قاموس للكلمات الخليجيه الرومااااااانسيه

[Freakya]

بدال ما اقراها يا مال العافية قريتها يا مال الضربة !!!

 

[جولينار]

خلي لسانك عسل على شوية خجل


والكلمات الحلوه مايبي لها حفظ او قاموس


تطلع من القلب للقلب

 

[درب المحبة]

انا ماني متزوجه بس هالكلام دايم بلساني (هلا الحب /بيبي/ ياروحي/ يادنيتي/ واحب هالكلمه لما تنادينه ويقولج لبيه قولي لبا جوفك /يمال العافيه احسها ذربه)

 

[وردة^الكويت]

الكلمة الحلوة تطلع عفوية

مو حلوة تكون مدروسه من قبل

مع الايام اذا صج حبيته راح تلقين نفسج ترطنين حجي حلووو من دووون شعور

 

[الشامريه]

يااااااااالبيه 

 

[حلوه بس بلووه]

والله ماعندي غير الي قالوه بس انتي لقطي من جم اغنيه

 

[ماني من الناس]

دلعي اسمه اذا يحب

فيه مصطلحات وايد دلع بالانجلش حلوه حسافه عاد خخخ

امممم خل افكككككككككككر شي بالعربي







حبيبي <<عاد كلش عصرت مخي ههههههه

 

[دلع العتبان]

يوم يجي من برا قوليله وجعه ابوي مانمت بعد

يوم يبي ينام قوليله نامت عليك سليمه

يوم يبي يطلع قوليله اي روح ههههههههههههههههههههههههههههههههههااااي

تبي تودرها

بالعون فلحتي حبيبتي الكلام الحلو مومحفوظات ولاعلب نقوله لج وتنجحين بحياتج الكلام الحلو من القلب للقلب فمانقدر نقول شي لج تقولينه له الا اخلج على طبيعتج وقولي اللي بخاطرج موفقه والله يتمملج على خير حياتي ​

 

[سنااااي]

ياحيني لــــــــــــــك

 

[.: زقرتية :.]

هلا بطوايفي

 

[dectora 7elwa]

البنات ما قصروا

 

[فلنتينو]

كل كلمه حلوووه قوليها
لاتخلين ولا كلمه:wqedqw::eh_s(21)::fun:

 

[احلام هزيله]

كلمات رومانسية خليجية ماكو ..تتشابه بين المغرب والخليج وغيرها ؟

لكن اهم دلوعه واكثرها تأثير ..دلوعـــه الاسم ..ركزي عليها ...


وهلا يا أطيب زوج .....هلا يا أحلى زوج ...هلا يا عمري ..الخ
​

 

[رآء يآء ميم]

@ يا بعد حيي وميتي

@ يالبى قلبك وروحك و كل ما فيك

هذا الي دايم ع لساني

 

[أملي بعد الله]

لووول بارك الله فيكم بنات حتى أنا أستفدت حبيت هالكلمات يامال العافية .. هلا بطوايفي ..دنيتي ..

أنا أقولج عن تجربتي أكثر لحظة يتأثر فيها الريال بكلامج الحلو هي أول ما يي من العمل .. وقبل لا ينام .. وإذا ياي مبسووووط حده من بره أو العكس زعلان وضايق ومحتاج حنان .. أو إذا كان مريض وكل بالسرير أو بتودعينه للعمل هههههه اشبقى

إذا كان مشغول أو تعبان فيه النوم حده أو مستعجل أو معصب في هالأوقات مايركز ترى شنو قلتي بالضبط

قولي قلبو تعال كيت كيت .. حبي شلون كيت كيت .. غناتي تكفى جيب هالشغلة ..

إذا ناداني فلااانة .. أقول سَم عيوني ؟

وويهي منشرح ..

أوووووه شقولج عن الكلمة أنا توني عروس وأول شهر يوم صرت أقولها والله يستاااااااااااااااانس ويتشقق ويقول تسلم عيونج :$ وخصوصاً إذا ماكان توقعها أو كنا يم أهله يحس إنه كينغ هههههه

لا تقولين نعم أو إيوه أو وش بغيت

عودي لسانج علي : آمر .. سم .. لبيه .. عيوني .. عيونها .. قلبي .. يا لبـا

إذا شرب الماي .. قولي هني يانور عيني .. الله يسقيك من ماي الجنة .. أو اسقيه بيدج وسمي واذ خلص امسحي ع شعره مع نظرة حب منج وابتسامة وبوسة حلوة ع الخد نعومة

إذا كنتوا تتغدون أو تتعشون بالشقة وانتوا على السفرة وانتوا ساكتين فجأة قولي : تدري وش أتمنى حبيبي

برد يقولج شنو ؟

قولي إني أجتمع وياك بالجنة على سفرة الرحمن

أووووه بيرتفع عنه الأمبير وبيرد عليج بيقول آمين وهو حاس بحبج وإخلاصج

إذا جاب شغلة للبيت .. قولي ربببببببي يسلم هاليديييييين ياحلووو .. وبوسي ايده واحضنيه وشيليها عنه

فديتك يا تاج راسي ..الله لا يحرمني منك لا بالدنيا ولا بالآخرة يانور عيوني .. أيامي وياك أحلى أيام عمري

ياروح روحي .. يا توأم روحي .. يا أغلى الغوالي .. ياغناتي في حياتي ياعزي وهيبتي ( هذي يدّي يقولها لأحفاده دون استثاء ومأثرة فينا شرايج لو قليتها لريلج :$ )


بالتوفيق حبيبتي يارب

 

[آوص ياجرحي سكوت]

^^^^^^^^^^^^
^^^^^
وي وي ياحلااااااااات كلامك يونس ماشاء الله عليك




بس بقوووول لصاااحبه الموضوع شي اتوقع انك من جده فاخليك على طبيعتك كلااااااااااامك الجداوي بحد زااااااته
دلع و ولع جوناااااااااااان خاقوقي
ياشيخه انا قعدت بجده 3 سنوااات وتبرمج لساني على كلااامكم اذا تكلمت عند زوووووجي تشقق يستااانس حيل
مو بس هوا حتى لما اروح اي مكااان يقولي شفنا سعودياات بس مو نفس كلاامك
بس الحين بادي يتبرمج على اللهجه الكويتيه

 

[غنج اهلها]

الله يوفقج ياقلبي

اتفضلي هذا الموضوع خاشته عندي لين اتزوج واستفيد

وبالعافيه عليج

http://www.q8yat.com/t805866.html

 

[AnOo]

عسوله
شفت في بياناتك أنك من أهل جده
و معروفات أنتم بالكلآم و الألفاظ الحلوه و اللي فيها دلع و غنج
هو كويتي
بس أنتي سعوديه من الحجاز

أشوف أنو أحلى شئ أنك تتكلمين معه و تغنجينه
بحكيك و بلهجتك أصلاً بيحبها وبيحسّ أنها شئ حتى لو كآنت بسيطة

نصيحة أخت يَ الغاليه
و الله يوفقك و يوفقنآ اجمعين ​

 

[modern]

انا اقول دايما حياتي و بس و بزيادة

 

[زوجي توأم روحي]

اذا جا من بره قوليله

هلا بالطش والرش وماى الورد بقراش

واذا خلص اكل قوليله

مطرح ما يسرى يمرى ومطرح ما يأسس يبنى

واذا قعد الصبح قوليله صباح الورد الجورى والفل والياسمين