قاعدة الاثلاث rule of third

[جاي وحليب]

قاعدة الاثلاث
The Role of Thirds

هي من القواعد المستخدمة في الرسم منذ القدم ...وتم تطبيقها على التصوير الفوتوغرافي ايضاً....
وتسمى أحياناً القاعده الذهبيه... وهي ببساطة تعني تقسيم الكادر الى ثلاثة أقسام عمودية
وثلاثة اقسام اخرى افقية....

كيف يكون ذلك؟

بحيث تكون قوة العمل تتركز أما : بنقاط تقاطع الخطوط العموديه مع الافقيه....
أو أن تكون قوة العمل مركزة بأحد الثلثين سواء يميناً أو يساراً ...أعلى أو أسفل....

لماذا نطبق قاعدة الاثلاث؟

والسبب في ذلك كله هو ان وضع الجسم في الوسط غالبا
ما يؤدي الى النمطية والى فقدان الجاذبية والأثارة...

ولكن لكل قاعدة يوجد أستثناء...أو كما يقال بأن القواعد وضعت لكي تكسر !!!
وكسر هذه القاعده يكون لضرورة تخدم الصورة أكثر...
أو تطبيقاً لقاعدة أخرى من قواعد التصوير تكون محل تقديم على قاعدة الثلث........



متى نستخدم قاعدة الاثلاث؟

يكثر أستخدامنا وتطبيقنا لقاعدة الثلث في تصوير الطبيعة natural landscape...
فاذا أردنا التركيز على السماء او منظر الغيوم أعطيناها الثلثين وتركنا الثلث الاخر
للارض او للماء حسب الصوره الملتقطة...والعكس..
فاذا اردنا التركيز على منظر البحر او العشب والاشجار في الارض بحيث تكون
هي موضوع اللقطة جعلنا الثلثين لها والثلث الاخير لوحده من نصيب السماء...

كذلك تطبق هذه القاعدة في اغلب الاحيان في تصوير البورترية Portrait .....


منقول للكاتب/ alwadi، مع التصرف


والصور التالية توضح هذه القاعده...

لاحظنا ان مع تطبيق قاعدة الاثلاث نحصل على صور
اقوى تشد وتجذب المشاهد لها اكثر من بدون تطبيق القاعده..


لامثله اكثر.....
Click


فيديو من يوتيوب مختصر ومفيد جداً.....
Click



** بعض الكاميرات الجديده توفر ميزة بالكاميرا بعد تشغيل هذه الميزة
تظهر خطوط قاعدة الاثلاث بالشاشة لتسهيل العملية ولتجنب الميلان ايضاً...


** الصور منقوله من مواقع مختلفه عن طريق google
بغرض شرح الدرس فقط...
جميع حقوق الصور محفوظة لاصحابها...



هذا كان درسنا اليوم.. درس ممتع، سهل، ويعطينا نتايج قويه
مثل كل مره وبعد كل درس... ودنا نشوف تطبيقاتكم معانا...
وشكراً ...

 

[beauty]

يعطيج العافيه حياتي

موضوع جدا مفيد ... عندي استفسار ... اذا التركيز يشمل المباني بس حطيتها بالثلث الاخير من الصور ( فوق ) والثلثين ( تحت ) البحر ، تنطبق القاعده ولا اعتبر اني كسرتها مع العلم ان البحر عطى الصوره جمال اكثر من السما ( تصوير ليلي ) ؟؟؟​

 

[حور العيون]

مشكووووره
موضوع مفييد

 

[جاي وحليب]

beauty

ممكن تحطين الصورة علشان توضح الصورة اكثر..
اللي فهمته ان الثلث اللي فوق من الصورة للمبنى،
والثلثين اللي تحت للبحر.. عدل؟

بالموضوع نفسه.. اذا لاحظتي قلنا ان المصور اهو اللي يحدد
الاهميه او الثلثين يعطيها حق شنو بالصوره اثناء التصوير...
يعني اذا شفتي ان البحر فيه شي يستحق انه ياخذ الجزئين من الصورة
مثل، طراد.. واحد يصيد... الخ والمبنى وفوقه السما شي اقل اهميه او عادي
اهني ممكن تعطين الثلثين للبحر كونج تشوفين فيه جمال او عناصر تستحق انها تاخذ هالثلثين

لذلك اقولج يعتمد عليج انتي تشوفين الاولوية حق شنو بالضبط....





