السلام عليكم
بليز اقرو الموضوع قبل ما تصوتون بعدين صوتو
أول شي سوري على عنوان الموضوع أدري ان في منكم ابوها او اخوها يدخنون
بس اللي بتكلم عنه اليوم
اللي يدخنون بالاماكن العامه
طبعا كلنا ندري ونعرف اضرار التدخين اللي لاتعد ولا تحصى
فاللي بيدخن ابروحه كيفه يضر نفسه
انا اللي اقصده هني( التدخين السلبي)
اللي احنا ضحاياه
طبعا محد ينكر اضرار التدخين السلبي مثل اضرار التدخين على المدخنين العاديين
وكلكم تدرون ان اضرار التدخين على اللي دار مدار المدخن اكثر من اضراره عليه نفسه وهذا ما اثبتته الدراسات اللي عن التدخين السلبي لان المخن قاعد يطلع السموم منه وتدش باللي يمه
انزين انا وحده عايشه ابيئه ملتزمه الحمدلله ما عندنا احد يدخن لا بالبيت ولا عند بيت خوالي وعمامي
وحتى أبوي من يخطبنا أحد يدخن سيده يرفضه حتى لو كان زين لان عندنا الزواج من مدخن شي مستحيييل
وبيتنا مادشته زقاره الحمدلله
فا رئتي المفروض مثل الدشداشه اللي طالعه من مصبغه :68_asmilies-com:
انا قلت المفروض اما الواقع اتوقع ان مافي احد ماحاشته سموم الزقاير واكيد الكل مار على ناس يدخنون
يعني مايصير ان احد يخليج تدخنين غصب وتدخنين اهو التدخين السلبي
يعني صرت لما اقوم من النوم اروح الجامعه الشباب يدخنون هناك ,, نروح السوق يدخنون ,, الاماكن الرسميه بالدوله,, يدخنون
أتوقع ان هذا الشي واسمحولي ,, قلة أدب
اللي يبي يدخن خل يقمت روحه ويخيس روحه بروحه ماله داعي يغصب الناس ينضرون معاه
وهذي فيها أمراض مو لعبه ولا غشمره وأكيد انتو شايفين السرطان شلون منتشر هالايام بالكويت لما صار مثل المرض اللي يغزو البيوت وبكل الاعمار مو هذا كله من هالقذاره اللي يشربونها؟؟
ما اتوقع فيه وحده راح تدش تخالف رايي الا اذا اهيا تدخن بعد :eh_s(1):
___________________________________________
المهم اللي بوصله
ان الحين في قانون يمنع التدخين بالاماكن العامه بس مافي أحد يطبقه
فبما ان هالقانون مو ماشي
ليش مايحطون قانون يمنعون التدخين بكبره ويمنع بيع علب الزقاير بالجمعيات
لاني ما أشوف في فرق بين الزقاره والمخدرات كلهم ادمان فا المدمن كيفه يدبر نفسه يتعالج
ماله داعي يخيسنا بقذارته اللي يشربها
وعلى فكره اصلا فكرو ان يحطون هالقانون بس مادري ليش وقفو
فا اتمنى بالمجلس الياي انه ينحط
بس,, اذا في نواب ويدخنون يعني نواب واصلين لي هالمستوى ودكاتره بالجامعه شلون راح نحطه
واللي تقول ان هذي حرية شخصيه,, الحريه الشخصيه لازم ما تتعدى على الغير ولا تصير جريمه مو حريه
وحتى لو ما تعتبر جريمه بالقانون تعتبر جريمه بالدين واكيد راح يتحاسب عند الله فاعلها
لذلك لا مبرر من ترك المدخنين يغصبونا ان ندخن ونشم اللي يشربونه غصب
هذا غير الام الراس والصداع وغيره اللي تصير ابعض الناس وانا وحده منهم
يعني تخيلو اليوم دكتور بالامتحان داش بالزقاير الكلاس ويضحك ويقول عشان مايقدرون يغشون
