قاعدة اجهز لمطبخي .. ممكن مساعدة ؟؟

[برنسيسه مجهوله]

الســــــــــــلام عليكم ..

شلونكم بنــــــآآآت ؟؟؟

انا قاعدة اجهز لمطبخي ببيتي اليديد بس بصراحة ما عندي خبرة

يعني عندي صالتين استقبال وحدة ذهبي ووحدة فضي ابي اجهز اطقم

بس ما اعرف .. يعني الطقم لازم يكون جم قطعة على الاقل 20 - 40 ؟؟؟ :bbbiu:

هذا بالنسبة للقهوة والجاي

انزين المواعين جم طقم اشتري وشنو لازم اركز عليه اكثر ؟؟


ووين تنصحوني اروح واشتري ؟؟

بليز اللي عندها خبرة تفيدني , وبكون شاكرة لها من كل قلبي .. :hjy5jewf:


انا بالانتظـــــــــــــــــآر :yaaaaaarb:



​

 

[ام الدرر]

بس ما اعرف .. يعني الطقم لازم يكون جم قطعة على الاقل 20 - 40 ؟؟؟ :bbbiu:



حبيبتي للزوارة العادية حمولتج واهلج اخذي طقم كامل التي تجي 12 حبة من كل شي استكانات -فناجل قهوة -كلاصات عصير -كلاصات ماي-
واذا كانت يمعتكم حريم ورياييل فاخذي طقم ثاني ارخص شوي حق الديوانية او مقعد الرياييل
الحين الاسواق الشعبية صارت نفس المحلات الغاليه تلقين اطقم حلوةهناك وجمعية الفيحا بين فترة والثانية ينزلون اطقم روعة
ما للاستقبالات فانا انصح تاخذين كل شي من الشركة اللي تتعاملين معاها حق البوفيه وغيره

انزين المواعين جم طقم اشتري وشنو لازم اركز عليه اكثر ؟؟

اذا تقصدين الصحون حسب يمعتكم وطريقة الاكل اذا كان طاولات وبوفيه
الحين اطقم البورسلان الابيض احسن شي واسعاره معقوله وتقدرين متى ما احتجتي زيادة تزيدين
يعني مثلا اللي معاها قاعده لصواني الفرن ،المسطحة الكبيرة للمشويات والمحاشي ،المسطحة صغيرة للسلطات وحاولي تاخذين من كل نوع 4 على الاقل
اذا لبيتج واستعمالج الطقم الكامل اللي يجي من الصحن الصغير الى الصحن الكبير مال العيش ولا تاخذين اللي يجي معام اكواب الحليب لانه ماراح تستعملينهم



ووين تنصحوني اروح واشتري ؟؟
مثل ما قلت لج اطقم الشاي والمطارات الاسواق الشعبية مثل كرز الامتياز المعلم نفس المحلات الغالية واذا تحبين شي راقي روحي الصانع بمجمع الاوقاف او بهمن بالشويخ عند الشبرة او الشلاحي
حتى اطقم السفرة تلقين بالاسواق الشعبية او سنتر بوينت وA2Z

ومنزل مبارك ياقلبي​

[/COLOR][/SIZE][/FONT][/CENTER][/QUOTE]

 

[درة أهل الطولات]

لرفعععععععععع

 

[::كيك وعسل::]

uup
ااب
..,,

 

[برنسيسه مجهوله]

بس ما اعرف .. يعني الطقم لازم يكون جم قطعة على الاقل 20 - 40 ؟؟؟ :bbbiu:



حبيبتي للزوارة العادية حمولتج واهلج اخذي طقم كامل التي تجي 12 حبة من كل شي استكانات -فناجل قهوة -كلاصات عصير -كلاصات ماي-
واذا كانت يمعتكم حريم ورياييل فاخذي طقم ثاني ارخص شوي حق الديوانية او مقعد الرياييل
الحين الاسواق الشعبية صارت نفس المحلات الغاليه تلقين اطقم حلوةهناك وجمعية الفيحا بين فترة والثانية ينزلون اطقم روعة
ما للاستقبالات فانا انصح تاخذين كل شي من الشركة اللي تتعاملين معاها حق البوفيه وغيره

انزين المواعين جم طقم اشتري وشنو لازم اركز عليه اكثر ؟؟

اذا تقصدين الصحون حسب يمعتكم وطريقة الاكل اذا كان طاولات وبوفيه
الحين اطقم البورسلان الابيض احسن شي واسعاره معقوله وتقدرين متى ما احتجتي زيادة تزيدين
يعني مثلا اللي معاها قاعده لصواني الفرن ،المسطحة الكبيرة للمشويات والمحاشي ،المسطحة صغيرة للسلطات وحاولي تاخذين من كل نوع 4 على الاقل
اذا لبيتج واستعمالج الطقم الكامل اللي يجي من الصحن الصغير الى الصحن الكبير مال العيش ولا تاخذين اللي يجي معام اكواب الحليب لانه ماراح تستعملينهم



