قانون الخصخصه .. تعالوا صوتوا هنا (( انتي مع او ضد هالقانون ))

[vogue grl]

ضـــــــــــــــــــــــــــــد

 

[vogue grl]

ضـــــــــــــــــــــد

 

[كويتيه مستحيله]

ضد الخصخصه
عندنا تجربه
محطات البنزين
تخصخصت وشنو فرق مثل ماهي
شفنا شي تغير؟؟؟لا
شفنا سوبر ماركت بالمحطه؟لا
شفنا حمامات نظيفه يديده؟لا
شفنا خدمات ثانيه مثل كراج مطاعم استراحات مصلى ؟؟لا لا لا لا
شنو استفدنا عيل
الي اعرفه انه هالقانون اطرحوا للمره الاولى بمجلس 92 وماوافقوا عليه
اتهقون ليش مع ان ب92 كنا محتاجين التنميه اكثر تونا متحررين من الغزو والديره تصفر
ليش ما طبقوا ؟؟؟؟؟؟؟؟؟؟؟؟؟؟؟؟؟​

 

[الـــثـــريـــا]

غريبه شنو هالكلام ... يارب تسدد ولاة امورنا وتوفقهم لما فيه صلاحنا

 

[جلاديلياس]

ضدددددددددددددددددددددددددددددددددد

 

[احلى عضوه]

حسبي الله ونعم الوكيل

اللي يحب الكويت صج ما يبيعهااااااااااا

اللي يحب الكويت صج ضد هالقانون

 

[كميثره]

تم التصويت

 

[الرياش]

أمبيه بنات مجلس الأمه يقره بموافقة 33 نائبا و رفض 28
ألحين بعرف منو النواب الي وافقوا ومنو الي ما وافقوا الي تعرف اتقولي

 

[الرياش]

ايه صج انا ضد القانون بس شالفايده
الله يستر من الياي

 

[ضفدوعه]

صوتنا ولا قعدنا منو ماخذ براينا
مشكوره

 

[& ام سلمى &]

ضد حسبي الله ونعم الوكيل

 

[زبدة ككاو]

الكــويت مــآهي للبيــع

وأنــآ ضـد هــآلقــآنـون الله يقطعــه

 

[شمس 20]

انا ماني عارفه شي بالخصخصة

بس اهم يشوفون شي احنا ما شوفه

وكيفهم

 

[زبدة ككاو]

بنــآت هــآلقــآنوون جــآبلي إكتئــآب

حسبي الله عليهــم

 

[خشف بدو]

اكيـــــــــــــد ضد القانون

 

[●|أملي بالله كبير |●]

لآ للخصخصه (ضدهـ)

 

[**سهام**]

يبونا نصير مثل اندونيسيا اللي لما خصخصوها <<<< مليقة الكلمة بالغصب كتبتها
شوي شوي قامت تنباع الشركات حق مستثمرين اجانب ولما خسرت الشركات قبوا التجار والمستثمرين كلهم برا البلد
وقطوهم على صخر
والحين شوفوا الشعب الاندونيسي يشتغل بكل دول العالم وبأردى المهن خدم وغيره لانه اقتصادهم انهار بسبة الخصخصة
عقب ما كانوا من النمور الاسيوية وكان الاندونيسي يحط راسه براس الماليزي والسنغافوري والحين يشتغل خادم عندهم
مع انه التعليم في اندونيسيا لم يتم خصخصته لذلك تجدونهم كلهم متعلمين لكن فقارى ما عندهم وظايف ولا اقتصاد
فاعتبروا يا أولي الالباب

 

[عذاااااب الروح]

ضد
الكويت مو للبيع

 

[DốǾốDї]

اكيد ضد

مو هذا الي يبيه .. يبي الكويت تصير طبقااات يبي الغني والفقير

ويبون الكويتين يشتغلون بالشوارع ويغسلون السياير

وتقولون وين دور الحكومه ؟؟؟ الحكومه كلها من الكباريه و هذا الي يبونه ما يشوفون الا مصلحتهم

حسبي الله ونعم الوكيل عليهم


ما اقول الا الله يرحمك بابا جابر كنا بعزز بأيامك وما نشكي كنا مرتااااحييين

 

[هاردلك ياحظي]

مع القانون والخصخصه راح تفيدنا واااااايد يعني شنو فيها اذا تخصصت الدوائر الحكوميه ؟؟
بالعكس راح نطور الدوائر الحكوميه احسن من الحكومه نفسها
واللي تقول التجار ما يشبعون شفيج عسى ماشر هذاا يزاتهم يعني بيطورون من الديره وينفعونكم واذا شروا قطاع النفط هذا شي راجع للحكومه انتم مالكم شغل واذا تخصصت الدوله بكبرها لا تخافون ترا احنا بشر ما راح نقطكم بالشارع على قولتكم ترا الناس موسوا (( صاحبة الموضوع )) انتي حاطه ان شركة زين رفعت اسعارها دبل تدرين ليش لان الشركه لها سياسه تتبعها ونمط معين فبليز لا تخلطون الامور في بعض واللي تقول الفقر راح يزيد انا اقول لها حبيبتي لا تخافين الفقر ما راح يزيد واحنا وراها

هي انتي لاتحسسيني اني ابووج الخرااافي

لاتقعدين تهايطين علينا يعني شوفوني بنت تااجر ..

والله شكله بااجر محد راح يبجي من القرار الا انتي واهلج .. وقولي هاردوو ماقالت ..

نفس اللي صوتو للحريم الحين متندمين قد شعر رووسهم ...

وبصرااحه بديت اشك فيج انك كويتيه ..

بااين انج من شلة عرقرق ... استغفرالله .. بكل موضوع ناطه تهايط علينا ..