قالوا لي انــــســــــى !!

[LA TROO7]

صباح الخير ياخير الصباح
شلونكم جميعااا ؟؟ منيحين ان شاءالله

بنات صارلي 6 شهور من ولدت فيني حاله نسيان مو طبيعيه واحس كل مالها تزيد ومحتارة شنو السبب وشنووو العلاج سوست تحاليل شامله فيني خمول بالغده واعالجها عند افضل دكتور بنظري الي هو الانصاري ياحلاته هالدكتور بس مالها شغل بالذاكرة

وصلت لمرحله يدق علي ابوي يززززفني يالقاطعه انتي ماتعرفين تتصلين علي كله انا اللي اتصل وبيني وبين نفسي اصلا نسيت متى اخر مرة اتصلت على احد
صديقه عمري الله لايغير علينا زعلانه علي ترسل تتصل مارد اشوف المسج على ابو انه برد وانسى ... قبل فترة بتمرني ومتفقين عالوقت وانا الظاهر من سكرت السماعه عنها نسيت السالفه رحت ولهيت بعدددين لقيت منها اتصالات ومسجات اثاري البنت جات وراحت مادريت عنهااا لاني باختصار نسيت

اكثر شي مخوفني اني نسيت حتى مشاعري لناس احبهم ذكرياتي الحلووة نسيتهاا لما يذكرني زوجي بمشوار حلو او موقف حلوو اتنح ساعه ماتذكر:eh_s(2): اروح السوق ابي شغله اقعد فر ياربي شنوو كنت ابي !!!

المشكله اني بولادتي الاولى اخذت نوعين بنج اول شي ابرة ظهر على اساس طبيعي وتعسرت وصارت عمليه ببنج عام بس ماااصار في ذاكرتي شي

هالولاده وصلت المستشفى تعبانه حدي وعلى مايركبون لي ابرة الظهر وينتظرون التحليل عطوني كماام ودوووخني كمامهم بس عجيييييييييب بعدين حطولي ابرة ظهر عشان العمليه

تهقون من الكمام ؟؟ منو جربت كمام رويال حياة صار فيها نفسي

الاهم شنوو العلاااج ؟؟ بليز بليز بليز هللللللب مي:eh_s(2):

 

[بنت ذآك الأمير!]

آب مآعندي فكره والله بس مشكلتج غريبه

 

[شيــوخه]

الله يعينج

اكلي تمر كشمش جوز لوز هسوالف زينه للذاكره

كنتي قبل تاخذين حبوب اتضعف للرجيم لاني سامعه اتسوي شغله بلمخ اتخليج دايم تنسين

 

[وتين قلبـي]

انا نفسج مو اني ماجربت البنج والولاده انشالله اجربها الحين حامل باول حمل من بعد اجهاض عندي نسيان مووووطبيعي والحمدلله مافيني غده ولاشي بس فقر الدم يمكن اهو اللي يلعب دور بالذاكره تقريبا من قبل ٣سنين احس انسى حتى خواتي يذكروني باشياء صارت ما اذكر.. اذا صار موقف مع احد زعلت عقب فتره انسى شصار منو الغلطان مادري اسلم وانسى لو هي اللي غلطت بحقي
وافكر بس اولد بروح لدكتور يكتبلي حبوب الذاكره اخااااف يصير فيني زهايمر مبكر*

 

[!الجادل الصعب!]

انا جربت كمآم الهآآدي ومآ آدرآك مآ كمآم الهآدي ..,
من السآعه 4 الفجر للسآعه 1 الظهر وآنا آشفط فيه .. وفعلآ صآيره نسآآآآيه درجه آولى ..,
مع ان مر على ولآدتي تقريبآ سنتين والحين حآمل .. يعني على الولآده الثآلثه الا حآيشني فقدآن ذآكره ..,
حآولت آعوض بالفيتآمينآت وزهرة الربيع المسآئيه و اوميغآ 3 بس مآفي تحسن ملحوظ ..,
صرت والله آعتمد على ملآحظآت الفون والتنبيه الي بالتقويم آذآ ابي شي ضروري مآنسآآه لآآزم آسجله ..,
هذي ضريبة الامومة

 

[ام حمد 85]

الله يعينج مشكلتج غريبه

 

[مظلومه ياناس]

صدقيني كله من البنج العام والكمام ياثرون على الذاكره ومع مشاغل الحياة واليهال للوحده فينا تنسى بعد الاكل وشرب الماي ،،،،، الحمدلله على كل حال

 

[M.O.F]