هذي مو سالفة غش سالفة أمراض,, اذا هذا دكتور وبهالمستوى من التفكير ,, دكتور قانون بعد,, شلون باجي الشعب نبيهم يقتنعون؟؟
اوكي اللي بيدخن بالبيت كيفه بالسياره كيفه مكان بروحه كيفه اذا عياله واهله مو هامينه
أما بالاماكن العامه هذا مو من حقه وتعدي على حرية الغير والمفروض ان يوجد نص بالقانون يعتبره جريمه يعاقب عليها واللي يبي يرفع دعوى يكون من حقه ان يرفعها,,
او يحطون اماكن مغلقه لهم
وهذا كله للمصلحه العامه او على الاقل خل يمنعون الاماكن اللي فيها يهال ان تدشها هالقذارات والروايح
اذا دول اوروبا طبقو قانون منع التدخين في الاماكن العامه فهل احنا تأخرنا في تطبيقه لان احنا دول متخلفه,, أقصد ناميه أم المفروض ان احنا دول اسلاميه نكون السباقين في تطبيق مثل هالقوانين وان نفك الناس والاطفال من شرهم وسمومهم؟؟
وأتمنى ان تكون البدايه موضوع بعدين مواضيع بعدين مواضيع بالجرايد لما يثار الموضوع ويتطبق,,
والسلام مسك الختام واختلاف الاراء لا يفسد في الود قضيه :tek:
_____________________
رجاء ما نبي وحده تدش تستعبط ولا تقل أدبها من الحين مع السلامه الموضوع مو لها الموضوع لأصحاب التفكير الراقي والحوار الراقي واللي تغلط تتحمل الكلام اللي راح اييها
ومانبي أحد يكرر كلام انا راده عليه بموضوعي مثل الحريه الشخصيه مثلا تكلمت عنها بالتفصيل
ومانبي احد يتكلم بدون أدله أتمنى ان يكون حوار قانوني راقي :tek:
بليز اقرو الموضوع قبل ما تصوتون بعدين صوتو
أول شي سوري على عنوان الموضوع أدري ان في منكم ابوها او اخوها يدخنون
بس اللي بتكلم عنه اليوم
اللي يدخنون بالاماكن العامه
طبعا كلنا ندري ونعرف اضرار التدخين اللي لاتعد ولا تحصى
فاللي بيدخن ابروحه كيفه يضر نفسه
انا اللي اقصده هني( التدخين السلبي)
اللي احنا ضحاياه
طبعا محد ينكر اضرار التدخين السلبي مثل اضرار التدخين على المدخنين العاديين
وكلكم تدرون ان اضرار التدخين على اللي دار مدار المدخن اكثر من اضراره عليه نفسه وهذا ما اثبتته الدراسات اللي عن التدخين السلبي لان المخن قاعد يطلع السموم منه وتدش باللي يمه
انزين انا وحده عايشه ابيئه ملتزمه الحمدلله ما عندنا احد يدخن لا بالبيت ولا عند بيت خوالي وعمامي
وحتى أبوي من يخطبنا أحد يدخن سيده يرفضه حتى لو كان زين لان عندنا الزواج من مدخن شي مستحيييل
وبيتنا مادشته زقاره الحمدلله
فا رئتي المفروض مثل الدشداشه اللي طالعه من مصبغه :68_asmilies-com:
انا قلت المفروض اما الواقع اتوقع ان مافي احد ماحاشته سموم الزقاير واكيد الكل مار على ناس يدخنون
يعني مايصير ان احد يخليج تدخنين غصب وتدخنين اهو التدخين السلبي
يعني صرت لما اقوم من النوم اروح الجامعه الشباب يدخنون هناك ,, نروح السوق يدخنون ,, الاماكن الرسميه بالدوله,, يدخنون
أتوقع ان هذا الشي واسمحولي ,, قلة أدب
اللي يبي يدخن خل يقمت روحه ويخيس روحه بروحه ماله داعي يغصب الناس ينضرون معاه
