في وحده ركبت تقويم وبعد ماشالته ردوا اسنانها نفس قبل !!! بليز جاوبونى

[^kloOot^]

اجمعين ياقلبي

 

[& لمة وداااع &]

ام جوري خليهاا على الله..
انا سنووني مااكانوا فيهم شي الا شوي من قداام متقدميين كلش مو وااضح بس امي من النووع ألى ادقق..


لماا كان عمري15 اراجع عند الحكومه سنه وركبت التقووييم عمري16ونص تقريبا اكثر من سنه وانا اراجعهم

وطبعن شالو مني اربع ضرووس و4 سنيين وانا على التقووويم والا قااهرني انه بالوقت هذا كاان عروس خوااني وخوااتي وانا كنت حددددددددي ضعييفه>>>>>>>>> ضعفت من التقوويم ..

وصاارلي سنه شايلته..





































واه واه واه ياالقهر اسنووني صااروا ألعن من قبل تخيلي سنوني ألى تحت ماكان فيهم شي بعدم اشلت التقوويم تفككوواا حيييل انا اهني يأست وزهقت ومكتئبه ليوومج هذا ..



طبعن لاني اراجع بالحكوومي فالدكتور عشان مايتعب نفسه ماانصحني اني اركب او احط حشووات تجميلي ولا قال لي الله ياخذه انه سنووني رااااااح اتفكك..


والحين مدري شنو اسوي عرسي شهر11..

بشووف عياادة بيان حييل يمدحوونهاا اذذا عندهم حل غير التقوويم


فااشكلي بعد العرس ارد اركب تقويم دام توني صغيره ماابي لما اكبر اكثر..>>>>>>>>>>> الله يعيين سي سيد علي.. لــووووووووول

 

[حنطاااويه]

حنطاويه يعنى انتى كنتى مركبه ثابت تحت حق اسنانج
لانه اذا مركبه وشالج ياه وماحطلج متحرك اكييييييييييييييييييد يفتجون


وازيدج من الشعر بيت انا حتى اللى فوق مع انه متحرك شللوووووووووووووووووووووووووووووووووووووووون تحرك موقادره استوعب بس ضرس واحد نزل تحت تخيلي واحد طويل واللى يمه قصير

روحي حق دكتور استشاري ووايد زييييين في عياده الحكمه
انا ماكنت ادري عنه من اول جان ركبت عنده بس رحته قبل فتره قالي هذاا شنو امسوي عن دكتوري الاولي

 

[^kloOot^]

شاكره مروركم

 

[غلاكم]

هلا بنوتات

اشلونكم .؟

شخباركم؟

آنه مشكلتي مشكلة

الفك العلوي فية فراغات ومن قدام عندي فتحة بين اسناني

شكلهم مو بشع بس مو زيادة

اول كانت عاجبتني بس الحين بعد ما عرفت انه مع الزمن تكبر قررت احط تقويم

وهني بدات القصة (لووووول)

اطلوع اسناني العقل اربعتهم إهئ إهئ

وانتو تعرفون انه اسنان العقل تسد الفر اغات لانها تضغط على الانسان

الحين اسناني مالين الفك السفلي يعوروني من ضغط ااسنان العقل
والعلوية عادي ومدري شسوي

يعني اشيل العقل واحط تقويم وله اشلون

واكيد العيادة الخليج او البيان لانهم احسن من الميدان بوووووووووووووووووووووووايد


الله يخليكم لاتبخلون علي

 

[^kloOot^]

والله مادري
هم انا عندي 4 ضروس غقل قالي شيليهم لانه راح ياثرون ليش شلتى تقويم

فاول شيء اكيد تشيلين العقل بعدين تركبين لاتصيرين نفسي

وبالعكس الميدان اقدم عياده واحسن الدكاتره فيها

 

[*رتوووووجة*]

حبيــبتــي انصحج بالميدان والله شغلهم حلو ومضبوووط :ggdw:




كلنا نعاني من الاسنــان :0bee2e8d89:




انا قبل 5 سنوات كنت حاطة تقويم في مستشقى الاميري وشلته عقب سنتين من تركيبه وعقب حطيت

المتحرك لمدة 6 شهور وقالي الدكتور خلاص مايحتاي اتحطينه ...