جربي حفظي قرأن وشوفي شلون الذاكره ترجع قويه

 

[نـعـومـه]

الظاهر من البنج العام لانه توني اكتشف هالمعلومه

خالتي تقول موزين كثره البنج العام

وانا مستهينه واتمنى حتى بالفحص يحطولي بنج عام :/

 

[عروس البنفسج]

اختي إن شاء الله اقدر افيدك
من فتره طلع بالتلفزيون دكتور كويتي اعتقد مختص بالتغذيه
و باختصار قال ان في وايد أمهات بعد الولادة تصير معاهم حالات نسيان .. و الذاكره تنقص وااايد
والسبب حسب كلامه انه كان المفروض تاكلين اوميجا 3 اثناء الحمل
لأن الطفل عشان يكون خلايا المخ عنده ياخذ المواد المفيده من مخ الام ( مو عارفه اذا التعبير صح 100%) بس هذا المفيد
وهالشي يأثر وايد على خلايا المخ للمرأه الحامل لدرجه يصير معاها حالات نسيان بعد الولاده و صعوبه تذكر
وقال ان احسن نوع من الاوميجا3 هو نوع اسمه pulse وعلبته لونها كحلي قيمته حوالي 4 دنانير و 600 فلس موجود بصيدليه جمعية سلوي
قال انه احسن نوع متوفر بالكويت
وان الكل لازم ياخذه وقت الحمل من بدايته عشان الجنين لا يأثر على خلايا مخ الحامل
شكوتك اختي سمعتها من وايد حريم و كلهم ما جربوا ياخذون الاوميجا3 ...طبعا هذا غلط الدكتور المفروض يتم تنبيه الحوامل لهذا الموضوع
حاولي تاكلين هذي الحبوب وان شاء الله راح يتحسن وضعك

 

[sweeta77]

انا سمعت ان مرات اذا الام ما تاخذ اوميجا بالحمل البيبي ياخذ من الام
وهذا ياثر على الذاكره عندها

 

[QYtiya.com]

منو قال الغده ماتاثر عالذاكره بالعكس حبيبتي تاثر بس موو حيل انتي يمكن من الغده والبنج مال الولاده واحتمال فقر دم عشان جذي الذاكره عندج مو اوكيه
الله يشفيييج ياااارب
انا فيني غده واعاني من النسيان بشكل فضيييع فلا تحاتييين

 

[مس لوتس]

ياحياتي تري من البنج لان انا معاي خمول بالغده ما اثر ع ذاكرتي. ذكرتيني بزوجي مسوي عمليته بفرنسا وكان بنجه قوي لمده ٦ساعات لان حاولوا فيه بكذا بنج مانام قال الدكتور ماينفع معاك الا اقوي شي لان زوجي يدخن المهم بعد العمليه حاله نسيان فضيعه قاله دكتوره الفرنساوي اكل حبوب اومقا ٣ والحمدلله حسيت بتحسن بزوجي قبل كله ذكريني وذكريني نصيحه اكليها اومقا٣ الحين حماي ياكلها عشان الاختبارات ماينسي المعلومات هههههههه موففه حبي

 

[مس لوتس]

صح كلام عروس البنفسج مو اي حبوب اومقا تاخذين هناك نوعيه جيده

 

[Vous jamais]

الله يشافيج

و بعد سمعت عن البيبسي الدايت يخلي الواحد ينسى

فاذا كنتي تشربينه اقطعيه ..

 

[زين ودلال]

من البنج

انا عقب الولاده بثلاث شهور صار عندي نسيان مو طبيعي حتى طريجي المعتاد اتنح اقول امبيه الحين وين اروح !!!! احس مخي يتعب

بس الحين لا الحمدالله ماكو شي بنتي عمرها سنه

 

[Australia girl]

نفس حالتي شكثر قمت انسى وايد وايد

انا باستراليا طيب وفي وحده نفس حالتنا راحت لدكتور ووصفلها فيتامين د يقول زين للذاكره ...سالي الدكتور عنه ....

 

[االفرس]

حبيبتي حتى انا من عقب ولادتي يصير معااي نسيان بس مو لدرجه اللي انتي وصلتي لهااا .. اهم شي لا تسكتين عن حالتج راجعي دكتور مختص اهو افهم وخليه يسويلج فحوصات ويعطيج فيتاميناات حق جسمج .. مو تنسييييييييين روحي لطبيب ..

 

[kitty eyes]

انا سمعت ان الكمام يأثر على الذاكرة

بس لا تسكتين على نفسج

لازم تراجعين

 

[ورده عنابيه]

اللة المستعان