حور العيون

العفو.. حياج الله

 

[MassComm]

الله يعطيج العافية

 

[a7la tooota]

يعطيج العافيه جااايووونه والله درس مفيد عاد توني طبقت درس البوكيه لوووووول ,,

شوفي أنا بعد ثاني أو ثالث مره أقدر أستوعب الدرس ومع صورج وصور البنات راح أعرف أطبق ان شاء الله

 

[قلب المنتدى]

خووووش درس جايونه يعطيج الف عافية

هذا تطبيقي موجود بالفلكر مادري اذا شفتووو ؟؟

ماحبيت اوسط ( توسيط ) الورده حبيت اخليها عالجنب


​

وهذا التطبيق الثاني بس ( اول مره آخذ لقطة لاند سكيب )

وخليت الثلثين للسما لأن شكلها كان مو صج والثلث الأخير للبحر ان شاء الله يكون التطبيق صح ؟؟


​

 

[a7la tooota]

قلب المنتدى ,, شفت صورتج بفلكر وعلقت عليها ماشاء الله روعه ,,

والصوره الثانيه بعد وايد حلوه

 

[ام مهودي]

روعه قلب النتدى الصور حلوه
يعطيج العافيه جاي وحليب على الموضوع الروعه

 

[جاي وحليب]

MassComm

الله يعافيج ..



a7la tooota

اي دايماً تحبين تشاركينا بتطبيقاتج متأخر مادري ليش
بس ماعليه ناطرين تطبيقج معانا.. وشكراً على الرد



قلب المنتدى

تطبيقج صحيح للصورتين .. مشالله الصورة الثانيه جميله جداً
شكراً على المشاركة..



ام مهودي

الله يعافيج

 

[طوق البنفسج]

شكرا جاي

متابعتكم بكل الورش

 

[جاي وحليب]

طوق البنفسج

عفواً طوق.. نطمع بمشاركتج معانا

 

[دن دن]

يعطيج العافيه

 

[beauty]

جايونه لا تسكرين الموضوع بسرعه لان عندنا اختبارات ودي اشارك بس مو فاضيه ...

بحاول انزل لي صوره ع الاقل ... من زماااان ما شاركت معاكم

 

[beauty]

بشارك بصوره نزلتها بموضوعي ... وان شاء الله اذا حطيت الصور بالابتوب انزلها لكم

 

[جاي وحليب]

دن دن

الله يعافيج..


beauty

شكراً على المشاركه..
لاحظتي الورده شلون طلعت
اظن لو كنتي موسطتها ماكانت راح تطلع بهالجمال
بس كان ودنا بمشاركة يديده للموضوع هذا مخصوص

ماعليه راح اخلي الموضوع اكثر علشانكم
علشان فترة امتحانات مثل ما قلتي..
والله يوفقكم ويسهل عليكم ياارب

راح ننتظر مشاركتج معانا...

 

[a7la tooota]

جايونه شوفي هالصورتين ,, وحده قديمه و وحده صارلي جم يوم مصورتها ,, بس مادري اشسالفتنا عالورد لوووول كلنا حاطين

صور ورد

 

[beauty]

شاركت بصوره قديمه عشان اضمن اني شاركت معاكم

لان الصور الجديده بالكاميرا وماحطيتها بلابتوب ... ان شاء الله انزلهم قريب

 

[جاي وحليب]

a7la tooota

الصورة الاولى حلوه.. حبيت الغيم وايد
بس تمنيت مخليه مسافه تحت صوب المباني اكبر من جذي
وجودة الصورة ماادري كأنها قليلة شوي..

الصورة الثانيه اظن مستخدمة الفلاش وقوي على الورد
خصوصاُ الابيض ماسح بعص تفاصيله وملامحه..

شكراً على المشاركات حبوبه وبالتوفيج




beauty

اهم شي استفادتكم يابنات كل شي بهالقسم لكم ولفايدتكم
واللي يبي يتعلم عدل ويستفيد يبحث ويقرا ويشارك معانا دايما..
شكراً وان شالله ننتظرج..

 

[a7la tooota]

هلا جايوونه

الصوره الأولى أنا قاصه اللي تحت وايد لأنه المنظر ماكان حلوو كلش ففضلت أقصها وأخلي الثلث للغيم ,,

الصوره الثانيه مصورتها بره باضاءه الشمس وأعتقد مستخدمه الفلاش لأني جربت وايد محاولات مع الفلاش وبدونه ,, وهذي اللي ضبطت

معاي ,,

مشكوووره حبيبتي ماقصرتي