وفي تجاوب كبير لان ماشالله نشاطاتهم وايد حلوه انا حده عاجبني

وكان يحب المدرسه واهما يعلمونهم الالوان والاسامي والاحرف والارقام وماشالله عليه يقدر يفرق بس مو ذاك الزود

مرات يقعد بروحه يقول واحد اثنينه ثلاثه عشره هههههههههههههههههههه ينسى بسرعه

وسلوومي والله انا احس ضالمينه بهالمدرسة صج لاني احسه مثل باجي اليهال يسولف ويتكلم وحتى مرات يضغط

بس مشكلته عنيييد ودلوع

بس وايد خف عن قبل ،، والتربية اهم شي بالنسبة حق حالته

لان ابوي مدلعه حييل يعني لو يقول له ابي هالشغلة الحين يروح اييله

انا قمت اعوده قبل لا ياكل يقول بسم الله واول مايخلص يقول الحمدلله

ولما اعطيه شي اقول له : شيقولوون؟؟ يقول شكرااا

واقول له اذا تبي شي استاذن قبل والحمدلله ماشي ويا اسلوبي

واكيد تغير حييل عقب ما انتبهت له انا وامي

 

[الصابرة المحتسبة]

تبارك الرحمن وياعسى ربي يخليه لكم

ومس للآنسة ومسز للمتزوجة هههه

 

[الصابرة المحتسبة]

عفيه عليج مذيعتنا العزيزة محاورة جيدة تبارك الرحمن.

 

[HearT ChocolaTe]

سوري فصل معاي النت ...
عفيه عليج والله .. هذي الهقوه .. عسى الله يجعله بميزان حسناتج
طيب عندج خوات وإخوان غيرهم؟؟ وكم العدد؟؟