شلته واسناني الحمدالله حلوة وتمام ...




بعد سنة بالضبط ردوا اسناني مثل قبل واخس عندي قبل لا احط تقويم ارحم من الحين ...


من عقبها كرهت شغل مستشفى الاميري ...


والحين ركبت تقويم مرة ثانيه عند عيادة الميدان اللى بشرق واسم دكتوري شارما اهو هندي بس

شغله حلو ومضبوط والحين قالي خل اشيلج التقويم وانا مو راضيه ودي اخليه مدى الحياه لوووووول

وقالي الدكتور بعد ماشيلج التقويم بحطلج مثل سيم داخل الاسنان مايبن هذا يكون دائم ومثبت داخل

الاسنان عشان مايردون مرة ثانيه ...​

​

 

[^kloOot^]

شااااااااااااااااكره مرورج نفس كلام الدكتور الهندي مال التقويم بالميدان قالي ليش ماحطلج سيم او شيء يربط اسنانج (قصده عن دكتوري اللى بالاميري)

 

[nono777]

وانا نفس الشي رحت عيادة البيان وقالي الدكتور ليش ماحطلج تقويم من داخل بس بنات بعرف عيادة الميدان عندها نظام الأقساط لأني مفكرة أركب عندهم

 

[كويتية _ بكل فخر]

صباح الخير

شخباركم بنات ...

وايد حــلــو الموضوع نفيد ونستفيد من تجاربكم ...

الحين انا مستغربة شلون الأسنان ترد نفس اول وألعن بعد ..!!! أكثر البنات قايلين أن أسنانهم خربت .!!

اهو صج إذا ما التزمتي عدل بالتقويم المتحرك تتفرق شوي عن بعضها .... بس توني ادري انها تخرب وااااي شي يقهر بصراحة ...

بقولكم تجربتي مع التقويم والحين باقي لي شهرين واشيلة ... بس أول شي برد على نونو

الميدان ياقلبي عيادة وايد زينة وشغلها مرتب ونظيف وتعاملهم وايد ذرب والموظفات عسسسسسل

ويتعاملون بالاقساط تدرين مرات ما ادفع لهم اطوف وأروح حق موعدي عادي ما يقولون شي والمحاسبة نفسها حلوه

إذا عندج ظرف منعج وجذي يتفهمون .. وهم لا طوفت موعدي أروح ثاني يوم واراجع ما تتأخر المواعيد

مو مثل الحكومة يــــاربي نفسه خايسه وزحمة تلوع الجبد ... الميدان تبين موعدج أي حزة ظهر صبح عصر كيفج

انا دايم مواعيدي الظهر ماكو زحمة وبسرعة أدخل على الدكتور .. لأني ما احب الزحمة ...

المهم إذا تبين تحطين تقويم أول شي لازم تدفعين مقدم 250 او 300 دينار ويصير اقساطج 30 او 40 دينار

امممممممممم أنا صارلي الحين 3 سنين مركبة التقويم والمفرؤوض شايلته بس شكثر طوفت مواعيد بسبب السفرات والظروف ...

الدكتور هندي شغلة زييين اول ما كنت أراجع على أخر فترة من شهرين تغير وصار شغلة أي شي ومادري شسالفته

اخر مره راجعت لقيتهم مغيرين الدكتور اخترعت خفت الدكتور الجديد مو زين وانا بالمراحل النهائية

اسناني صارو أوكي صفتهم زينه بس عندي الاسنان الأمامية مو أول سنين اللي وراهم >> طالعوا الشرح شلون خخخخ

والله بنات مو عارفه أوصف لكم المهم مو راضين يركبون بمكانهم العدل احسهم للحين يبي لهم ومضايقني هالشي

لأني كنت احلم بأسنان نفس اللي نشوفهم اول نفس اللي اشوفهم بالميدان معلقهم الدكتور على الطوفه هههههه

المهم الحين الدكتور حطلي تقويم ثابت ورا الاسنان عشان ما تتفرق وتتحرك وتوني ادري من ردود البنات ان هذا تقويم متحرك بس يجي ثابت ...

