قانون منع الإختلاط بجامعة الكويت جريدة الوطن (صوتو)

[uniqueah]

على فكرة بس المصخرة كلها تصير برى الكلاس
مغازل و لحقات ..
حاطة عطر تبخر في الجامعة كلها + فل ميكب بوييها ولا بعيونها + عباية ضيحة و كل شك الدنيا فيها .. + كعب
+ ضحك بصوت عالي
لا و تلحق الشباب بعد وهذا اللي دايم اشوفه

هذي وين والجامعة وين .. متوسطة وابتدائي ووايد عليها ..





داخل الكلاس في دكتور و دراسة .. و يقدرون يقولون الشباب مثلا هالصوب و البنات هالصوب
واللي يبي يخترب .. يخرب نفسه برى او داخل الكلاس ما تفرق
هذا وزاع ديني من داخلج ..
البنت المحترمة لو تحطينها بين مليون ريال .. تفرض احترامها

وسالفة الخجل من الكلام و البرزنيشن من رايي مالها داعي
اكيد بالبداية بكون مستحية سواء بنات او شباب
بس بالنهاية لازم اتعود انا انسانة بمستوى اكاديمي .. لازم انتعود على هذا الوضع

ودام مافيه خلوة ليش حرام ؟؟

آآي عدل كلاااااااااااامج حبوبه كل وحده تقدر تفرض احترامهاا بس مافيهاا شي لو فصلو البنات عن الشباب ؟ وكل واحد وله راي وحياج الله ​

 

[tulip]

انا افضل يتم منع الاختلاط كليا .. منع تام مثل كليه البنات

اما جذي معلقينه .. مو مفصولين ولا مشترك مايصير صراحه ... اتمى يطبقونه بشكل صحيح

 

[منار البربرية]

شوي يمسكون نفسهم احنا معانا خلط ويقعدون على الارض بين الممرات

فما بالك اذا شالوا الخلط بتصير قهوه شعبيه مو جامعه

استغفرالله وجود الرجل بالعكس يخلي البنت تحتشم او بالاحرى ما تاخذ راحتها

لان في ناس ويانا ما تفرق بين البيت والجامعه البعض قلت مو الكل

 

[مزيونه2008]

تم انا مع منع الاختلاط

 

[الحورية الصغيرة]

جامعة الكويت تحت الظروف الحالية مستحيل تطبق هذا القانون ~

الجامعة ما عندها أي إستعداد و الطلبة كل مالهم و يزيدون غير المحولين من الجامعات الثانية


إحنا مو الجامعات الخاصة إلي مسوينها على أساس تستوعب 20 ألف طالب و فيها بس 3 ألاف بالكثير

و الشي المضحك أنه الطلبة إلي أصروا على تطبيق هذا القرار ياخذون عند حريم > حسب كلام دكتوره بالأداب بلا ذكر إسم

و بعد قالت أنه الدكاتره حذرت الجامعة من تطبيق القرار في الوقت الحالي لانه فيه سلبيات على المدى القريب و البعيد

القريب > أول كورس طبق هذا القرار في عدد كبير من الطلبة تأخر تخرجهم

البعيد > القضية الشاغله الناس هالأيام القبول الجامعي


ضد منع الإختلاط في الوقت الحالي بسبب عدم وجود أي إستعدادات له

و لا تطالعون الموضوع من جانب واحد

وايد طلبة تأخر نخرجهم سبة هالقرار على المادة

 

[أحلى البشر]

خل يحلوون ازمة القبول بالأول عشان يطلعون لنا سالفة الاختلاط!!
على فكره اهمه طلعوا هالسالفه عشان الناس تلهى عن سالفة القبول الحين اللي مقدمين على جامعة الكويت 12500 واللي راح ينقبلون 8000 بس !! والباجي ؟؟ 4500 وين بيروحون ؟؟ يعني صراحه قمة الفوضى .
اهم شي ان اهمه ضيعوا سالفة القبول بالاختلاط !
على كل تم التصويت ضد الاختلاط طبعا

 

[مس روبنز]

جزاج الله خير

آنا صوت بالغلط من صدمتي >> :eh_s(1): :rgewrg: :eh_s(4):

والحمد لله إن كلية الشريعه من عمرها مافيها اختلاط أريح كليه دخلتها
وما ودي أطلع منها​

 

[MayOumii~]

مع قآنون منع الاختلآط
صرآحة انا وحدة خجولة استحي اسوي برزنتيشن جدآم بنآت هالمرة جدآم شبآب
وآآي يمه ما تلقوووؤني p=

 

[Zozowa j]

على فكرة بس المصخرة كلها تصير برى الكلاس
مغازل و لحقات ..
حاطة عطر تبخر في الجامعة كلها + فل ميكب بوييها ولا بعيونها + عباية ضيحة و كل شك الدنيا فيها .. + كعب
+ ضحك بصوت عالي
لا و تلحق الشباب بعد وهذا اللي دايم اشوفه

هذي وين والجامعة وين .. متوسطة وابتدائي ووايد عليها ..





داخل الكلاس في دكتور و دراسة .. و يقدرون يقولون الشباب مثلا هالصوب و البنات هالصوب
واللي يبي يخترب .. يخرب نفسه برى او داخل الكلاس ما تفرق
هذا وزاع ديني من داخلج ..
البنت المحترمة لو تحطينها بين مليون ريال .. تفرض احترامها

وسالفة الخجل من الكلام و البرزنيشن من رايي مالها داعي
اكيد بالبداية بكون مستحية سواء بنات او شباب
بس بالنهاية لازم اتعود انا انسانة بمستوى اكاديمي .. لازم انتعود على هذا الوضع

ودام مافيه خلوة ليش حرام ؟؟

كلامج عين العقل :eh_s(15):
اتفق معاج 100%

 

[عاشقة هواك]

حبايبي ترى اذا على قولتكم ما تبون اختلاط حده مو من صالحكم

لان الدكاتره راح يبطلون شبعه بس حق شباب واذا كان هالدكتور محتكر المادة

وانتي بتتخرجين راح تقعدين بعد كورس وتتأخرين على التخرج كيفكم انا قلت لكم

 

[uniqueah]

حياااااااااكم الله حباايبي وثانكس على الرد
وكل واحد وله وجهة نظر
​

 

[خـورآفيــه]

يا بنات افهموا ماله شغل الإختلاط بممرات الجآمعه أو اللي تقولي بالجمعيه والسوق شكووو ,, انا لمن أكون بالكلآس ونص الشعبه شبآب قسمآ بالله يا الله أتحملهآ لآني عارفه احاجي الدكتور ولا أسأله ولآ ابطل حلجي وبالامتحان هم أندبس مآ أقدر مايطلع الحجي ودي اتكلم بس اغص لآ شفت كلهم عينهم علي !! أكيد القاعه هدوء وانا اكلم الدكتور الكل عينه علي ,, السآلفه مو سالفة كبت ماله شغل ياليت تكبرون عقولكم !!

انا ضد هالاختلآط اللي يحرم البنت من المشآركه وابداء رأيهآ والنقاش مع دكتور المآده وتقديم البرزنتيشن وااااي شكثر بنآت مايقدمون وتروح عليهم 10 درجآت او أكثر !
هذ الحيآ يا بنآت افهموا هذا ديننا شنسوي يعني تبونآ نفسخ الحيآ ؟؟!

 

[~ طـــواري ليل ~]

يا ليت يتطبق قانون منع الاختلاط و بعد نبي حل لمشكلة طالبات الطب زيدوا المقاعد و كل واحد ماخذ ال3 نقاااط مفروض ينضم للكليه يعني حرام ندرس و نشد حيلنا و نجيب ال 3 نقاط و ما يقبلونا بالتحويل بسبب المقاااعد

و مشكوووره ع الموضوع و تم التصويت ع منع الاختلاط

 

[ريومه ..!!]

تم التصويت

 

[اشراقة المحبة]

مع الاسف قانون تعسفي ما عرفوا عواقبه قبل لما كنت بالجامعة كنا ننذل عشان التسجيل بالشعب لانها دايما مغلقة والسبب منع الاختلاط وقلة الهيئة التدريسية .. واحيانا يكون الدكتور الممتاز ينزل دايما حق الذكور وما ينزل للاناث ... قانون حطوه بدون دراسة ومحد كلاها الا الطلبة وبعضهم ينقع بالجامعة عشان يتخرج والسبة هالمواد والشعب المغلقة يتأخر تخرجه ... انا ضد القانون لانه من خلال اللي شفته ظلم الطلبة وظلمني انا شخصيا شنو ذنبي اذا ابي عند دكتور وايد زين بس هالدكتور ما ينزل الا حق الذكور واضطر اخذ المادة عند دكتور ثاني معقد ويخسف الشعبة بالدرجات ... الموضوع ما فيه عدااااااااالة

لا تاخذونها من جانب ديني بس طالعوا كل الجوانب اذا عالدين كلنا نبي الشريعة الاسلامية تطبق لكن بصورة صح وبقوانين صح مو نطبقها على المزاج والطلبة هم الضحية ...

