قالولي 80 % بنت وانا باول اسبوع من الخامس هل ممكن يطلع ولد ؟! بليز دخلوا

[خوخة الكويت]

السلام عليكم .

قوة شخباركم ...

بنات انا سويت سونار باول اسبوع من الخامس و دكتورتي طولت و أهي تحرك السونار اول شي مو مبين بعدين قالت مو أكيد بس 80% بنت ؟؟

انا صراحة عندي إحساس انه ولد لان انا و ريلي كله نتحلم بصبيان !!! تهقون المراجعة اليايه ممكن تقولي ولد ؟!

منو قالولها بنت بعدين قالو ولد و يابت ولد ؟!

مع العلم انا توني بجر بس احساسي اهو اللي مخليني اقول ولد ،،،

 

[loolwah_2010]

ماعليج منهم نطري انا بسادس قالولي ٧٠٪ ولد وانا اقول والله فيني بنت محد مصدق
وبعد سبوع رحت له قالي دكتوري من قالج ولد اصلا فيج بنت الحمدالله استانست الان انا وزوجي نبي بنت

انا اقولج احساسج اهوا الصح ان شاءالله الان انا من دريت اني حامل وانا حاسه بنت
ولا نطري روحي اول السادس تاكدي وان شاءالله الله يرزقج الولد

 

[tho tho]

حبيبتي الولد يبين بسرعه
يعني في ناس من اخر الثالث يبين انه ولد
الله يعطيج على قد نيتج يارب
و شوفي دكتوره ثانيه سونارها اوضح

 

[الينبوعة]

حسب محد يكدر يساعدج بهاي الشغلة احتمال اي واحتمال لا

انا بحملي الاول كان ابني صغير حيل وحتى وزنة يوم الولادة كان كيلو ما كان واضح قالت لي الدكتورة بنت وبعدين بشهر السادس قالت ولد
بس حملي الثاني كنت في الاسبوع 14 وقالت لي الدكتورة ولد 99 بالمية

يعني الولد ما يغلطون بي كثير واختي قالت لها الدكتورة بشهر الخامس بت 80 بالمية وفعلا جابت بنت

الله يرزقك ياربي بالولد والمرة الجاية تقولج الدكتورة ولد ​

 

[ام أحمدووه]

اذا قالت لج ٨٠٪بنت يعني اتوقع بنت
مالج شغل باحساسج هههههههه انا لاني كنت اتمنى ولد فكنت امشي واقول حااااسة فيني ولد
بس بالسونار اكدتلي الدكتورة انها بنت

انشالله ربي يرزقكم بالولد
واهم شي الصحة والعافية

 

[ألــمــاسه]

ان شاءالله احساسج يصدق


​

 

[@ام يوسف@]

حبيبتي الله يتمم عليج مادام انتي بجر اعتقد عادي بنت والا ولد اهم شئ الصحه والعافيه والخلقه التامه

 

[خوخة الكويت]

انا بنطر الشهر السادس وبتاكد والله احساسي يقول ولد وكله احلم بصبيان و زوجي يحلم بشيوخ !!!!

وااااي عاد ما فيني صبر انطر الشهر الجاي

يعطيكم العافية حبايبي ع الردود الطيبة

 

[خوخة الكويت]

Up

Up

Up

 

[بنت جنيف]

انا باخر حمال لي كله تفسير احلامي صبي واحساسي كان صبي ونساتي وشكل بطني مثل ولدي بالضبط وبالرابع اكدلي ولد وبالخامس طلعت بنت وياحلات البنات والله وانتي توج بجر انا عبالي عندج بنات وتبين ولد الدرب طويل جدامج البنت البجر احلى شي اصلا والبنت والولد خير ونعمه اهم شي الياهل يكون بصحة وعافيه

 

[tmtmt]

انا احساسي كان كبييير
ان ولد وطلعت بنت قمر عسل تهبل

ان شاءالله الي فيه خيره لج يكون
وان شاءالله يكون بصحه وعافيه

 

[_ظل الياسمين _]

انا بنطر الشهر السادس وبتاكد والله احساسي يقول ولد وكله احلم بصبيان و زوجي يحلم بشيوخ !!!!

وااااي عاد ما فيني صبر انطر الشهر الجاي

يعطيكم العافية حبايبي ع الردود الطيبة

انا ماابى اخيب ضنج بس بعد عشااان لا تتعلقين بالاحلااام مثلى......

انا وريلى كنا نتحلم بالملك عبدالله وانا شفت بعينى البيبى واسمه عبدالله بالحلم.......

وكنا خلاااااص على قناااااااااااااااااااااعه انه اللى جاى عبيد .......:ggdw:

وكل مااروح اخذ سونار تقولى بنوته .....بس كنت اقول لا احلامى ........

واحساسى..........بعدين يتنا احلى بنووووووووووووووته كلت قلوبنا ونستنا عبيد....:eh_s(9):

ربى يخليها ويصلحها يااااااااااااااااااااااااارب ..........:yaaaaaarb:
عشان جذيه لا تتعلقين لا بحلااااااااااااام ولا باحساس واللى من ربى يامحلااااااااااااااااااااه..:eh_s(15):

 

[أأأميرة الورد]

الله يرزقج باللي تبين
حبيبتي عادي قولي الحمدلله ولد ولا بنت
اهم شي تام الخلقة

 

[شيخه و طيبه]

الله يجعله من الذريه الصالحه بنت والا ولد الله يحسن خلقته و اخلاقه والله يهون عليج

 

[ام سارونة]

أنا صار لي بحملي بولدي نفس قصتك
في الشهر الرابع قالت لي الدكتورة 80 بالمئة بنت
احساسي انه ولد
وفي السابع تأكدت انه ولد
واسم الله عليه الحين عمره3

 

[أم حمودي**MALL**]

الله يرزقج باللي تتمنين

 

[Shelby]

شوفي انا حامل واول حمله لي كنت اتمنى انه ايكون بجري ولد بس الدكتور اكدلي انها بنت والحمدلله حدي مستانسه ومتشوقه اشوفها كل ياهل رزقه معاه والحمدلله اليهال نعمه ولازم نحافظ عليها والله يسهل عليج يارب

 

[خوخة الكويت]

Up

يعطيكم العافية ... وبنطر بعد شهر و بتاكد و اللي يجي من الله حياه الله ...

 

[خوخة الكويت]

Up

Up

Up

 

[حلا vip]

نفس ماقالو الولد يبين بسرعه يكون واضح حيل واشكثر بين معاهم اخرر الثالث والله انا يوم كنت بجر ماهمني نوع الجنين اهم شي اني بصير ام ويوم قالولي بنت طرت من الفرحه لانه توني والحين توني بالثالث ولو تطلع بنت هم راح استانس عاد اذا من الحين تتمنين ولد الله يعين والله يرزقج باللي تتمنين