دكتوري الجديد ما يعرف عربي كلش توه جاي من الهند بقراطيسه والسستر اترجم لي وتفهمني وبعد أسبوع عندي موعد بشيل التقويم اللي تحت وبعدها بشهر اشيل اللي فوق ويقولي راح تتعدل وتصير نفس الصوره اللي كل ما موعد لي اطالع فيها هههههههه

بس مادري التقويم الثابت اللي ورا اسناني مادري جم الفترة يخليه ؟؟ بسأله وبشوف
كلش مو مرتاحه له احس فييه شي بفمي بمضايقني لا تكلمت وكليت شكلي يبي فترة أتعود عليه
تو ماصارلي شهر حاطته ...

ياااربي التقويم هم على القلب فوق ما نتحمل عوار الشد سنين ولا نقدر ناكل مثل الأوادم لا ولا حطيتي حمره يطبع على التقويم خخخخخ وشكله مو حلووو .. وإذا شلناه تتفرق الأسنان وتخرب شي يقهرررررررررررر

بنات حبايبي طولت عليكم وايد بس فيه شي مضايقني حيييييييييييل

اللثة !!!!! تراجعت وصارت تبين حييييييل وشكلها مو حلو لاحظت اكثر الناس يصير لهم جذي
الدكتور يقول ترجع نفس اول ولا يروح التراجع ...

احد صارله جذي ؟؟؟؟؟؟؟
ورجعت طبيعي اللثه؟؟؟

بنات منو فيكم سوت تبييض بعد ما شالته افكر أسوي تبييض ..

إذا تذكرت شي بقوله لكم >>>>> بعد كل هالكلام فيه كلام بعد خخخخخخخخ

شرايكم بهالصورة بذمتكم مو احسن من تقويمنا

.
.
.
.
.
.

 

[كويتية _ بكل فخر]

تذكرت بنات

أنا شلت سنين فوق وسن تحت وفراغ السن كان كبير وكنت شايله هم شلون يتسكرون ؟؟؟ حيييل شلت هم

المهم الحين اللي تحت تسكرت واللي فوق اللي على اليمين تسكرت عدل بس شي بسيط ما يبين واللي على اليسار هم بعد تسكرت بس مو مثل اللي على اليمين حيل تسكر واليسار أحس يبي له شوي بعد


قلت حق الدكتور الأولي قال عادي مو شرط تتسكر عدل لأن خلاص تعدلوا اسنانج ؟؟؟؟
شرايكم بنات بكلامه ؟؟؟

المشكلة دكتوري هذا ما يعرف عربي ولا جان شرحت له كل شي

 

[bint_looda]

انا والله شلت التقويم وتقريبا تقريبا انتظمت ويا الرتيرنر وكلشي كان ماشي تمام التمام بس طلعولي ضروس العقل جان يحرك الضرسين الجداميين الي عندي لانهم كانو طالعين عويان
الحمدالله تداركت روحي وشلتهم جراحه الحين الحمجالله شروسي اوكي بس اشوي ضرسي الي جدام فار بس ماعليه اضروسي الحين وييييين واوووووول وييييييييين ربي لك الحمد .. الله يعينكم

 

[غلاكم]

سلام
bint_looda
بدلياتج رهههههههههههههههههههههههههههههههههههههههههههههههههههههههههههههههههههيبة

مت من الضحك عليها

حستج توج طالعه من البنج

ههههههههههههههههههههههههههههههههههههه


كويتية _ بكل فخر

اذا تقولين الدكتور توى جاي بقراطيسة يعني الله يعين

لازم تسوين تنظيف وتبيض بعد التقويم اول ما يشيلون تقويم يسولج على طول تنظيف

وبعدها انتي الي تقررين عن التبيض ( نصيحة سوي التبيض

واذا انتي رتش ومن بعد فترة سوي تبيض الي بالبيت بجذي بيعطونج جهاز

يعني تبيض على طول

 

[.. مـــلاكـ ..]

