بالطــياره ..
فتون كانت يمها بنت صغيره عمرها تقريباً 12 سنه
ومحمد كان يمه ريال جبير شوي بالاربعينات !
وزيون معاها حمني ،
زينه : حمني بس لاتعور راسي البنت ماتبيك
حمني : بس انا احبها زينه اهي مو راضيه تفهمني
زينه : انت الي سويته فيها مو شوي بديتها على وحده طايحة حظ
حمني : ماشي .. بس والله لاخليكم تندمون كلهم واحرق قلبها
زينه : الحمدالله والشكر بس
حمني طالعها ورفع حاجبه : ماتاكلين تبن ؟
فتون ماسكه الايباد وقاعده تلعب ..
محمد ماسك تلفونه ويشوف المسجات ويضحك ،
يا الحمااااار متى تيي الكويت مس يو اقوى شي
امبي يالخبل وينك ؟ رد علي رد الماي بحنجورك
ترا مامي مشتاقتلك حيل ومعصبه عليك حييييييييييل
يااربيي وينك شفيك ماترد ! هاااه
خلاص خلاص مابي اسولف معاك انا جعليت .. بس ذا تبي تراضيني يبيلي ككاوات واحم بلايز وهيكا اشياء
صك التلفون وقامت انظاره ادور زينه ..
_____________
بالشاليهات ..
نواف: الحمدالله والشكر اتغشمر معاج انا ؟
مها سكبت فيه
نواف بصراخ : مهااااااااااااااااااااااا!!
مها انصرعت ولفت عليه بسرعه
نواف ماسك ضحكته : ماكنت اكلمج ! شكو ماتردين
مها برطمت ودمعت عينها
نواف : ياربي شكثر حساسه ! شفيج مينونه ؟ على كل شي تبجين ! الله بلاني بوحده *** !
مها قامت من القنفه بس رد مسك ايدها وطيحها بالارض .. بصراخ : انا لمه احاجيج ماتقومين الى لمه اقولج فاااااااااهمه
مها مسحت دموعها وهزت راسها : اوكي
نواف : عبالي بعد ! هنديه ماتفهمين قومي ذلفي سويلي جاي
مها قامت من الارض ومشت ليمه المطبخ
طلعت الغوري وصبت فيه ماي وحطته بالجوله وقعدت بالكرسي مطنقره
" شلون اكسبك ! .. مينونه تكسبينه ؟ كافي يكرهج وماخذج غصب .. اصلاً شنو بحب فيني ؟ عنده ستين الف بنت غيري .. وكافي اهله مايدرون عني .. اااه يااا رب "
_____________________
وصلـو إلكـويت ابطال روايتي .. وكل واحد راح بيته ..
الي تعبان نام .. الي راح ياخذ شور .. الي راح يرتاح
والي راح ياكل !
___________________________
اليوم الثاني .. الساعه 9 الصبح
فيروز بصراخ : ابي اعرف انتي خـبله ! .. شنو يعني تحجي معاي مثل الناس ماني قادره افهم شي ! .. اهي قالت جذي ؟ قالت له اني احبه !!! على اي اساااااااااااااس اوووووووووووف
صكت التلفون بويها ولبست جاكيتها وخذت سويجها وهي معصبه
نزلت بسرعه تحت وشافت امها : يمااه انا بطلع باي
الهاام : هيي تعالي هني ؟ وين على الله !!
فيروز : الجامعه
الهام : الساعه جم بترجعين !
فيروز : مادري يمكن اتأخر
الهام تحط القهوه من ايدها : يعني ؟
فيروز : اممم يمكن 2 ونص
الهام : اووخ ! حق شنو كل هذا
فيروز بوهقه : يمااه محاظراتي وايد اليوم والمحاظره الاولى تبدي 10 ونص
الهام : اي الحين تسع بالضبط وين بتذلفين
فيروز : بمر مريوم بعدين بنروح وعلى مانلقى مسفط وعلى مانمشي وندخل المحاظره الى صارت 10
الهام بستسلام : زين روحي بس مري المكتبه يبيلي الكتاب الي قلت لج عنه
فيروز تمشي بسرعه : أوكي باي
الهام : الله يفحظج !
راشد : لح.. وين راحت بنتج !