وهذي فيها أمراض مو لعبه ولا غشمره وأكيد انتو شايفين السرطان شلون منتشر هالايام بالكويت لما صار مثل المرض اللي يغزو البيوت وبكل الاعمار مو هذا كله من هالقذاره اللي يشربونها؟؟
ما اتوقع فيه وحده راح تدش تخالف رايي الا اذا اهيا تدخن بعد :eh_s(1):
___________________________________________
المهم اللي بوصله
ان الحين في قانون يمنع التدخين بالاماكن العامه بس مافي أحد يطبقه
فبما ان هالقانون مو ماشي
ليش مايحطون قانون يمنعون التدخين بكبره ويمنع بيع علب الزقاير بالجمعيات
لاني ما أشوف في فرق بين الزقاره والمخدرات كلهم ادمان فا المدمن كيفه يدبر نفسه يتعالج
ماله داعي يخيسنا بقذارته اللي يشربها
وعلى فكره اصلا فكرو ان يحطون هالقانون بس مادري ليش وقفو
فا اتمنى بالمجلس الياي انه ينحط
بس,, اذا في نواب ويدخنون يعني نواب واصلين لي هالمستوى ودكاتره بالجامعه شلون راح نحطه
واللي تقول ان هذي حرية شخصيه,, الحريه الشخصيه لازم ما تتعدى على الغير ولا تصير جريمه مو حريه
وحتى لو ما تعتبر جريمه بالقانون تعتبر جريمه بالدين واكيد راح يتحاسب عند الله فاعلها
لذلك لا مبرر من ترك المدخنين يغصبونا ان ندخن ونشم اللي يشربونه غصب
هذا غير الام الراس والصداع وغيره اللي تصير ابعض الناس وانا وحده منهم
يعني تخيلو اليوم دكتور بالامتحان داش بالزقاير الكلاس ويضحك ويقول عشان مايقدرون يغشون
هذي مو سالفة غش سالفة أمراض,, اذا هذا دكتور وبهالمستوى من التفكير ,, دكتور قانون بعد,, شلون باجي الشعب نبيهم يقتنعون؟؟
اوكي اللي بيدخن بالبيت كيفه بالسياره كيفه مكان بروحه كيفه اذا عياله واهله مو هامينه
أما بالاماكن العامه هذا مو من حقه وتعدي على حرية الغير والمفروض ان يوجد نص بالقانون يعتبره جريمه يعاقب عليها واللي يبي يرفع دعوى يكون من حقه ان يرفعها,,
او يحطون اماكن مغلقه لهم
وهذا كله للمصلحه العامه او على الاقل خل يمنعون الاماكن اللي فيها يهال ان تدشها هالقذارات والروايح
اذا دول اوروبا طبقو قانون منع التدخين في الاماكن العامه فهل احنا تأخرنا في تطبيقه لان احنا دول متخلفه,, أقصد ناميه أم المفروض ان احنا دول اسلاميه نكون السباقين في تطبيق مثل هالقوانين وان نفك الناس والاطفال من شرهم وسمومهم؟؟
وأتمنى ان تكون البدايه موضوع بعدين مواضيع بعدين مواضيع بالجرايد لما يثار الموضوع ويتطبق,,
والسلام مسك الختام واختلاف الاراء لا يفسد في الود قضيه :tek:
_____________________
رجاء ما نبي وحده تدش تستعبط ولا تقل أدبها من الحين مع السلامه الموضوع مو لها الموضوع لأصحاب التفكير الراقي والحوار الراقي واللي تغلط تتحمل الكلام اللي راح اييها
ومانبي أحد يكرر كلام انا راده عليه بموضوعي مثل الحريه الشخصيه مثلا تكلمت عنها بالتفصيل
ومانبي احد يتكلم بدون أدله أتمنى ان يكون حوار قانوني راقي :tek:
التعديل الأخير:
