قارمش+++ قارمش+++ قارمش+++ هيلب هيلب

[jolie_q8]

السلام عليكم

بنات اللي عندها معلومات عن قارمش تفيدني

ما عليكم أمر


++ من ناحيه السكن (يسوى اقعد فيها عشر ايام ) والا اقعد بميونخ واروح لها زياره !


++ من ناحية الجو (شهر 7 او 8) !!


++ الاماكن الحلوه فيها !!


++ الفنادق


++ الاسواق

++ والاشياء المميزه فيها وتسوى العنوه


ياليت تفيدونا بتجاربكم


:eh_s(17):

 

[jolie_q8]

:eh_s(10):

هممممم

ماميش معلومات؟

 

[فراولة^فوشيا]

والله قارمش اذكر رحنا لها عقب الغزو سنة 92 يمكن

كنت صغيره ،، بس رحنا ميونخ و من ميونخ رحنالها

اذكر الشي المميز فيها البحيره ،، في بحيره كبيره وحديقه حلوه

بس ما اذكر والله سوقه وهالسوالف ما اعتقد

هذي كل معلوماتي

 

[noty]

رحنا رحلة من ميونخ حق قارمش

ركبنا التلفريك و كااان صج وناااااسة

بس ماعرف الا هالشي

 

[ام لمى]

آنا رحت لها هالصيف يوم واحد بس
طلعت من ميونخ بالقطار ساعة ونص وبالليل ردينا ماتسوى تقعدين عشر ايام مافيها شي اذا كلش كلش يومين ثلاث فيها بحيرة حلوة وتلفريك وسوق ملموم اذكر حلو في محل اطفال كشخة كان مسوي سيل خذيت منه بدلتين لبنتي وشريت ساعة عجيبة من محل ساعات ناسية اسمه والله كان سعرها معقول يمكن 90دينار طلعت ,وكل من يسالني عنها هذا اللي اذكره هناك .وبالتوفيق حبيبتي

 

[jolie_q8]

مشكورين بنات على الردود

يعني اهيا ممكن نروح لها يوم واحد صح او يومين

واللي فهمته انكم كنتو قاعدين في ميونخ !! صح؟


وقارمش << بس فيها جبال وتلفريك وبحيره ... صح؟

همممممممم

شكرا وايد وايد

 

[sHa6o0ra]

قارمش تهبل بس روحي الصبح وطلعي قبل المغرب لان مافيها شي
بس تصعدين عالجبل فيه ثلج (حتى شهر 8 يطق ثلج)
وتحت اذا معاكم مرشد راح يوديكم كل الاماكن المهمه ويردكم بنفس اليوم

بس لاتقعدين فيها راح تطق جبدج

 

[سبائك]

اسمها يونس

جولي جربي المسافرون العرب يمكن فيه معلومات عنها

 

[شهدQ]

وانا اقول بعد العرب المسافرون ومنتدى سفاري راح ينفعونج وايد

 

[Q8tya_GirL]

انا رحت لها من سنتين بس كنا في ميونخ ورحنا قارمش يوم كامل وردينا
لانه نفس ما قالوا البنات تلفريك وبحيره وثلج حلوه بس ما تسوي عشر ايام تقعدين فيها

 

[jolie_q8]

مشكورين حبيباتي على الافاده- ما قصرتو

 

[طوق البنفسج]

جولي قارمش فيها تلفريك و بحيره مثل ماقالوا البنات التلفريك يوديج القمه فيها كوخ صغير مسوينه فندق و فيها بالارض مثل سكته قطار حق يهال .. و بس مافيها شي يعني رحلت يوم واحد اذا تبين روحي ميونخ و من ميونخ حجزي تذكره قطار حق سالرزبوغ قعدي فيها يومين حلوه و فيها بحيره سوق روعه و حلوه اهي قريه نمساويه على الحدود مع النمسا و بعدين طلعي منها روحي زلمسي هم قريه فيها بحيره و سوق و مطاعم بس روعه و منها اتروحين رحله حق كابرون و ترجعين زلمسي و اذا تبين ترجعين ميونخ ولا اتروحين فينا .. و خط السير كله تحجزينه من محطه القطار مره وحده يعني ميونخ سالزبورغ زلمسي ميونخ او فينا ميونخ ..

 

[& مــشــايــخ &]

رفيجتي راحت لها قبل ثلاث سنين تقول اهلها يلبسون ملابس قديمه نفس مسلسل هايدي وتمدحها حيل حيل حيل

 

[فراولة^فوشيا]

انا مع طوق البنفسج

اذا بتروحين ميونخ سوي لج رحله فيها ميونخ و زلمسي و سالزبورغ

وعن قارمش روحي لها يوم واحد من ميونخ

 

[لموية العسولة]

هلا حبيبتي جارمش تهبل وونيسة حيل بس مو مالت تبيتين فيها ابد ..يوم واحد يكفيج ...احنا قعدنا بميونخ خمس ايام ومنهم يوم كامل لقارمش ...وأحلى شي فيها الزحلاقيات والتلفريك ..وفي مكان يهبببببببببل فوق يكون الفاصل بين النمسا والمانيا صج صج يرد الروح ودار مدارج هالطيور السودة خخخ ...تذكريني لي رحتيه .