قبل الحادث هل رأى احدكم رؤية في المنام تفسر ماجرى في الجهراء ؟؟؟؟!!!!

[روحي تحب]

لا والله كان شئ لاعلى البال ولا على الخاطر وبصراحه سؤالج اسمحيلي ذكرني بحلوم سلوى المطيري ههههههههه

الله يحمي الكويت من كل شر وصحيح في رؤيا صادقه ماننكرها بس الله يكافينا شر الاحلام بالصدقه والتقوى

وتقبلي مروري يالطيبه

 

[layan 23]

ماحلمت والله يبعدنا عن هالاحلام

 

[حمام شاقني فنه]

تحلمت مرتين
ان ثنيتي طاحت >الي هم اول سنين طاح منهم واحد
ومعروف ان الثنيه فقدان قرايب واهل


فقدناا حريم وبنات الكويت اخيه بس

 

[ترانيم العود]

بصراحه ما اذكر

 

[badraa_85]

اي انا خالتي ام ريلي حلمت

احنا بنفس اليوم كان عندنا عرسولد خال ريلي


المهم عقب العرس واحنا رادين جان تقول خالتي اشوه عدى العرس على خير لان حلمانه حلم اللهم يا كافي ان صايره حريجه وانا قاعده اقول حق الناس الي يم الحريجه وخروو عنا روحو بعيد وقاعده نقولنا احنا اهلها وخرو عن الحريجه

المهم جان تقول اشوه كنت خايفه يصير هوشه او شي بالعرس المهم ردينا البيت تونا داشين جان ينزل ريلي ها ييتوو انتو استانستو وتصدقوون في عرس بالجهرا احترق !!!!!!!

امبيه انا وخالـــــــــتي طقتنا البووههههههه وثنتينا بصووت واحد امبيه الحلـــــــم

وبس العلم عند الله

 

[خربشة قلم]

ترا هذا اهي شغلة الحريم بس تصير قصة قالوا والله حلمت .

!!!

 

[امي نور عيني]

انا تحلمت قبل العرس باسبوعين انه المسجد الكبير يحترق والناس قاعده اتطفى فيه واللي يطيح من فوق ويموت وكنت اقول انه هذول شهده اللي طاحوا وكانوا يحاولون يطفونه بكل ما عندهم من قوه وانا كنت اطالع من بعيد واقول اعوذ بالله حتى لما قعدت من النوم كنت حدي متضايقه مادري هل هالشي له شغل باللي صار لانه جدام عيني الناس كانت تخترق وتموت والله العالم والله يرحم موتانا المسلمين