قدر الله وماشاء فعل(خاص لأمهات التوحد)

[& الذاهبه &]

بسم الله الرحمن الرحيم

السلام عليكم

مثل ما انتو عارفين خواتي بنتي مريضة بالتوحد عمرها سنتين وتسع شهور ..

كنت ما افكر بالحمل حاليا عشان اجابل بنتي ..

وانا سبق لي الحمل خارج الرحم قبل تسع شهور .. فالدكتور مانعني من الحبوب مالت المانع لأنها تلخبط الهرمونات

واستخدمنا طرق ثانيه .. وسبحان الله طبقتها عدل تسع شهور لكن تأخرت الدوره وطلعت حامل

انا مستانسه ومو مستانسه بنتي حياتي احس اني راح اهملها بالطفل الجديد

امهات في احد نفسي وشنو احتماال اصابة طفل ثاني بالتوحد

بناات ادعولي اني اجيب طفل سليم كامل الخلق والخليقه لازياده فيه ولانقصااان

اللهم اشرح صدري ويسر امري

 

[الصابرة المحتسبة]

هلا يالذاهبة

والحمدلله وألف مبروووك وعسى ربي يتمم عليج ويرزقج بالضنى المتعافي الصالح

عندج العضوة أختنا الغالية أمونه في موضوعها المثبت تقدرين تشوفين مشاركاتها

 

[سمسومه الحبوبه]

الف مبروك حبيبتي
الله يتمم لك لى خير ويرزقك بالطفل السليم المتعافي
ويشفي بنيتك ويقر عينك فيها

 

[@شمس الضحى@]

مبرووووووك حبيبتي
الله يقومج بالسلامه ويرزقج بالذريه الصالحه الباررره
وكلي أمرج لله سبحانه ولاتحاتين ولاتفكرين واجد تراا مووزين لج وانتي حامل

 

[بنت النخيل]

الف مبروك يالذاهبه وعسي ربي يقومج بالسلامه

اختي انا كنت مثلج وكنت خايفه انه يجيني ولد او بنت فيهم توحد بس من خلال مراجعات ولدي اول مااكتشفت المرض طلبوا مني اني اسوي

تحليل وراثه ولله الحمد طلع سليم يعني الاولاد الي بعد ولدي المعاق مافيهم شي ولله الحمد بس انا ماخليت الدعاء والتضرع لرب العالمين

انهم يطلعون سليمين ومعافين

اختي سوي تحليل الوراثه واتكلي علي رب العالمين وربي ماراح يخيب دعاج (انا عند حسن ظن عبدي بي)

 

[مواضي]

الف الف مبروك حبيبتي
وكلي امرج للي خلقج وتوكلي عليه ولاتنسين الدعاء
وعسى ربي يرزقج بطفل سليم ويقر عينج فيه

 

[& الذاهبه &]

الله يبارك فيكم خواتي

ولله الحمد على كل حال

انشاء الله ربي يعني على تربية حبيبتي

والجاي الله يتمم علي حمله ويجعله مشافى معافى

 

[بنت النخيل]

امين امين امين

 

[بنت النخيل]

امين امين امين

 

[ام^صالح]

اول شي مبروك والله يتمه عليج
انا نفسج بس الفرق اني اكتشفت اصابة ولدي بالتوحد وانا نفاس باخوه وكان عمره سنتين واربع شهور

صدقيني كان للطفل الصغير اكبر اثر في حياتي من ناحية انشغالي عن حزني وصدمتي

كان دافع كبير للاطلاع على كل شي يهم اطفال التوحد علشان مااحس اني مقصره من ناحيته واكون ملمه بكل شي
لان الطفل الصغير ايضا محتاج لاهتمام ورعايه
والاهم الاهم وراح تلاحظينه باذن الله ان المولود الجديد اكبر وافضل معلم لاخييييييه
علشان جذي لاااااااااااااتفكرين باحتمال انه او انه ... استودعيه الله
اللهم ارزق اختي الذاهبه بالطفل السليم المعافى واحفظه من كل شر

 

[& الذاهبه &]

الله يخليكم لي

فعلا انتو خوات دنيااا

وما استغني عن دعواتكم لي

تسلمين يا ام صالح على الدعوه الحلوه والله يقر عينج بوليدج مشافى معافى

 

[*beathana*]

الف مبروك حبيبتي

والله الخيرة فيما اختاره الله

وان شاء الله ماكو الا العافيه وترى كلشي بالتعود

ان شاء الله بتقدرين تهتمين بالاثنين عدل وماتقصرين بحق اي واحد بإذن الله