انا جذذذذذذذي

مت قهر

عقب لوعة جبد التقويم وحالة


ردو نفس قبل :\

 

[^kloOot^]

كويتيه بكل فخر والله ماعندي فكره عن اللثه بس بغيت اسالج بنسبه للدفع بالاقساط

انا دكتوري قالي ما يصير ادفع كل شهر مبلغ

هذا بالنسبه للزراعه قالى روحي شركه المنار ما ياخذون فوائد ويعطوني ورقه حق الميدان جنى دافعه المبلغ كااااااااامل وبجذي بس تعاملي يكون مع شركه المنار استقطاع من البنك شهري لانه الزراعه غاليه ويمكن ما تم نفسكم مراجعات جم سنه كل شهرين او 3 انتى خالصه
المهم شركه المنار لازم تدفعين لهم المبلغ خلال سنه واذا تبين اكثر من سنه ياخذون فوائد وانا فكيت نفسي قتلهم بس سنه عشان اعرف شنو اللى لي واللي علي


وماتشوفون شر بنات صج التقويم اي شيء

 

[caramella]

قوة بنوتات آنا بكتب لكم رحلتي مع التقويم اللي إستمرت من سنة 2003 إلى الآن طولوا بالكم معاي قصتي طويله
الله إسلمكم آنا كان عندي مشكله بأسناني وهي إن أنيابي في فكي العلوي بارزين وصاعدين لي فوق يعني جني أسد لول
المهم يا محفوظين السلامه عالجت كل أسناني المسوسه جان إحولوني الأميري حق التقويم سوالي أشعه و؛ولني حق دكتور جراحه عشان أشيل ضروس العقل طالعين غلط قبل التقويم المهم إنهم 4 ضروس عقل شالي دكتور سوري دفشششششششششششش العلويين ويوم رحت له بشيل التحتيين ما لقيته قالت لي السستر إنه دكتورج مو موجود وفي دكتور نائل الهزيم ( أيام ما كان بالحكومه الحين أهوا بالميدان)
شغل التعنفق قلت لها منو هذا لا ما أبيه أبي دكتوري قالت لي جربيييه دشي عليه ده جراح كوييييسسس ولسه متخرج من أمريكااا قلت بروحي متصروعه وطاقه درب خل أجرب ما شالله علييييه إسلوب وأخلاق وشرح لي من طأطأ لي سلام عليكم آنا الله إسلمكم عمليتي جايده عشان لازم إشيل من عظم الفك عشان يوصل حق الضرس وشرح لي كل هذا آنا أحب الدكتوووور اللي إفصل لي العلاج ما أحب آنا الدكتور وإنتي مالج شغل يهتم بالنفسيه وأهم شي تكونين مرتاحه
إمممممم إستانست عليه وشلعت العقل الرابع عنده
رديت التقويم إنخطبت وقالي خطيبي اللي أهو أبو إعيالي ألحيين ركبيه بعد العرس
خلص العرس رحت حق الدكتورة الهنديه مالت التقويم وآنا بشهر العسل قالت شيلي 2 بعد الأنياب الفك العلوي و واحد بالفك السفلي :0bee2e8d89:
رجعت لدكتوري نائل شالي إياهم بنفس اليوم بناء على طلبي
رديت للدكتورة الهنديه وبدت معاناة التقوييييييييييييييييييييييييييييييييييييييييييم
ركبته عقب 3 أشهر سافرت دكتورتي وحولوني لدكتور هندي علههههههههههههههههه نسيت إسمه بعد 3 شهور ثانيه حملت في ولدي وقف لي العلاج وآنا بالخامس
كملت بعد الولادة شالي التقويم مال الفك العلوي بدون ما إسويلي رتينر وخلا السفلي على أبو إن ما خلص فجت أسناني إستغفر الله شبيتتتتت عالدكتور قلت له إتركب لي حق الفك العلوي مرة ثانيييه
ركب ليييي وحدي لايعه جبدي من الدكتور جان أروح الأحمدي طبعا بواسطه لأن مايرضون إكملون علاج تقويم لازم حاطته عندهم
كملت ويا دكتور مصريييي إستغفر الله جان إطردونه ما أدري شالأسباب حدي مقروده ورجعنا تالي حق الهنود كملي دكتور هندي وشاليييييييييي التقوييييم وبدت معاناة الرتينررررر أول واحد ظيعتتهههه حاطته بكلينكس الظاهر ريلي قططه بالزباله وإنتوا بكرامه عيزت أدور ماكووو
جان أروح للدكتور أتمسكن سوالي ثانيييي:tomato2:
بيوم سفرتي الصيف اللي فات هم كانوا بكلينكس وإختفوا إستخفيييييييييييييييييييتتتتتتتتتتت
بسافر شهرررر رسمي أسناني بتفجججج والله ما أجذب عليكم حتى بزبالة الشارع دورت وما لقيت سافرت وآنا كلي إحبااااااااااااط
رديت مالي ويه أروح للدكتور صراحه قلت ماكو إلا أحفظ ماي ويهي وأروح خاص رحت الميدان بحولي عند.أنيل وايددددددددد روعه أحسن دكتور من دكاترتي التقويم لول:dddds:
سوالي رتينر ثابت حق الفك التحتي عشان ما تحركوا الحمد الله المصيبه بالعلوي فيه فجه صغيرة وقالي لازم رتينر متحرك تالي إنركب ثابتتت
طبعا آنا يوم ألبسه ويوم لأ وكله أحطة بكلينكس ما أتوووووبببب لما كنت في مارس اللي طاف بلندن وضاع مني وآنا بالقطار كله بسبت العلج إستغفر الله بتعلج جان أشيله وأحطه بكلينكس وضاعع:0bee2e8d89:
رديت لدكتورييييي كلي يأس لأن ردت الفجه قلت له خلاص أبوي حشوة تجميليه شفت الدكتورة بلسم بهبهاني قالت حرررام الفجة كبيره راح يصير شكلج مو حلووو ردي ركبي رتينر صغريها ورديليييي:eh_s(14):
رديت للرتينر السادس لأني كنت مضيعة 5 من قبللل حافظت عليه أزيد من ألماصاتي لأن حده ريلي حقد علي وآنا كرهت نفسييي
تميت شهريييين لييين ييييييييييه يوم السعد وصكت الفجة وركب لي التقويم الثابت يببولييي:dddds:
ورد عطاني المتحرك قال لبسيه بس باليل ومراجعتي معاه بعد أسبوع إنشالله
كل هاللويه عشان الإبتسامه :dddds:
آنا ادري لوعت جبدكم بالقرقه بس النتيجة وايد حلوة والتقويم يبيله صبر أيوب لأن علاجه حيييل طويل
أنصح تسوون تبييض آنا أول ما شلته سويييت تبييض لأن الصراحه آنا كنت احتاج تبيييض وطلعت اسناني الحمد اللله واو بشهادة الجميع
هذي رحلتي المأساويه اللي نتيجتها حلوة الحمد الله مع التقويم

 

[MassComm]

اي انا من بعد ما شلته صار في فجه وقالي لازم تحطين المتحرك على طول والحين قاعدة احطه بس وقت النوم

 

[شباصة مينونه]

زراعة حق شنو ..؟
انا حاطه بالاميري وللحين ما شلته .. بليييييز لا تخرعونيييي :s

 

[^kloOot^]

شاكره مروركم

كارميلا جيكي عالخاص

شباصه لا تحاتين انا لانه شالولى اسنان من قبل ومافي اسنان شلون اكل وسويت زراعه اسنان

 

[noty]

يا حسرتي

لا ان شاء الله كيسيج يكون فيه شي مو مضبوط

انا بس هانت شهرين و اشيله

حطيته شهر 5 العام

و مشكلتي اسناني اللي تحت متحركين على بعض

بالبدايه كان شي بسيط لا يذكر بعدين زاد لين 5 اسنان تزاحموا

ماشال ولا ضرس

و قالي بعد ما يشيل التقويم بحط الريترنر بس ثابت مو مثل اللي تقولنه انه اتشيلونه و اتركبونه

و بخليه من داخل

و الله يستر

مادري شلون بكون شكلي من غيره مع اني توالمت وياه يعني تخيلت اني ماراح احبه بس والله حبوب التقويم :cxxxp:

صج بالاكل لوعه بس شنسوي

والله يا قلبي قمت اوسوس بقوله ان شاء الله على الموعد الياي

ليش في حالات الاسنان اترد مثل قبل و اسوء اشوفه شقولي