ما راح يحس بكلامي الا الطلبة اللي عانوا بالجامعة من هالسالفة ...

 

[~ طـــواري ليل ~]

اختي بطبيعتي مستجده و ما اعرف بهالامور
المفروض كل دكتور ينزل / ينزل للشباب و البنات جذي بتنحل المشكله !
و بعدين حرام انا خجوله حيل و مو متعوده ع سوالف الاختلاط و هيك < يعني اتلعوز بالبرزنتيشن او المشاركه بسبب هالشي !

 

[دلوعه ناعمه]

امبيييييه شنو منع مامنع يعني بالمجمعات وكل مكاااان في ريايل بس بالجامعه غير؟؟ وبعدين القانون اللي تتحجون فيه مومطبق وحتن لوصوتوا ماتوووقع يمنعوووونه

 

[~ طـــواري ليل ~]

اممممم بس الجامعه غير المجمعات و الاماكن الثانيه
لانها مكان دراسه و الطالبه او الطالب مجبور ع المشاركه
و البنت بطبيعتها خجووله يعني ما نقدر نقدم برزنتيشن و لا بنشارك نرفع من عمرنا شوي
و مثل ما قالت احدى العضوات وقت الامتحان طبيعي القاعه هاديه و اذا سألت ماكو ولد الا بيطالعها
يعني فيه ناس متعوده و فيه ناس لا

الحين لو يسوون مثل جامعات السعوديه و الله احسن و استر لنا
جامعه كلها بنات و الدكاتره حريم << يعني نفس الثانويه

 

[( المـلاك )]

انا مع قانون منع الاختلاط
وجان زين منع الاختلاط يصير بكل شي بالجامعه مو بس بالكلاسات
الوضع والجو كلش مو تربوي ولا دراسي
شوفوا البنات يانيين وقاعدين شمسوين بعمرهم لانه معاهم شباب
بس روحي طلي عليهم بباجي المعاهد والكليات اللي بس بنات
كل وحده عباتها و بجامتها و نظارتها صاكه نص ويهها

و ملينا واحنا نصوت
المفروض المسؤولين الكبار يعرفون شيسوون
و يعرفون هالجيل شلون صار و شقاعدين يسوون البنات
خليهم يفصلون بين البنات والشباب بكل مكان بالجامعه
ويسوون لهم سياسه يديده بتنظيم الشعب عقب ما يقرون منع الاختلاط كلياً

وبعرف ليش في ناس متضايقين من انه نمنع الاختلاط
اللي تبي الاختلاط تقدر تروحله بالمكان اللي اهيا تبيه
بس احنا نفكر بمصلحه الكل
الوضع هالايام مو طبيعي

 

[طوووطه]

اول شي القانون مو مطبق صح
بنسبه لهم لو صوتنا راح يصير منع بس بالشعب اتوقع وراح تصير مشاكل ومانلقى شعب وراح يتاخر تخرج الطلبه لانه القانون اساسا مطبق غلط
واذا طلعنا من الكلاس اختلاط شنو هالقانون يدورون الشقى للطلبه
انا مع منع الاختلاط اذا كان بيطبق صح
يعني امنع بالكلاسات والممرات وكل شي كليه للبنات وكليه للشباب
اما والله ملعوزينا ويبطلون الشعب للشباب واحسن الدكاتره واسؤء الدكاتره للبنات وكلها مصكره فهذا مو حل فيه ظلم وتاخر لطلبه وايد وحرام
وانا اختي تاخر تخرجها بسبه ماده منزلينها بس شباب يعني كورس كامل ماعندها شي تقول شسوي الاحين راحت وعادت مواد ولا انها توقف قيدها
بنات صدقوني انتم مو حاسين بالموضوع لانه مو عداله اللي يصير ولا اصلا مطبقين القانون
فانا بالوقت الحالي ضد هالشي ولو يفتحون ماده اختلاط باخذها ولا اتاخر كورس كامل علي ولا شي
اما انا بكون مع اذا صار فصل كلي هني نسميه منع اختلاط غيره لا وشكرا