ووين تنصحوني اروح واشتري ؟؟
مثل ما قلت لج اطقم الشاي والمطارات الاسواق الشعبية مثل كرز الامتياز المعلم نفس المحلات الغالية واذا تحبين شي راقي روحي الصانع بمجمع الاوقاف او بهمن بالشويخ عند الشبرة او الشلاحي
حتى اطقم السفرة تلقين بالاسواق الشعبية او سنتر بوينت وa2z

ومنزل مبارك ياقلبي​

[/color][/size][/font][/center]

[/quote]

ام الدرر


يآحياتي مشكورة ويعطيج العافية

نفعتيني حيييييييييل يا قلبي ​

 

[برنسيسه مجهوله]

درة اهل الطولات

كيك وعسل

.......

مشكورين يآحيآتي ع المرور



.............


بس ابي اماكن اكثر اشتري منهم اطقم الاستقبال الكشخة ؟؟؟

غير الاماكن اللي ذكرتهم اختي ام الدرر ؟؟

بليــــــــــز بنات فيدوني ...

 

[اللوحه الفضيه]

للرفع

 

[روح الطبيعه]

اهلين ياقلبي >> ومنزل مبارك ان شاءالله

يعطيكم من خيره ويكفيكم شره

بالنسبه لاطقم القهوهـ والجاي

هو يرجع لطبيعة استقبالاتج اذا انتي من النوع اللي حبايبه واايد

فلازم يكون الطقم ع الاقل يتكون 24 استكانه و24 فنجان >> علشان ماتتوهقين
وعلشان يكون الطقم متشابه ومرتب سواء الذهبي او الفضي

واذا انتي من شعب التمر لازم يكون مع الطقم ع الاقل 4 تمريات وسط او 6 صغار وتكون جزاز
علشان تتناسب مع الطقم

بالنسبه للصواني لازم تكون 3 ع الاقل متشابهات باحجام مختلفه

وحده للمطارات ووحده للاستكانات ووحده للتمريات >> علشان ماتزدحم عليج الاشياء ويتلخبط شكل الطقم

طبعا حتى طاسة الماي للغسيل من التمر لازم تكون جزاز >> لزوم الذرابه وكماله للطقم >> ولازم تكون اكثر من وحده

علشان مايطرون المعازيم يتزاحمون ع طاسه وحده >> مو حلوه طبعا ^_^

وبالنسبه للحلويات اذا كنتي من النوع اللي يحب يصفهم ع ذوقه >> فأنصحج بشراء صواني تتناسب مع الاطقم
او اطباق جزاز لتقديم الحلويات

<< يمكن اكون نسيت شي بس هذا اللي يحضرني




اكيد اولا طقم جدور من الانواع الزينه وجم صحن احجام مختلفه ومعالق واشواك جميع الاحجام وسكاكين احجام بعد

والمعالق الكبيره وملاليس للطبخ

وطقم صين من النوع الجيد اللي صحونه مو مسطحه من 60 قطعه ع الاقل >> علشان ينفعج بالوقت الحالي
رمضان ع الابواب ^_^

وطقمين مختلفين من قلاصات العصاير ودوالك للعصيرات وللماي بعد ^_^

واباريج لطبخ القهوهـ والجاي ^_^

وسماطات اذا كنتوا من النوع اللي يحطون سفرتهم ع الارض >> مثلنا ^_^

ولاتنسين الصواني العاديه اللي تحتاجينها لشيل اغراض الريوق او لشيل الاغراض علشان

تحطينهم ع السفره ^_^

والله ماادري اذا نسيت شي بس حاسه فيج وحبيت اساعدج ^_^

ومره ثانيه منزل مبارك

هذا الكلام كتبته لج بموضوعج الاول اللي حطيتيه بالمطبخ وان شاءالله تستفيدين منه ^_^

 

[روح الطبيعه]

بالنسبه للمحلاث >> انا نقلت لج موضوع وحده من الخوات

الله يعطيها العافيه ذاكره فيه محلات حلوه وتفيدج

ولاتنسين الاسواق العاديه ترى فيها اواني منزليه احلى من الحلى واسعارها مناسبه %^_^


هذا الموضوع


السلام عليكم ورحمة الله

شلووونكم بنوتااات

بحط لكم مجموعه من أحلى محلات الأثاث والإكسسوارات والأواني المنزليه
في الكويت....وياليت تضيفون اللي عندكم....ويصير عندنا دليل مرتب وصغيروووون :0100:



ببتدي معاكم مع آخر المحلات اللي افتتحت في الكويت

Homesrus

بنفس شارع أي تو زيد
عنده كل شي أثاث غرف نوم...وغرف نوم أطفال.... أثاث مكتبي
...واكسسوارات ..شموووع ...كفرات....أبجورات
واحلىىىى شي عنده ....الكفرات ومكملاتهم....وعنده أطقم علب روووووعه تهبل
ملبسه بخام....ومعاها مكملاتها من مفارش وكوشيات..والوانها وشغلها فخم حييييل..
وكذلك عنده الأواني المنزليه رووووعه ...ماهي فخمه حييييل لكن حركات وألوان غريبه
والشموووع اشكالها غريبه..وأسعاره مورخيص ولا غالي معقووول جدا.بجدددد لايطوووفكم


Daiso

هذا محل ياباني تووووووه مفتوح في الكويت وعلى فكره بجانب Homesrus
فكرته سوبرماركت فيه كل شي ماعدا المواد الغذائيه وكل شي عنده

(( بنص دينارفقط لاغير))........ومنتجاته متنوعه.....لكن عنده ركن للإكسسوارات المنزليه العمليه..وورود زينه..وعلب وصناديق خشبيه..وأواني منزليه وعلب بلاستيكيه وادوات طبخ ...وللعلم(عنده قرطاسيه متنوعه ومواد تنظيف ومكياج وكريمات عنايه بالبشره وكلها غريييييبه ماجت الكويت من قبل ...اصلا الكلام المكتوب عليها ياباني في ياباني وتسألينهم ويترجمون لك للعربي.....وهذا بعد لايطووووفكم :016:


==============

إيـــثن إلـــن

مقابل إيس هاردوير
...أثاث أمريكي وإكسسوارات منزليه...راقي وبسيط بنفس الوقت
وهذا السايت حقه...للي حاب يتفرج www.ethanallen.com


==============

إي ديزاين
بجانب ميداس خلف لاند مارك الري
تخصصه أثاث واكسسوارات وأحلىىىىىىىىىىى مافيه إكسسواراته والاواني المنزليه وغرف نوم الأطفال وأسعاره مرتفعه نوعا ما..وتابع لمجموعة الساير



=============


إي تو زيد
إكسسوارات...شمووع....كفرات ...أطقم دورات المياه....أصباغ.وادوات ديكور
..أواني تقديم وأواني طاوله وأواني ومعدات مطبخيه

================

إيس هاردوير

كفرات ...أطقم حمامات....اكسسوارات بسيطه للمنزل واكسسوارات للحديقه
أدوات ديكور....اواني منزليه ...سواء للتقديم او للطبخ...أجهزه كهربائه مطبخيه

===================

إيكيا
مايحتاج أتكلم غني عن التعريف :040:

==================

الموضوع منقوووووووووول للامانه

 

[برنسيسه مجهوله]

بنت الطبيعة

.........
الله يبارك فيج

ومشكـــــــــوووورة ع المعلومات

 

[الحريشية]

انصحج تروحين محل قصر السلطان بالفحاحيل اطقين على راسج كل شى يخطر على بالج موجود من مواعين

 

[شيــوخه]

اممم عندج مكان يبيع امواعين حله

سوق المعلم الي بحولي وعندج الشاه بندر بفحيحيل

وعندج الجليب الاسواق الشعبيه واييييييييد حلو

وفي محل قريب عند سنتر بوينت بصفته عندهم اطقم روعه بس غالي

 

[أنهار الكويت]

حبيبتي بس حبيت انصحج بشغلة ترى لا يغرج المكان والله ثم والله اشتريت اكواب حق الحليب من رامز جان اروح جمعية الشامية ولا الاقيها دبل السعر والله ...
يعني الي بقولج اياه نفس كلام الاخوات في بعض الاماكن الشعبية تلاقين اشياء روعة شوفي اهي هالاشياء الروعة ما اتوقع تنفعج حق استقبالات الضيوف الا بسوالف البايركسات وهالاشياء وسوالف الاستخدام اليومي
اما اذا تبين اشياء ذربة وقيمتها صج فيها وشي راقي وما تستخدم الا بالمناسبات عندج المحلات الي اذكرتها لج الاخت الكريمة فوق ...
انا نفسج صالتي لونها فضي فطقمت مطاطيري وسكايني على هالاساس والصراحة ما خذتهم غالين لان انا مو بيت العمر قاعده باجار وان شاء الله قريب يطلع بيتي وخذيت شغلي نصه من سوق كرز ورامز ..