الهام : الجامعه ،
راشد يقعد يمها ويمسك ايدها وغمز : خوش يعني البيت فاضي
الهام : ههههههه يوز عن حركاتك " سحبت ايدها " بنتك هني
راشد : !!ردت ؟
الهام : اي امس بليل
راشد : وليش ماقالت
الهام : ماكنت بالبيت كنت عند ربعك الي مشلوع قلبك عليهم
راشد يبوس راسها : والله محد شالع قلبي غيرج ميمي
الهام : ههههههههه
راشد يقوم : يالله انا ماشي
الهام تبتسم : مع السلامه ..
_________________
عند زينه ،
زينه : اووف شفيك محمد مو قلت لك لادق علي
محمد : شسوي .. اشتقت لج ؟
زينه : بس انا
محمد يقاطعها : بس شنو !
زينه : اووف ولا شي
محمد عصب : شفيج زينه !
زينه : مافيني شي
محمد : لا فيج شي
زينه : اي انقثيت منك لاعت جبدي
محمد انصدم من اسلوبها وسكت
زينه " احسن "
صكته بويها ..
قامت من الفراش وهي تغني و ولا هامها عبالها برد يدق عليها وعادي متعود يعني ،
طلعت من الغرفه ونزلت الصاله : انوو .. انوو
انو " خالتها ، " : هلا
قعدت يمها : وين امي ؟
انو : شدراني طالعه
زينه حطت راسها ع جتف خالتها : ياليتج انتي امي
ابتسمت انو : ليش ؟
زينه : انتي الي تهتمين فيني وطلعيني وتونسيني .. انتي الي ربيتيني !
باستها انو : حياتي.. بس بتظل امج امج وانا خالتج
زينه : ادري .. الله كريم بس
انو : هههه ها عندج شي اليوم ؟
زينه :لأ ماخذه بريك جم يوم
انو : امم عيل قومي لبسي خنروح الافنيو
زينه : اوكيشن !
بنفس البيت وبغرفة حمني ،
قاعد بالسرير والف فكره ادور براسه : الى احرق قلبها مثل ماحرقت قلبي .. مسك تلفون ودق على عبير ..
طوووط .. طوو.. : الووووووو !
انصدم شالته بسرعه : هلا عبير
عبير: حمنيييي اشتقت لك !
حمني : تستعبطين ؟ كان عندج رقمي
عبير : لا والله ضايع انا مو مسجلتك
حمني : اها .. شلونج ؟
عبير : دامي سمعت صوتك بخير والله بخير
حمني ابتسم : دوم ،
_______________
وصلت جدام بيتها وطقت هرن ..
نزلت وهي تعدل حجابها .. ركبت يمها : هاايو ،
فيروز : هلا والله .. سمعتي باخر الاخبار !
مريم تغني بستعباط : سمعت باخر الاخباااااااااار نسيته قلبك الغدااار
فيرروز : شتبين يعني ؟
مريم : جب جب .. اي سمعت سالفه نور !
فيروز : اي بنت الكلب والله بطت جبدي بس ماخليها شكلها ماعرفت منو فيروز
مريم : تستاهل وربيها هاه .. وهالخبل مصدق انج تحبينه ؟
فيروز : شدراني ماشاف ويها بالمنظره
مريم : امم اذا عن شكله ايننننن ! بس مشكلته وايد نفسه وشايف نفسه
فيروز : يامعوده طيري بس
مريم تفتح ملفها وتراجع التقرير : جب جب خنشوف التقرير بس
فيروز : صج بقره !
_____________________
جابلي اغلى هديه يوم قال يحبني ،
تحققت الامنيه يحبني و يودني
يَ ما عانيت وقاسيت صابر ماهمني
انتظر كلمه منه انه حيل يحبني !
صكرت الاغنيه ودموعها بويها : اوووف خلاص يافتون انسييييييه
ردت مسكت التلفون ودقت على زينه
زينه : الووو
فتون : هلا زيون
زينه : هلا حبيبتي .. توج قاعده ؟
فتون : اي والله حده ضايق خلقي
زينه : قومي لبسي بنروح الافنيوز انا وانو
فتون : ماشي عيل خنكلم امي واردلج خبر بس دقي لانه ماعندي رصيد بخلص
زينه : اوكي دزيلي بنق لي خلصتي
فتون : اوجي باي
______________
brb
